ಅಡ್ಡ ಶೀರ್ಷಿಕೆ ಅಧಿಕೃತವಾಗಿ ಶ್ರೀನಿವಾಸ್ ಪಾಲಿಗೆ

ನಿರ್ದೇಶಕ ಪ್ರೇಮ್ ಮತ್ತು ಬಿ. ಕೆ. ಶ್ರೀನಿವಾಸ್ ಮಧ್ಯೆ 'ಅಡ್ಡ' ಶೀರ್ಷಿಕೆಗಾಗಿ ನಡೆದ ಅಡ್ಡಾದಿಡ್ಡಿ ಜಗಳಕ್ಕೆ ಕೊನೆಗೂ ತೆರೆ ಬಿದ್ದಿದೆ. ಅಧಿಕೃತವಾಗಿ ಈಗ ಅದು ಫಿಲ್ಮ್ ಶ್ರೀನಿವಾಸ್ ಪಾಲಾಗಿದೆ. ಅದಕ್ಕೆ ಸಾಕ್ಷಿಯಾಗಿ ಅವರಲ್ಲಿ ಚೆಂಬರ್ ಕೊಟ್ಟಿರುವ ಪತ್ರವಿದೆ. ಶ್ರೀನಿವಾಸ್ ಈಗ ಅಡ್ಡದಲ್ಲಿದ್ದಾರೆ.

ಪ್ರೇಮ್ ಶಿಷ್ಯ ಚಂದ್ರು ಎಷ್ಟೋ ವರ್ಷಗಳಿಂದ ಅಡ್ಡ ಎಂಬ ಟೈಟಲನ್ನು ಇಟ್ಟುಕೊಂಡಿದ್ದರು. ಆದರೆ ಅದನ್ನು ರೀನ್ಯೂ ಮಾಡಿರಲಿಲ್ಲ. ಆಗ ಅದನ್ನು ಸಾ.ರಾ. ಗೋವಿಂದು ತಮ್ಮ ಬ್ಯಾನರಿನಲ್ಲಿ ರಿಜಿಸ್ಟರ್ ಮಾಡಿಕೊಂಡಿದ್ದರಂತೆ. ಶ್ರೀನಿವಾಸ್ ಅದನ್ನು ಅವರಿಂದ ಅಧಿಕೃತವಾಗಿ ಪಡೆದಿದ್ದಾರೆ.

ಈಗ, ಶ್ರೀನಿವಾಸ್ ಅದನ್ನು 2012 ರ ಒಳಗೆ ಸಿನಿಮಾ ಮಾಡುವುದಾಗಿ ಹೇಳಿದ್ದಾರೆ. ಆದರೆ ಈ ಮಧ್ಯೆ ಪ್ರೇಮ್ ಏನಾದರೂ ಬಂದು ಶ್ರೀನಿವಾಸ್ ಕೇಳಿದರೆ? ಅದಕ್ಕೂ ಅವರ ಬಳಿ "ಬಂದು ಕೇಳಿದರೆ ನೋಡೋಣ" ಎಂಬ ಉತ್ತರವಿದೆ. ಅಂತೂ ಈಗ ಅಡ್ಡದಲ್ಲಿ ಇರುವವರು ಯಾರು, ಅಡ್ಡದಾರಿ ಹಿಡಿದದ್ದು ಯಾರು ಎಂಬುದು ತಿಳಿದಂಗಾಯ್ತು. (ಒನ್ ಇಂಡಿಯಾ ಕನ್ನಡ)