ಬಾಲಿವುಡ್ ಬೆಡಗಿ ಅನುಷ್ಕಾ ಶರ್ಮಾಗೆ ಆಯ್ತೆ ನಿಶ್ಚಿತಾರ್ಥ

ಬಾಲಿವುಡ್ ತಾರೆ ಅನುಷ್ಕಾ ಶರ್ಮಾ ಎಡಗೈಬೆರಳಿನುಂಗುರದಲ್ಲಿ ಫಳಫಳ ಹೊಳೆಯುತ್ತಿರುವ ಡೈಮಂಡ್ ರಿಂಗ್ ಹಲವಾರು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ. ಈಕೆ ಎಲ್ಲಿ ಹೇಳದೆ ಕೇಳದೆ ನಿಶ್ಚಿತಾರ್ಥ ಮಾಡಿಕೊಂಡರೋ ಎಂಬ ಬಲವಾದ ಅನುಮಾನಗಳನ್ನು ಹುಟ್ಟುಹಾಕಿದೆ.

ಈ ವಜ್ರದುಂಗುರವನ್ನು ಆಕೆ ತೋರಿಸಿ ತೋರಿಸದಂತೆ ಮಾಡುತ್ತಿರುವುದು ಬಾಲಿವುಡ್ ಮಂದಿಯ ಅನುಮಾನಗಳನ್ನು ಇನ್ನಷ್ಟು ಹೆಚ್ಚಿಸಿ ಪ್ರಾಣಸಂಕಟಕ್ಕೆ ಕಾರಣವಾಗಿದೆ. "ಬ್ಯಾಂಡ್ ಬಾಜಾ ಬರಾತ್" ಚಿತ್ರ ಸಕ್ಸಸ್ ಅಲೆಯಲ್ಲಿ ತೇಲುತ್ತಿರುವ ಅನುಷ್ಕಾ ರಿಂಗಿನ ಹಿಂದಿನ ಸತ್ಯ ಏನು ಎಂಬುದು ಗೊತ್ತಾಗಿಲ್ಲ.

ರಣವೀರ್ ಸಿಂಗ್ ಜೊತೆ ಈಕೆ ಉಂಗುರ ಬದಲಾಯಿಸಿಕೊಂಡಳಾ ಹೇಗೆ ಎಂಬ ಅನುಮಾನವೂ ಒಂದು. ಇವರಿಬ್ಬರೂ ಸಭೆಸಮಾರಂಭಗಳಿಗೆ ಒಟ್ಟಿಗೆ ಹೋಗುತ್ತಿರುವುದು ನಿಶ್ಚಿತಾರ್ಥ ಅನುಮಾನವನ್ನು ಮತ್ತಷ್ಟು ಬಲಪಡಿಸಿದೆ. ಅನುಷ್ಕಾ ಬಾಯ್ಬಿಡಲ್ಲ ಸತ್ಯ ಗೊತ್ತಾಗಲ್ಲ ಅಷ್ಟೆ. (ಏಜೆನ್ಸೀಸ್)