ಕಾಜಲ್ ಅಗರವಾಲ್ ಬೆತ್ತಲೆ ಫೋಟೋ ರಿಯಲ್!

ಇತ್ತೀಚೆಗೆ ಬೆಡಗಿ ಕಾಜಲ್ ಅಗರವಾಲ್ ಕಾಮೋತ್ತೇಜಕ ಫೋಟೋಗಳನ್ನು ಎಫ್‌ಎಚ್‌‍ಎಂ ಮ್ಯಾಗಜಿನ್‌ ಪ್ರಕಟಿಸಿತ್ತು. ಸಂಚಿಕೆ ಹೊರಬರುತ್ತಿದ್ದಂತೆ ಕಾಜಲ್ ಕಂಗಾಲಾಗಿದ್ದರು. ಅವು ನನ್ನ ಫೋಟೋಗಳು ಅಲ್ಲವೆ ಅಲ್ಲ ಎಂದು ಆಕಾಶ ಭೂಮಿ ಒಂದಾಗುವಂತೆ ಹುಯಿಲೆಬ್ಬಿಸಿದ್ದರು. ಆದರೆ ಅವು ಆಕೆಯದೇ ರಿಯಲ್ ಫೋಟೋಗಳು ಎಂದು ಎಫ್‌ಎಚ್‌ಎಂ ಮ್ಯಾಗಜಿನ್ ಇದೀಗ ಸ್ಪಷ್ಟೀಕರಣ ನೀಡಿದೆ.

ಸೆಪ್ಟೆಂಬರ್ 2011ರ ಸಂಚಿಕೆಗಾಗಿ ಸ್ವತಃ ಕಾಜಲ್ ಅಗರವಾಲ್ ಅವರೇ ವಿವಿಧ ಭಂಗಿಗಳಲ್ಲಿ ತಮ್ಮ ಅಂಗಸೌಷ್ಟವನ್ನು ಪ್ರದರ್ಶಿಸಿದ್ದರು. ಆ ಫೋಟೋಗಳನ್ನೇ ತಾವು ಪ್ರಕಟಿಸಿದ್ದೇವೆ ಎಂದು ಪುರುಷರ ಮ್ಯಾಗಜಿನ್ ಸ್ಪಷ್ಟಪಡಿಸಿದೆ. ಈ ಮೂಲಕ ಕಾಜಲ್ ಅಗರವಾಲ್ ಬೆತ್ತಲೆ ಫೋಟೋ ವಿವಾದ ಮತ್ತೊಂದು ತಿರುವು ಪಡೆದಿದೆ.

ಕಾಜಲ್ ಇಮೇಜ್ ಕೆಡಿಸಲು ಪತ್ರಿಕೆ ಮಾಡಿರುವ ಗಿಮಿಕ್ ಇದು ಎಂದು ಕಾಜಲ್ ತಂಗಿ ನಟಿ ನಿಶಾ ಅಗರವಾಲ್ ಕೆಂಡಾಮಂಡಲವಾಗಿದ್ದರು. ಕನಸಿನಲ್ಲೂ ಈ ರೀತಿ ನನ್ನಕ್ಕ ಕಾಣಿಸಿಕೊಳ್ಳುವುದಿಲ್ಲ ಎಂದು ನಿಶಾ ಸ್ಪಷ್ಟವಾಗಿ ಹೇಳಿದ್ದರು. ಈಗ ಪತ್ರಿಕೆಯೇ ಕಾಜಲ್ ಫೋಟೋಗಳು ಸುಳ್ಳಲ್ಲ ಎನ್ನುತ್ತಿರುವುದು ಮತ್ತಷ್ಟು ಅನುಮಾನಕ್ಕೆ ಕಾರಣವಾಗಿದೆ. (ಏಜೆನ್ಸೀಸ್)