ಮುರಿದುಬಿದ್ದ ರು 16 ಕೋಟಿ ಅಣ್ಣಾಬಾಂಡ್ ಡೀಲ್

ಪವರ್ ಸ್ಟಾರ್ ಪುನೀತ್ ಹಾಗೂ ಸೂರಿ ಸಂಗಮದ ಚಿತ್ರ 'ಅಣ್ಣಾಬಾಂಡ್' 16 ಕೋಟಿಯ ಡೀಲ್ ಮುರಿದುಬಿದ್ದಿದೆ. ಈಗಾಗಲೇ ಆ ವಿಷಯದ ಬಗ್ಗೆ ಇದ್ದ ಊಹಾಪೋಹಗಳಿಗೆ ತೆರೆಬಿದ್ದಿದ್ದು, ಇತ್ತೀಚಿಗೆ ನಡೆದ ಬೆಳವಣಿಗೆಯಲ್ಲಿ ಪ್ರಸಾದ್ ವೆಂಚರ್ಸ್ ನ ಪ್ರಸಾದ್, ಅಣ್ಣಾಬಾಂಡ್ ವ್ಯವಹಾರಕ್ಕೆ ಇತಿಶ್ರೀ ಹಾಡಿ ಹೊರಬಂದಿದ್ದಾರೆ.

ಅಣ್ಣಾಬಾಂಡ್ ಆಡಿಯೋ ಬಿಡುಗಡೆ ವೇಳೆ ನಿರ್ಮಾಪಕ ರಾಘವೇಂದ್ರ ರಾಜ್ ಕುಮಾರ್ ಮಾತು ಕೇಳಿದ ಎಲ್ಲರಿಗೂ ಮುಂದೆ ನಡೆಯಬಹುದಾದ ಘಟನೆಯ ಸ್ಟಷ್ಟ ಚಿತ್ರಣ ದೊರೆತಿತ್ತು. ಕಾರಣ, 'ಅಣ್ಣಾಬಾಂಡ್' ಚಿತ್ರವನ್ನು ಪ್ರಸಾದ್ ಜೊತೆ ಪಾಲುದಾರಿಕೆಯಲ್ಲಿ ತಾವು ಬಿಡುಗಡೆ ಮಾಡುವುದಾಗಿ ಅಂದು ಅವರು ಮಾಧ್ಯಮದ ಮುಂದೆ ಘೋಷಿಸಿದ್ದರು. ಆಗಲೇ ಪ್ರಸಾದ್ ಕಂಗಾಲಾಗಿದ್ದರು.

ಇತ್ತೀಚಿಗೆ ಬೇಕಾಬಿಟ್ಟಿ ರೇಟು ಕೊಟ್ಟು ಕನ್ನಡ ಚಿತ್ರಗಳನ್ನು ಖರೀದಿ ಮಾಡಿ ಬಿಡುಗಡೆ ಮಾಡುತ್ತಿರುವ ಪ್ರಸಾದ್ ಬಗ್ಗೆ ಎಲ್ಲರಿಗೂ ಕುತೂಹಲ ಮೂಡಿತ್ತು. ಕಾರಣ, ಬರೋಬ್ಬರಿ 16 ಕೋಟಿ ಡೀಲ್. ಇದುವರೆಗೆ ಯಾವ ಕನ್ನಡ ಚಿತ್ರವೂ ಇಷ್ಟು ದೊಡ್ಡ ಮೊತ್ತಕ್ಕೆ ಮಾರಾಟವಾಗಿರಲಿಲ್ಲ. ಇಷ್ಟು ದೊಡ್ಡ ಮೊತ್ತಕ್ಕೆ ಖರೀದಿಸಿದ ನಂತರ 'ಅಣ್ಣಾ ಬಾಂಡ್' ಕ್ರೇಜ್ ದಿನದಿಂದ ದಿನಕ್ಕೆ ಹೆಚ್ಚುತ್ತಾ ಬಂತು. ಮುಂದಿನ ಪುಟ ನೋಡಿ...