ಚಿತ್ರರಂಗಕ್ಕೇ ಗುಡ್ ಬೈ ಹೇಳ್ತೇನೆ ಎಂದ ರಿಷಿಕಾ ಸಿಂಗ್

'ಯಾರಾದ್ರೆ ನನಗೇನು' ಚಿತ್ರದ ಹಾಟ್ ಫೋಟೋ ಪತ್ರಿಕೆಗಳಲ್ಲಿ ಪ್ರಕಟವಾದದ್ದೇ ತಡ ವಿವಿಧ ಮಹಿಳಾ ಸಂಘಟನೆಗಳು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದವು. ಆದರೆ ಈ ಚಿತ್ರದಲ್ಲಿ ಯಾವುದೇ ಅಶ್ಲೀಲತೆ ಇಲ್ಲ ಎಂದು ರಿಷಿಕಾ ಸ್ಪಷ್ಟಪಡಿಸಿದ್ದಾರೆ.

ಚಿತ್ರದಲ್ಲಿ ಮಹಿಳೆಯೊಬ್ಬಳನ್ನು ಆಗಂತುಕರು ಹೂತಿಡುತ್ತಾರೆ. ಆಕೆ ಪ್ರೇತಾತ್ಮವಾಗಿ ಎದ್ದು ಬರುತ್ತಾಳೆ. ಆ ಸನ್ನಿವೇಶಕ್ಕೆ ಸಂಬಂಧಿಸಿದ ಛಾಯಾಚಿತ್ರಗಳನ್ನು ಮಾತ್ರ ಪತ್ರಿಕೆಗಳಿಗೆ ಬಿಡುಗಡೆ ಮಾಡಲಾಗಿದೆ. ಚಿತ್ರ ಬಿಡುಗಡೆಯಾದ ಮೇಲೆ ನೋಡಿ. ಆಗಲೂ ಅಶ್ಲೀಲ ಅನ್ನಿಸಿದರೆ ಚಿತ್ರರಂಗಕ್ಕೇ ಗುಡ್ ಬೈ ಹೇಳುತ್ತೇನೆ ಎಂದಿದ್ದಾರೆ ರಿಷಿಕಾ. (ಒನ್‌ಇಂಡಿಯಾ ಕನ್ನಡ)