For Quick Alerts
ALLOW NOTIFICATIONS  
For Daily Alerts

ನಟ ದರ್ಶನ್ ಜತೆ ನನಗೆ ಅಫೇರ್ ಇಲ್ಲ: ನಿಖಿತಾ

By Srinath
|

ನಟ ತೂಗುದೀಪ ದರ್ಶನ್ ಸಂಸಾರದಲ್ಲಿ ಬಿರುಗಾಳಿ ಎದ್ದ ಮೂರೇ ದಿನದಲ್ಲಿ ಮೋಹಕ ನಟಿ ನಿಖಿತಾ ತುಟಿ ಬಿಚ್ಚಿದ್ದಾರೆ. 'ದರ್ಶನ್ ಗೂ ನನಗೂ ಯಾವುದೇ (ಅಕ್ರಮ)ಸಂಬಂಧ ಇಲ್ಲ. ನನಗಿನ್ನೂ ಮದುವೇನೇ ಆಗಿಲ್ಲ. ಸುಖಾಸುಮ್ಮನೆ ನನ್ನ ಹೆಸರು ಹಾಳುಮಾಡಬೇಡಿ. ನಿಮ್ಮ ದಮ್ಮಯ್ಯಾ' ಎಂದು ಅಲವತ್ತುಕೊಂಡಿದ್ದಾರೆ.

'ಆರು ವರ್ಷದ ಸಿನಿಮಾ ಜೀವನದಲ್ಲಿ ಯಾವ ನಟನ ಜತೆಗೂ ನನ್ನ ಹೆಸರು ಕೇಳಿಬಂದಿಲ್ಲ. ಆದರೀಗ ದರ್ಶನ್ ಜತೆ ನನಗೆ ಅಫೇರ್ ಇದೆ ಎಂದು ಪ್ರಚಾರ ಮಾಡಲಾಗುತ್ತಿದೆ. ಅದೆಲ್ಲ ಸುಳ್ಳೋ ಸುಳ್ಳು. ನಾನು ಜೀವನದಲ್ಲಿ ತುಂಬಾ ನೊಂದಿದ್ದೇನೆ. ಇನ್ನೂ ಮದ್ವೆ ಆಗಿಲ್ಲ.

ದಯವಿಟ್ಟು ಯಾರ ಯಾರೋ ಜತೆಗೆ ನನಗೆ ಸಂಬಂಧ ಕಲ್ಪಿಸಿ, ನನ್ನ ಹೆಸರಿಗೆ ಮಸಿ ಬಳಿಯಬೇಡಿ' ಎಂದು 'ಚಿತ್ರಲೋಕ ಡಾಟ್ ಕಾಮ್'ಗೆ ನೀಡಿರುವ ಸಂದರ್ಶನದಲ್ಲಿ ನಿಖಿತಾ ತಮ್ಮ ಆತಂಕ ತೋಡಿಕೊಂಡಿದ್ದಾರೆ.

ಮುಂದಿನದನ್ನು ಆಕೆಯ ಬಾಯಿಂದಲೇ ಕೇಳಿ: ದರ್ಶನ್ ಪತ್ನಿ ವಿಜಯಲಕ್ಷ್ಮಿ ಈ ರಾಮಾಯಣದಲ್ಲಿ ನನ್ನನ್ನೇಕೆ ಎಳೆದು ತಂದರು ಎಂಬುದು ನನಗೆ ಗೊತ್ತಿಲ್ಲ. ಆಕೆ ಕೊಟ್ಟ ದೂರಿನಲ್ಲಿ ನನ್ನ ಹೆಸರು ಏಕೆ ಸೇರಿದೆ ಎಂಬುದೂ ಗೊತ್ತಿಲ್ಲ. ಈ ದೂರಿನಿಂದ ನನ್ನ ಹೆಸರು ಕೆಡುತ್ತಿದೆ. ಆದಷ್ಟು ಬೇಗ ನಾನು ಇದರಿಂದ ಹೊರಬರಬೇಕು.

ನನಗೆ ಒಳ್ಳೆಯ ಅವಕಾಶ ನೀಡಿದ ಕನ್ನಡ ಚಿತ್ರರಂಗ ಮತ್ತು ನನ್ನನ್ನು ಪ್ರೀತಿಸುವ ಕನ್ನಡದ ಅಭಿಮಾನಿಗಳ ಬಗ್ಗೆ ನಾನು ತುಂಬಾ ಗೌರವ ಹೊಂದಿದ್ದೇನೆ. ಯಾರಾದರೂ ನನ್ನ ಮತ್ತು ದರ್ಶನ್ ಸರ್ ಮಧ್ಯೆ ಸಂಬಂಧವಿದೆ ಎಂಬುದಕ್ಕೆ ಒಂದೇ ಒಂದು ಸಾಕ್ಷ್ಯ ತೋರಿಸುತ್ತಾರಾ!?

ನನ್ನ ವಿರುದ್ಧ ಸುದ್ದಿ ಪ್ರಸಾರ ಮಾಡದಂತೆ ಮಾಧ್ಯಮಗಳಿಗೆ ತಡೆ ನೀಡಲು ಕೋರಿ ನಾನು ಕೋರ್ಟಿಗೆ ಹೋಗುತ್ತೇನೆ. ಇಡೀ ಪ್ರಕರಣದ ಬಗ್ಗೆ ಸ್ನೇಹಿತರು, ಹಿತೈಷಿಗಳಿಂದ ಸಲಹೆ ಪಡೆಯುತ್ತಿದ್ದೇನೆ. ಸದ್ಯಕ್ಕೆ, ನವದೆಹಲಿಯಲ್ಲಿ ಮಾಡೆಲಿಂಗ್ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದೇನೆ.

English summary
There is no affair or what so ever with Kannada Actor Darshan who had attacked his wife Vijaylakshmi clarified Actress Nikitha Thukral in an interview to Chitraloka.com.

Kannada Photos

Go to : More Photos
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more