ಅಧಿಕಾರಿಗಳ ಅಭಿನಯಕ್ಕೆ ಅಡಕತ್ತರಿ...

By Staff

| Published: Saturday, March 9, 2002, 5:30 [IST]

ಬೆಂಗಳೂರು : ರಾಜ್ಯ ಸರಕಾರಿ ನೌಕರರು ಹಾಗೂ ಅಖಿಲ ಭಾರತ ಸೇವೆಗೆ ಸೇರಿದ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಇನ್ನು ಮುಂದೆ ಚಲನಚಿತ್ರ ಅಥವಾ ಕಿರುತೆರೆ ಧಾರಾವಾಹಿಯಲ್ಲಿ ನಟಿಸುವುದನ್ನು ರಾಜ್ಯ ಸರ್ಕಾರ ನಿಷೇಧಿಸಿದೆ.

ಸರ್ಕಾರಿ ಅಧಿಕಾರಿಗಳು ಕಿರುತೆರೆ-ಸಿನಿಮಾದಲ್ಲಿ ನಟಿಸುವುದನ್ನು ನಿಷೇಧಿಸಿ ಸರ್ಕಾರ ಗುರುವಾರ (ಮಾ.11) ಸುತ್ತೋಲೆ ಹೊರಡಿಸಿದೆ. ಪೂರ್ವಾನುಮತಿ ಪಡೆದು ಚಲನಚಿತ್ರ ಅಥವಾ ಕಿರುತೆರೆಗಳಲ್ಲಿ ಪಾಲ್ಗೊಳ್ಳಬಹುದು ಎಂದು ಈ ಹಿಂದೆ ನೀಡಿದ್ದ ಆದೇಶವನ್ನು ಸರ್ಕಾರ ವಾಪಸ್ಸು ಪಡೆದಿದೆ.

ಈ ಮುನ್ನವೂ ಸರ್ಕಾರಿ ನೌಕರರು ನಟಿಸುವ ಕುರಿತು ರಾಜ್ಯ ಸರ್ಕಾರ ಆಕ್ಷೇಪ ವ್ಯಕ್ತಪಡಿಸಿತ್ತು . ಆದರೆ, ಪೂರ್ವಾನುಮತಿ ಪಡೆಯುವ ಮೂಲಕ ನಟಿಸಲು ಸರ್ಕಾರ ಅವಕಾಶ ಮಾಡಿಕೊಟ್ಟಿತ್ತು . ಕೆಲವು ಅಧಿಕಾರಿಗಳು ಆ ಸವಲತ್ತನ್ನು ದುರುಪಯೋಗಪಡಿಸಿಕೊಂಡಿರುವ ಹಿನ್ನೆಲೆಯಲ್ಲಿ , ನಟನೆಗೆ ಪೂರ್ಣ ಪ್ರಮಾಣದ ನಿಷೇಧವನ್ನು ಸರ್ಕಾರ ಹೇರಿದೆ.

(ಇನ್ಫೋ ವಾರ್ತೆ)

ನೀವೇನಂತೀರಿ : ಸರ್ಕಾರಿ ಅಧಿಕಾರಿಗಳು ನಟಿಸಬಾರದಾ ?

ಮುಖಪುಟ / ಸ್ಯಾಂಡಲ್‌ವುಡ್‌