Click it and Unblock the Notifications
ಶ್ರುತಿ ಒಂಟಿ ಬಾಳಿನಲ್ಲಿ ಮತ್ತೆ ಮುಂಗಾರು?
ಈ ಮೂಲಕ ಬಣ್ಣದ ಲೋಕದ ಮಂದಿಯ ಖಾಸಗಿ ಬದುಕಿನ ಮತ್ತೊಂದು ಕಪ್ಪು ಬಿಳುಪು ಚಿತ್ರ ಬಿಡುಗಡೆ ಆಯಿತು. ಈ ಸುದ್ದಿಯನ್ನು ಓದಿದ ಸಹಸ್ರಾರು ಮಂದಿ ನಮಗೆ ಕೇಳಿದ ಪ್ರಶ್ನೆಯೆಂದರೆ ಇಂಥ ಘಟನೆಗಳು ಎಲ್ಲಾ ಕಡೆ ನಡೆಯುತ್ತವೆ. ಅದನ್ನೂ ದಟ್ಸ್ ಕನ್ನಡದಲ್ಲಿ ಬರೆಯಿರಿ ಎಂದು ಚನ್ನಪಟ್ಟಣದ ಉಷಾ ಕೇಳಿದರು.
ಅವರ ಕೋರಿಕೆ ಸರಿನೇ. ಆದರೆ, ಮನೆಮನೆ ಕಥೆಗಳನ್ನು ಪದರಪದರವಾಗಿ ಬಿಚ್ಚಿ ಬರೆಯುವಷ್ಟು ಬ್ಯಾಂಡ್ ವಿಡ್ತ್ ನಮ್ಮಲ್ಲಿಲ್ಲ. ಆ ಶಕ್ತಿ ನಮ್ಮ ವೆಬ್ ಸೈಟಿಗೆ ಬರಲಿ ಎಂದು ನೀವೆಲ್ಲರೂ ಆಶೀರ್ವದಿಸುತ್ತೀರೆಂಬ ಆಶಾಭಾವನೆ ಇದೆ.
ಈ ಮಧ್ಯೆ, ಮಹೇಂದರ್ ಅವರಿಂದ ಡೈವೋರ್ಸ್ ಪಡೆದು ಚಕ್ರವರ್ತಿ ಲೇಔಟಿನಲ್ಲಿ ಮನೆ ಮಾಡಿಕೊಂಡಿದ್ದು, ಮತ್ತೆ ಎರಡನೇ ಮದುವೆಯನ್ನೂ ತಿರಸ್ಕರಿಸಿ ಚಂದ್ರಚೂಡನನ್ನು ಆಚೆ ಹಾಕಿದ್ದ ಶ್ರುತಿ ಮತ್ತೆ ಅದೇ ಚಂದ್ರಚೂಡ್ ಅವರ ಜತೆ ಸಂಸಾರ ಮಾಡುತ್ತಿದ್ದಾರಾ?
ಒಂಥರಾ ಹೌದು ಎನ್ನುತ್ತಿದೆ ಗಾಂಧಿನಗರ, ಆರ್ ಟಿ ನಗರದ ಮೂಲಗಳು. ಶ್ರುತಿ ಮತ್ತು ಚಂದ್ರಚೂಡ ಒಂದೇ ಮನೆಯಲ್ಲಿ ವಾಸವಾಗಿರುವುದನ್ನು ಮತ್ತು ಶ್ರುತಿಯವರ ಹತ್ತು ವರ್ಷದ ಮಗಳು ಸಹ ಅವರ ಜೊತೆ ಇರುವುದನ್ನು ಇತ್ತೀಚಿಗೆ ಒಂದಷ್ಟು ಮಂದಿ ನೋಡಿರುವ ಬಗ್ಗೆ ಖಚಿತ ಮಾಹಿತಿ ಇದೆ.
ಶ್ರುತಿ ತನ್ನ ಆಸ್ತಿಪಾಸ್ತಿ ವಿಚಾರದಲ್ಲಿ ಚಂದ್ರಚೂಡ್ ಜೊತೆ ಜಗಳ ಮಾಡಿಕೊಂಡು ಆತನನ್ನು ಮನೆಯಿಂದ ಹೊರಗೆ ಹಾಕಿದ್ದರೆಂದು ವರ್ಷದೀಚೆಗೆ ಕೆಲವು ಮಾಧ್ಯಮಗಳು ಸುದ್ದಿ ಮಾಡಿದ್ದವು. ಆದೇ ಶ್ರುತಿ - ಚಂದ್ರಚೂಡ್ ಮತ್ತೆ ಒಂದಾಗಿದ್ದಾರೆನ್ನುವುದು ಸತ್ಯವಾದ ಗಾಸಿಪ್ಪು.
Continue with Google