ಕಿಂಗ್ ಖಾನ್ ಶಾರುಖ್ ಕಿಸ್ಸಿಗೆ ಕತ್ರಿನಾ ಕೈಫ್ ಢಮಾರ್

ಪ್ರಿಯಾಂಕಾ ಚೋಪ್ರಾ ಜೊತೆಗಿನ ಡಿಂಗ್ ಡಾಂಗ್ ಸುದ್ದಿಯನ್ನು ಮರೆಸುವಂತಹ ಘಟನೆಯನ್ನು ಶಾರುಖ್ ಖಾನ್ ಮಾಡಿದ್ದಾರೆ. ಬಾಲಿವುಡ್‌ನ ಮತ್ತೊಬ್ಬ ಖತರ್ನಾಕ್ ಬೆಡಗಿ ಕತ್ರಿನಾ ಕೈಫ್ ಕೆನ್ನೆಗೆ ಬಿಸಿಬಿಸಿ ಉಮ್ಮಾ ನೀಡುವ ಮೂಲಕ ಮತ್ತೊಮ್ಮೆ ಗಾಸಿಪ್ ಸುದ್ದಿಗಳಿಗೆ ತೆರೆ ಎಳೆದಿದ್ದಾರೆ.

'18ನೇ ವಾರ್ಷಿಕ ಸ್ಕ್ರೀನ್ ಪ್ರಶಸ್ತಿ' ಸಮಾರಂಭದಲ್ಲಿ ಈ ರೋಚಕ ಘಟನೆ ನಡೆದಿದೆ. ತಿಳಿಗೆಂಪು ಬಣ್ಣದ ಚಿಪಾನ್ ಸೀರೆಯಲ್ಲಿ ಕಂಗೊಳಿಸುತ್ತಿದ್ದ ಕತ್ರಿನಾರನ್ನು ನೋಡಿ ಕಿಂಗ್ ಖಾನ್‌ಗೆ ಅದೇನನ್ನಿಸಿತೋ ಏನೋ ಸೇಬಿನಂತೆ ಕಂಗೊಳಿಸುತ್ತಿದ್ದ ಗುಲಾಬಿ ಕೆನ್ನೆಗೆ ತುಟಿ ಒತ್ತಿದ್ದಾರೆ.

ಯಾವುದೇ ಸಭೆ ಸಮಾರಂಭಗಳಿಗೆ ಹೋದರೂ ಶಾರುಖ್ ತಮ್ಮ ಮಿತಿಮೀರಿದ ಉತ್ಸಾಹವನ್ನು ಪ್ರದರ್ಶಿಸಿ ಪ್ರೇಕ್ಷಕರನ್ನು ರಂಜಿಸುವುದು ಕಾಮನ್. ಆದರೆ ಕೆಲವೊಮ್ಮೆ ಅವರ ಹತ್ತಿಕ್ಕಿಕ್ಕೊಳ್ಳಲಾಗದ ಅತಿ ಉತ್ಸಾಹ ಹೀಗೆ ಅವರನ್ನು ವಿವಾದಕ್ಕೆ ಸಿಕ್ಕಿಸುತ್ತದೆ. (ಏಜೆನ್ಸೀಸ್)