ಚಪ್ಪಲಿ ಬಿಡುವ ಜಾಗದಲ್ಲಿ ಶಂಕರನಾಗ್ ಫೋಟೋ!

ಒಬ್ಬ ಅದ್ಭುತ ನಟನಿಗೆ ಇದೆಂಥಾ ಗೌರವ ಎಂಬ ಅಳುಕು ನಿಮ್ಮನ್ನು ಕಾಡುತ್ತದೆ. 'ಆಟೋ ರಾಜ'ನಿಗೆ ಅಗೌರವ ತೋರುತ್ತಿರುವ ಕಲಾವಿದರ ತಂತ್ರಜ್ಞರ ಸಂಘದ ಬಗ್ಗೆ ಬೇಸರ ಮೂಡುತ್ತದೆ. ಕಸಪೊರಕೆ, ನೆಲ ಒರೆಸುವ ಸಾಧನಗಳು, ಚಪ್ಪಲಿ ಬಿಡುವ ಜಾಗದಲ್ಲಿ ಶಂಕರನಾಗ್ ಫೋಟೋ ಇಟ್ಟಿರುವುದು ಮನಸ್ಸಿಗೆ ನೋವುಂಟು ಮಾಡುತ್ತದೆ.

ಈ ಬಗ್ಗೆ ಕಲಾವಿದರ ಸಂಘದ ಗಮನಕ್ಕೆ ತಂದಿದ್ದರೂ ಪ್ರಯೋಜನವಾಗಿಲ್ಲ ಎಂಬುದು ಶಂಕರಣ್ಣನ ಅಭಿಮಾನಿಗಳ ದೂರು. ಶಂಕರನಾಗ್ ಅಭಿಮಾನಿಗಳ ಮನಸ್ಸನ್ನು ನೋಯಿಸುವ ಕೃತ್ಯವಿದು. ಸಂಘದ ಈ ಬೇಜಾಬ್ದಾರಿತನಕ್ಕೆ ಏನನ್ನಬೇಕೋ ತಿಳಿಯದಾಗಿದೆ. ಇನ್ನಾದರೂ ಇವರು ಶಂಕರನಾಗ್ ಫೋಟೋವನ್ನು ಅಲ್ಲಿಂದ ಸ್ಥಳಾಂತರಿಸಲಿ. (ದಟ್ಸ್‌ಕನ್ನಡ ಸಿನಿವಾರ್ತೆ)