'ಮುಕುಂದ ಮುರಾರಿ'ಯ ಮೊದಲ ವಾರದ ಬಾಕ್ಸ್ ಆಫೀಸ್ ಕಲೆಕ್ಷನ್

ಮೊದಲ ದಿನದ ಗಳಿಕೆ

ರಾಜ್ಯಾದ್ಯಂತ 290ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ತೆರೆಕಂಡಿದ್ದ 'ಮುಕುಂದ ಮುರಾರಿ', ಮೊದಲ ದಿನ ಒಳ್ಳೆ ಕಲೆಕ್ಷನ್ ಮಾಡಿದೆ. ಮೂಲಗಳ ಪ್ರಕಾರ ಫಸ್ಟ್ ಡೇ ಸುಮಾರು 2.57 ಕೋಟಿ ಬಾಚಿದೆಯಂತೆ.[ಟ್ವಿಟ್ಟರ್ ವಿಮರ್ಶೆ: 'ಮುಕುಂದ ಮುರಾರಿ'ಯ ಜುಗಲ್ ಬಂದಿಗೆ ಭಕ್ತರು ಏನಂದ್ರು ಗೊತ್ತಾ?]

ಎರಡನೇ ದಿನಕ್ಕೆ 5 ಕೋಟಿ

ಮೊದಲ ದಿನ ಬಾರಿ ವ್ಯಾಪರವನ್ನೇ ಮಾಡಿದ ಸೂಪರ್ ಸ್ಟಾರ್ ಗಳ ಸಿನಿಮಾ, ಎರಡನೇ ದಿನ 2.5 ಕೋಟಿ ಗಳಿಸಿದೆಯಂತೆ. ಹೀಗಾಗಿ ಕೇವಲ ಎರಡು ದಿನಗಳಲ್ಲಿ 5 ಕೋಟಿಗಿಂತ ಹೆಚ್ಚು ಹಣವನ್ನ 'ಮುಕುಂದ ಮುರಾರಿ' ಲೂಟಿ ಮಾಡಿದೆ ಎನ್ನಲಾಗಿದೆ.['ಮುಕುಂದ ಮುರಾರಿ'ಯ ಮಾತಿನ ಸಮರಕ್ಕೆ ವಿಮರ್ಶಕರ ರೆಸ್ಪಾನ್ಸ್ ಹೇಗಿದೆ?]

ಮೊದಲ ವಾರಕ್ಕೆ ದಾಖಲೆ

ಹೀಗೆ ಆರಂಭದಿಂದಲೂ ಒಳ್ಳೆ ಬಿಸ್ ನೆಸ್ ಮಾಡಿದ ಈ ಚಿತ್ರ ವಾರಾಂತ್ಯಕ್ಕೆ ಸುಮಾರು 10 ಕೋಟಿಯನ್ನ ದಾಟಿದೆ ಎನ್ನುತ್ತಿದ್ದಾರೆ ಗಾಂಧಿನಗರದ ಪಂಡಿತರು.

'ಸಂತು' ವರ್ಸಸ್ 'ಮುಕುಂದ ಮುರಾರಿ'

ಒಂದೇ ದಿನ ಎರಡು ಬಿಗ್ ಸ್ಟಾರ್ಸ್ ಸಿನಿಮಾಗಳು ಬಂದಿದ್ದು, ಸ್ಯಾಂಡಲ್ ವುಡ್ ಬಾಕ್ಸ್ ಆಫೀಸ್ ನಲ್ಲಿ ಕಾದಾಡುವಂತಾಗಿದೆ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಎರಡು ಸಿನಿಮಾಗಳು ಒಟ್ಟಿಗೆ ತೆರೆಕಂಡಿದ್ದರ ಪರಿಣಾಮ ಬಿಸ್ ನೆಸ್ ವಿಚಾರದಲ್ಲಿ ಎರಡು ಚಿತ್ರಗಳಿಗೂ ಕಲೆಕ್ಷನ್ ಹಂಚಿಕೆಯಾಗಿದೆ ಎನ್ನುತ್ತಿದ್ದಾರೆ ಕೆಲವರು.

ಮೊದಲ ವಾರ 'ಸಂತು' ಗಳಿಸಿದ್ದೆಷ್ಟು?

ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕ ಪಂಡಿತ್ ಅಭಿನಯಿಸಿದ್ದ 'ಸಂತು Straight Forward', ಚಿತ್ರಕ್ಕೂ ಪ್ರೇಕ್ಷಕರಿಂದ ಸೂಪರ್ ರೆಸ್ ಪಾನ್ಸ್ ಸಿಕ್ಕಿದ್ದು, ಬಾಕ್ಸ್ ಆಫೀಸ್ ನಲ್ಲೂ ಭರ್ಜರಿ ಬೇಟೆ ಮಾಡುತ್ತಿದೆಯಂತೆ. ನಿರ್ಮಾಪಕ ಕೆ.ಮಂಜು ಹೇಳುವ ಪ್ರಕಾರ, ಮೊದಲ ವಾರದಲ್ಲಿ ಸುಮಾರು 12 ಕೋಟಿ ಗಳಿಸಿರುವ ಸಂತು, ಮುಂದೆ 25 ಕೋಟಿವರೆಗೂ ಕಲೆಕ್ಷನ್ ಮಾಡುವ ಸಾಧ್ಯತೆಯಿದೆಯಂತೆ.['ಸಂತು Straight Forward' ಒಟ್ಟಾರೆ ಬಾಕ್ಸಾಫೀಸ್ ಕಲೆಕ್ಷನ್ ರಿಪೋರ್ಟ್ ]