ಹೊಗೇನಕಲ್ ಜಲಪಾತಕ್ಕೆ ಧುಮುಕಿದ ತಮಿಳು ನಟಿ

ಕರ್ನಾಟಕ-ತಮಿಳುನಾಡು ರಾಜ್ಯಗಳ ಗಡಿಯಲ್ಲಿರುವ ಹೊಗೇನಕಲ್ ಜಲಪಾತಕ್ಕೆ ತಮಿಳು ನಟಿ ತನ್ಶಿಕಾ ಧುಮುಕಿದ್ದಾರೆ. ಆಕೆ ಧುಮುಕಲು ಇದೇ ಜಲಪಾತ ಬೇಕಾಗಿತ್ತ? ಬೇರಾವ ಜಾಗ ಸಿಗಲಿಲ್ಲವೇ? ಏನು ಮಾಡೋಣ ಗುರು ನಿರ್ದೇಶಕರ ಆಣತಿಯಂತೆ ಆಕೆ ಜಂಪ್ ಹೊಡೆದಿದ್ದಾರೆ.

ಈ ಸಾಹಸ ಮಾಡಿರುವ ದಕ್ಷಿಣ ಭಾರತದ ತಾರೆಗಳಲ್ಲಿ ತನ್ಶಿಕಾ ಮೊದಲ ಸ್ಥಾನದಲ್ಲಿ ನಿಲ್ಲುತ್ತಾರೆ. ತಮಿಳಿನ 'ಅರವನ್' ಚಿತ್ರಕ್ಕಾಗಿ ನಡೆದ ಸಾಹಸ ಸನ್ನಿವೇಶವಿದು. ಯಾವುದೇ ಡ್ಯೂಪ್ ಕಲಾವಿದರಿಲ್ಲದೆ ತನ್ಶಿಕಾ ಈ ಸಾಹಸ ಮಾಡಿದ್ದಾಗಿ ತಿಳಿಸಿದ್ದಾರೆ.

'ಅರವನ್' ಎಂಬ ಚಿತ್ರ 18ನೇ ಶತಮಾನದ ಕತೆಯನ್ನು ಹೇಳುತ್ತದೆ. ಸಾಮಾನ್ಯನೊಬ್ಬನ ಅಸಮಾನ್ಯ ಕತೆ ಇದಂತೆ. 'ಅಂಗಡಿ ತೇರು' ಎಂಬ ಚಿತ್ರದನ್ನು ನಿರ್ದೇಶಿಸಿದ್ದ ವಸಂತಬಾಲನ್ ಆಕ್ಷನ್ ಕಟ್ ಹೇಳಿರುವ ಚಿತ್ರ. (ಏಜೆನ್ಸೀಸ್)