ಬಾಲಿಯಲ್ಲಿ ದೀಪಿಕಾ ಸಿದ್ಧಾರ್ಥ್ ರಂಗ ರಂಗ ಡಿಂಗರ ರಂಗ

ಸಾಮಾನ್ಯವಾಗಿ ಬಾಲಿ ಎಂದರೆ ಪ್ರೇಮಿಗಳಿಗೆ ಹೇಳಿ ಮಾಡಿಸಿದ ಜಾಗ. ಅದರಲ್ಲೂ ಕದ್ದು ಮುಚ್ಚಿ ಪ್ರೇಮಿಸುವವರಿಗಂತೂ ಸಖತ್ ಸ್ಪಾಟ್ ಎಂಬುದು ಬಲ್ಲವರ ಕಾಮೆಂಟ್. ಇಂತಹ ಜಾಲಿ ಸ್ಥಳದಲ್ಲಿ ದೀಪಿಕಾ ಪಡುಕೋಣೆ ಮತ್ತು ಸಿದ್ಧಾರ್ಥ್ ಮಲ್ಯ ಕಾಣಿಸಿಕೊಂಡಿದ್ದಾರೆ.

ಸಂಬಂಧಿಕರ ಮದುವೆಗೆಂದು ಸಿದ್ಧಾರ್ಥ್ ಮಲ್ಯ ಬಾಲಿಗೆ ಹೋಗಿದ್ದನಂತೆ. ಆದರೆ ದೀಪಿಕಾಗೆ ಅಲ್ಲೇನು ಕೆಲಸ ಎಂಬುದು ಗೊತ್ತಾಗಿಲ್ಲ. ಒಟ್ಟಿನಲ್ಲಿ ಇಬ್ಬರೂ ರಂಗ ರಂಗ ಡಿಂಗರ ರಂಗ ಎಂದು ಕಣ್ಣಿಗೆ ಬಿದ್ದಿದ್ದಾರೆ. ಇತ್ತಿತ್ತಲಾಗಿ ಇವರಿಬ್ಬರ ರಿಲೇಷನ್ ಕಟ್ ಆಗಿದೆ ಎಂಬ ಮಾತುಗಳು ಕೇಳಿಬಂದಿದ್ದವು.

ಈಗ ಒಟ್ಟಿಗೆ ಕಣ್ಣಿಗೆ ಬೀಳುವ ಮೂಲಕ ಕು ಕು ಕೂ ಎಂದು ನಮ್ಮ ಬಿ ಸಿ ಪಾಟೀಲ್ ತರಹ ಹಾಡಲು ಅವಕಾಶ ಮಾಡಿಕೊಟ್ಟಂತಾಗಿದೆ. ಅಂದಹಾಗೆ ದೀಪಿಕಾ ಈಗ 'ಕಾಕ್ ಟೈಲ್' ನಲ್ಲಿ ಬಿಜಿಯಾಗಿದ್ದಾರೆ. ಸೈಫ್ ಆಲಿ ಖಾನ್ ಜೊತೆ ಲಂಡನ್‌ನಲ್ಲಿ ಈ ಚಿತ್ರದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. (ಏಜೆನ್ಸೀಸ್)