'ಪಾರ್ಟಿ ಅನಿಮಲ್' ಶ್ರಿಯಾ ನ್ಯೂಇಯರ್ ಪಾರ್ಟಿ ಯಾರ ಜೊತೆ!?

ಬಾಲಿವುಡ್ ಮಂದಿಯಂತೂ ನ್ಯೂ ಇಯರ್ ಪಾರ್ಟಿಯನ್ನು ಸಖತ್ ಆಗಿ, ಆಡಂಬರದಿಂದ ಆಚರಿಸುವುದು ವಾಡಿಕೆ. ನಮ್ಮ ದಕ್ಷಿಣದ ಬ್ಯೂಟಿ ಶ್ರಿಯಾ ಸರನ್ ಹೇಗೆ!? 'ಪಾರ್ಟಿ ಅನಿಮಲ್' ಅಂತಲೇ ಗುರುತಿಸಿಕೊಂಡಿರುವ ಶ್ರಿಯಾ ಯಾರ ಜತೆ ಹೊಸ ವರ್ಷದ ಪಾರ್ಟಿ ಆಚರಿಸುತ್ತಾರೆ?

'ಇಡೀ ವರ್ಷ ಶೂಟಿಂಗ್ ಅದೂ ಇದೂ ಅಂತ ಇದ್ದದ್ದೇ. ಆದರೆ ಹೊಸ ವರ್ಷ ಅಡಿಯಿಡುವ ಮುನ್ನ, ಕ್ರಿಸ್ ಮಸ್ ವೇಳೆಗೆ ಫುಲ್ ರಿಲ್ಯಾಕ್ಸ್ ಮೂಡಿಗೆ ಜಾರಿಕೊಳ್ಳುತ್ತೇನೆ. ಆಗ ಏನು ಮಾಡುತ್ತೇನೆ ಗೊತ್ತಾ?' ಎನ್ನುತ್ತಾ ಶ್ರಿಯಾ ತಮ್ಮ ಕನಸನ್ನು ಬಿಚ್ಚಿಡುತ್ತಾರೆ.

'ಜಸ್ಟ್ ನನ್ನ ಫ್ರೆಂಡ್ಸ್ ಮತ್ತು ಕ್ಲೋಸ್ ರಿಲೇಟಿವ್ಸ್ ಗೆ ಮೊರೆ ಹೋಗುತ್ತೇನೆ. ಛಲೋ ಪಾರ್ಟಿ ಹೋ ಜಾಯೆ ಅನ್ನುತ್ತೇನೆ. ಸಖತ್ ಪಾರ್ಟಿಗೆ ಪ್ಲಾನ್ ಮಾಡುವ ಹೊಣೆಗಾರಿಕೆಯನ್ನು ಅವರಿಗೇ ಬಿಟ್ಟುಬಿಡುತ್ತೇನೆ. ಕಳೆದ ವರ್ಷ ಗೋವಾಗೆ ಹೋಗಿದ್ದೆವು. ಈ ಸಲಿ ನೋಡ್ಬೇಕು ಎಲ್ಲಿಗೆ ಕರ್ಕೊಂಡು ಹೋಗ್ತಾರೋ! ಈ ದಕ್ಷಿಣದವರೂ ಅಂದ್ರೇನೆ ಹಾಗೆ ಅಲ್ವಾ!' ಅಂತ ಕಣ್ಣು ಮಿಟುಕಿಸುತ್ತಾಳೆ ಶ್ರಿಯಾ ಬ್ಯೂಟಿ.