ಹರಿಕೃಷ್ಣ 'ಜಾದೂ' ಚಿತ್ರದಿಂದ ಶುಭಾ ಫುತೇಲಾ ಮಾಯ

ಕನ್ನಡ ಚಿತ್ರದ ಮಟ್ಟಿಗೆ ಇದೊಂದು ನಿಜವಾಗಿಯೂ 'ಜಾದೂ' ಎನ್ನಬಹುದು. ಕಾರಣ ಚಿತ್ರದ ನಾಯಕಿ ಶುಭಾ ಫುತೇಲಾ ಹಾಗೂ ಚಿತ್ರದ ಶೀರ್ಷಿಕೆ ಒಟ್ಟಿಗೆ ಬದಲಾಗಿದೆ. ಈ ಚಿತ್ರದ ನಾಯಕ ನಟ ಅಜಯ್ ರಾವ್. ಆಕ್ಷನ್ ಕಟ್ ಹೇಳುತ್ತಿರುವವರು ರವಿ ವರ್ಮ.

ಈ ಚಿತ್ರಕ್ಕೆ ಮೊದಲು ಶುಭಾ ಫುತೇಲಾ ನಾಯಕಿಯಾಗಿ ಆಯ್ಕೆಯಾಗಿದ್ದರು. ಬೆಂಗಳೂರು ಮೂಲದ ಈ ಬೆಡಗಿ ಬಳಿಕ ಯಾಕೋ ಏನೋ ಚಿತ್ರದಿಂದ ಹೊರಬಿದ್ದಿದ್ದಾರೆ. ಕಾರಣ ಏನು ಎಂದು ಹೇಳದೆ ಕೇಳದೆ ಚಿತ್ರದಿಂದ ಔಟಾದ ಕಾರಣ ಚಿತ್ರದ ನಿರ್ದೇಶಕರು ಹೊಸ ನಾಯಕಿಯ ಹುಡುಕಾಟದಲ್ಲಿದ್ದಾರೆ.

ಏತನ್ಮಧ್ಯೆ ಚಿತ್ರದ ಶೀರ್ಷಿಕೆಯನ್ನು ಬದಲಾಯಿಸಲು ನಿರ್ಧರಿಸಲಾಗಿದೆ. 'ಜಾದೂ' ಎಂದಿದ್ದ ಚಿತ್ರದ ಶೀರ್ಷಿಕೆಯನ್ನು 'ಜೈ ಬಜರಂಗಬಲಿ' ಎಂದಿಡಲು ತೀರ್ಮಾನಿಸಲಾಗಿದೆ. ಅಂದಹಾಗೆ ಚಿತ್ರಕ್ಕೆ ನಿರ್ಮಾಪಕ ಕಮ್ ಸಂಗೀತ ನಿರ್ದೇಶಕರು ವಿ ಹರಿಕೃಷ್ಣ. (ಏಜೆನ್ಸೀಸ್)