Click it and Unblock the Notifications
Don't Miss!
-
ಬಂಡೀಪುರ: ಹುಲಿ ದಾಳಿಯಿಂದ ಮರಿಯಾನೆ ಸಾವು, ನಡುರಸ್ತೆಯಲ್ಲೇ ಮುಗಿಲು ಮುಟ್ಟಿದ ತಾಯಿಯ ಆಕ್ರಂದನ, ವಿಡಿಯೋ ವೈರಲ್ -
2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ -
ಒಪ್ಪೋ ಸಂಸ್ಥೆಯ ಈ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ; ಆಫರ್ಗೆ ಗ್ರಾಹಕರು ಫಿದಾ! -
ಭಾರತದ ರಸ್ತೆಯಲ್ಲಿ ಘರ್ಜಿಸುತ್ತಿರುವ ಪವರ್ಫುಲ್ ಎಪ್ರಿಲಿಯಾ ಬೈಕ್ಗಾಗಿ ಅಕ್ಸೆಸರೀಸ್ ಬಿಡುಗಡೆ -
ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು? -
Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಿಯಾ ವಾರಿಯರ್ ಬಗ್ಗೆ ಕೇಳಿ ಬಂದಿರುವ ಈ 5 ಸುದ್ದಿಗಳು ನಿಜಾನ.?
ಕಣ್ಸನ್ನೆ ಮೂಲಕ ರಾತ್ರೋರಾತ್ರಿ ಸೋಶಿಯಲ್ ಮೀಡಿಯಾದಲ್ಲಿ ಸೂಪರ್ ಸ್ಟಾರ್ ಆದ ಮಲಯಾಳಂ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ಬಗ್ಗೆ ದಿನಕ್ಕೊಂದು ಸುದ್ದಿ ಹರಿದಾಡುತ್ತಿದೆ. ಪ್ರಿಯಾಗೆ ಬಾಲಿವುಡ್ ನಲ್ಲಿ ಆಫರ್ ಬಂದಿದೆಯಂತೆ. ಆ ಸ್ಟಾರ್ ನಟನ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರಂತೆ. ಇನ್ಸ್ಟಾಗ್ರಾಮ್ ನಲ್ಲಿ ಒಂದು ಪೋಸ್ಟ್ ಹಾಕಿದ್ರೆ ಇಷ್ಟು ಲಕ್ಷವಂತೆ....ಹಾಗಂತೆ, ಹೀಗಂತೆ ಎಂಬ ಸುದ್ದಿಗಳು ಕೇಳಿ ಬರುತ್ತಲೇ ಇದೆ.
ಇದೆಲ್ಲ ಎಷ್ಟರಮಟ್ಟಿಗೆ ನಿಜಾನೋ ಗೊತ್ತಿಲ್ಲ. ಆದ್ರೆ, ಪ್ರಿಯಾ ಹೆಸರು ಮಾತ್ರ ಈ ಎಲ್ಲ ವಿಷ್ಯಗಳಲ್ಲಿ ಹೆಡ್ ಲೈನ್ ಆಗಿದೆ. ಅದರಲ್ಲೂ ಸ್ಟಾರ್ ನಟರ ಹೆಸರಿನ ಜೊತೆ ಪ್ರಿಯಾ ಹೆಸರು ಇತ್ತೀಚಿಗೆ ಹೆಚ್ಚು ತಳುಕು ಹಾಕಿಕೊಳ್ಳುತ್ತಿದೆ.
ಕೇವಲ ಒಂದು ಹಾಡಿನ ಮೂಲಕ ಇಷ್ಟೆಲ್ಲ ಸಂಚಲನ ಸೃಷ್ಟಿಸಿರುವ ನಟಿಯ ಬಗ್ಗೆ ಏನೆಲ್ಲಾ ಸುದ್ದಿಯಾಗಿದೆ ಗೊತ್ತಾ.? ಪ್ರಿಯಾ ಪ್ರಕಾಶ್ ವಾರಿಯರ್ ಬಗ್ಗೆ ಹೆಡ್ ಲೈನ್ ಆಗಿದ್ದ ಟಾಪ್ 5 ಸುದ್ದಿಗಳು ಯಾವುದು.? ಮುಂದೆ ಓದಿ.....
ರಣ್ವೀರ್ ಸಿಂಗ್ ಸಿನಿಮಾಗೆ ನಾಯಕಿ.!
ಬಾಲಿವುಡ್ ನಟ ರಣ್ವೀರ್ ಸಿಂಗ್ ಜೊತೆ ಅಭಿನಯಿಸಬೇಕು ಎನ್ನುವ ಆಸೆಯನ್ನ ಪ್ರಿಯಾ ಪ್ರಕಾಶ್ ವಾರಿಯರ್ ಸಂದರ್ಶನಗಳಲ್ಲಿ ಹೇಳಿಕೊಂಡಿದ್ದರು ಅಷ್ಟೇ. ಈ ಆಸೆಯನ್ನ ಅದ್ಯಾವ ದೇವರು ಕೇಳಿಸಿಕೊಂಡನೋ ಏನೋ ಮರುದಿನವೇ ರಣ್ವೀರ್ ಸಿಂಗ್ ಚಿತ್ರಕ್ಕೆ ಪ್ರಿಯಾಗೆ ಅಫರ್ ಬಂದಿದೆ ಎಂಬ ಸುದ್ದಿಯಾಗೋಯ್ತು. ಆಮೇಲೆ ಈ ಚಿತ್ರಕ್ಕೆ ಸೈಫ್ ಪುತ್ರಿ ಸಾರಾ ಅಲಿ ಖಾನ್ ನಾಯಕಿ ಎಂದು ಘೋಷಿಸಿದರು. ಅಲ್ಲಿಗೆ ಪ್ರಿಯಾ ಹೆಸರು ಕೇವಲ ಗಾಸಿಪ್ ಆಗಿತ್ತು.
ತಮಿಳು ನಟ ಸೂರ್ಯಗೆ ಪ್ರಿಯಾ ಜೋಡಿ.!
ಇನ್ನು ತಮಿಳು ಸ್ಟಾರ್ ನಟ ಸಿಂಗಂ ಸೂರ್ಯ ಅವರ ಮುಂದಿನ ಚಿತ್ರದಲ್ಲಿ ಪ್ರಿಯಾ ಅವರನ್ನ ನಾಯಕಿಯನ್ನಾಗಿಸಲಿದ್ದಾರೆ ಎಂಬ ಸುದ್ದಿ ಟಾಲಿವುಡ್ ನಲ್ಲಿ ದೊಡ್ಡ ಚರ್ಚೆಯಾಗಿತ್ತು. ಆದ್ರೆ, ಇದನ್ನ ನಿರಾಕರಸಿದ ನಿರ್ದೇಶಕ ''ಪ್ರಿಯಾ ಪ್ರಕಾಶ್ ವಾರಿಯರ್ ಅವರನ್ನ ನಾಯಕಿಯಾಗಿ ಆಯ್ಕೆ ಮಾಡುವ ಯೋಚನೆಯೇ ಇಲ್ಲ. ಚಿತ್ರದಲ್ಲಿ ಅನುಭವಿ ನಟಿಯೇ ಇರ್ತಾರೆ'' ಎಂದು ವದಂತಿಗೆ ಬ್ರೇಕ್ ಹಾಕಿದರು.
ಕನ್ನಡಕ್ಕೂ ಕಾಲಿಡುತ್ತಿದ್ದಾಳೆ ಕಣ್ಸನ್ನೆ ಹುಡುಗಿ.!
ನಿರ್ದೇಶಕ ಯೋಗಿ 'ಯೋಗಿ ಲವ್ಸ್ ಸುಪ್ರಿಯಾ' ಎಂಬ ಹೊಸ ಸಿನಿಮಾ ಮಾಡುತ್ತಿದ್ದು, ಈ ಚಿತ್ರದ ನಾಯಕಿ ಪಾತ್ರಕ್ಕೆ ಪ್ರಿಯಾ ಅವರನ್ನು ಸಂಪರ್ಕ ಮಾಡಿದ್ದಾರೆ. ಈ ಚಿತ್ರದಲ್ಲಿ ನಿರ್ದೇಶನದ ಜೊತೆಗೆ ನಟನೆಯನ್ನು ಯೋಗಿ ಅವರೇ ಮಾಡಲಿದ್ದಾರೆ. ಈಗಾಗಲೆ ಭೇಟಿ ಮಾಡಿದ್ದು, ಚಿತ್ರದಲ್ಲಿ ನಟಿಸಲು ಒಪ್ಪಿದ್ದಾರೆ ಎನ್ನಲಾಗಿದೆ. ಆದ್ರೆ, ಆ ಸಿನಿಮಾ ಸೆಟ್ಟೇರುವವರೆಗೂ ಇದು ಸುದ್ದಿಯಾಗಿಯೇ ಉಳಿಯಲಿದೆ.
ಒಂದು ಪೋಸ್ಟ್ ಗೆ 8 ಲಕ್ಷ ಅಂತೆ.!
ಪ್ರಿಯಾ ಪ್ರಕಾಶ್ ವಾರಿಯರ್ ಇನ್ಸ್ಟಾಗ್ರಾಮ್ ನಲ್ಲಿ ಒಂದು ಪೋಸ್ಟ್ ಹಾಕಿದ್ರೆ 8 ಲಕ್ಷ ಸಂಭಾವನೆ ಪಡೆಯುತ್ತಾರಂತೆ. ಈ ಸುದ್ದಿ ಈಗ ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಸಂಚಲನ ಹುಟ್ಟುಹಾಕಿದೆ. ಬಾಲಿವುಡ್ ತಾರೆಗಳು ಕೂಡ ಇಷ್ಟೊಂದು ಮೊತ್ತ ಪಡೆಯುವುದಿಲ್ಲ ಎನ್ನಲಾಗಿದೆ. ಇದು ನಿಜನಾ ಅಥವಾ ಬರಿ ವದಂತಿಯೋ ಗೊತ್ತಿಲ್ಲ. ಸದ್ಯಕ್ಕೆ ಈ ಸುದ್ದಿ ಮಾತ್ರ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿದೆ.
ಪ್ರಿಯಾಗಾಗಿ ಇಬ್ಬರು ನಿರ್ದೇಶಕರ ನಡುವೆ ಫೈಟ್.!
ಕರಣ್ ಜೋಹರ್ ತಮ್ಮ ‘ಸ್ಟುಡೆಂಟ್ ಆಫ್ ದಿ ಇಯರ್ 2' ಸಿನಿಮಾಗೆ ಪ್ರಿಯಾ ಅವರನ್ನ ನಾಯಕಿಯಾಗಿಸುವ ಉದ್ದೇಶ ಹೊಂದಿದ್ದಾರಂತೆ. ಈ ಮಧ್ಯೆ ನದಿಯಾದ್ ವಾಲಾ ಇನ್ನೊಂದು ಚಿತ್ರದಲ್ಲಿ ನಟಿಸುವಂತೆ ಬೇಡಿಕೆಯಿಟ್ಟು ಒಪ್ಪಿಗೆಗಾಗಿ ಕಾಯುತ್ತಿದ್ದಾರಂತೆ. ಹೊಸ ನಾಯಕಿಯ ಡೇಟ್ಸ್ ಗಾಗಿ ಸ್ಟಾರ್ ನಿರ್ಮಾಪಕರು ಕಾಯುತ್ತಿರುವುದು ಕೂಡ ಗಾಸಿಪ್ ಎನ್ನಲಾಗುತ್ತಿದೆ.
