ತಮಿಳು ನಟ ವಿಶಾಲ್ ಮದುವೆ ಮುರಿದು ಬಿತ್ತಾ? ಏನಾಯ್ತು ಈ ಜೋಡಿಗೆ?

ವಿಶಾಲ್-ಅನಿಶಾ ನಡುವೆ ಎಲ್ಲವೂ ಸರಿಯಿಲ್ಲ

ತಮಿಳು ನಟ ವಿಶಾಲ್ ಮತ್ತು ಅನಿಶಾ ಇಬ್ಬರು ಪರಸ್ಪರ ಪ್ರೀತಿಸಿ, ಮನೆಯವರನ್ನ ಒಪ್ಪಿಸಿ ಮದುವೆವರೆಗೂ ಬಂದಿದ್ದಾರೆ. ಇಬ್ಬರು ಎಂಗೇಜ್ ಮೆಂಟ್ ಉಂಗುರ ಕೂಡ ಬದಲಿಸಿಕೊಂಡಿದ್ದಾರೆ. ಈ ಮಧ್ಯೆ ಇಬ್ಬರ ಮಧ್ಯೆ ಮನಸ್ತಾಪ ಮೂಡಿದ್ದು, ಇದರ ಪರಿಣಾಮ ಮದುವೆ ನಿಲ್ಲಿಸಲು ಮುಂದಾಗಿದ್ದಾರೆ ಎಂದು ತೆಲುಗಿನ ಕೆಲವು ವೆಬ್ ಸೈಟ್ ಗಳು ವರದಿ ಮಾಡಿದೆ.

ಫೋಟೋ ತೆಗೆದು ಹಾಕಿದ ಅನಿಶಾ

ವಿಶಾಲ್ ಜೊತೆ ಲವ್ವಲ್ಲಿ ಇರುವುದಾಗಿ ನಟಿ ಅನಿಶಾ ಮೊದಲು ಬಹಿರಂಗಪಡಿಸಿದ್ದರು. ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಇಬ್ಬರು ಒಟ್ಟಿಗಿರುವ ಫೋಟೋ ಹಂಚಿಕೊಂಡು ಮದುವೆ ವಿಷ್ಯ ಬಿಚ್ಚಿಟ್ಟಿದ್ದರು. ಈಗ, ಅನಿಶಾ ಅವರೇ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಆ ಫೋಟೋಗಳನ್ನ ತೆಗೆದುಹಾಕಿದ್ದಾರೆ ಎನ್ನಲಾಗಿದೆ. ಇದನ್ನ ಗಮನಿಸಿದ ನೆಟ್ಟಿಗರು ಬಹುಶಃ ಮದುವೆ ಮುರಿದು ಬಿದ್ದಿರಬೇಕು ಎನ್ನುತ್ತಿದ್ದಾರೆ.

ಎಲ್ಲವೂ ಚೆನ್ನಾಗಿ ಹೋಗುವಷ್ಟರಲ್ಲಿ ಹೀಗೊಂದು ವದಂತಿ

ವಿಶಾಲ್ ಮತ್ತು ಅನಿಶಾ ಅವರ ಮದುವೆ ಯಾವುದೇ ವಿಘ್ನಗಳಿಲ್ಲದೇ, ಅಡೆತಡೆಗಳಿಲ್ಲದೇ ನಡೆಯುತ್ತೆ ಎಂಬ ನಿರೀಕ್ಷೆ ಇದೆ. ಬಟ್, ಈ ವದಂತಿ ಈಗ ಎಲ್ಲರಿಗೂ ಅಚ್ಚರಿ ತಂದಿದೆ. ನಿಜಕ್ಕೂ ವಿಶಾಲ್ ಮದುವೆ ಮುರಿದು ಬಿತ್ತಾ ಅಥವಾ ಗಾಳಿ ಸುದ್ದಿನಾ ಎಂಬ ಗೊಂದಲದಲ್ಲಿದ್ದಾರೆ ಅಭಿಮಾನಿಗಳು.

ವಿಶಾಲ್ ಅಥವಾ ಅನಿಶಾ ಸ್ಪಷನೆ ಅಗತ್ಯ

ಸಿನಿಮಾ ವಿಚಾರದಲ್ಲಿ ಇಂತಹ ವದಂತಿಗಳು ಹಬ್ಬಿದಾಗ ಅದನ್ನ ನಿರ್ಲಕ್ಷ್ಯ ಮಾಡಬಹುದು. ಆದ್ರೆ, ಖಾಸಗಿ ಜೀವನದ ಬಗ್ಗೆ ಇಂತಹ ಸುದ್ದಿಗಳು ಚರ್ಚೆಯಾದಾಗ, ಸೆಲೆಬ್ರಿಟಿಗಳು ಅಧಿಕೃತವಾಗಿ ಸ್ಪಷ್ಟನೆ ನೀಡುವುದು ಉತ್ತಮ. ಇಲ್ಲಿಯವರೆಗೂ ವಿಶಾಲ್ ಆಗಲಿ ಅಥವಾ ಅನಿಶಾ ಆಗಲಿ ಈ ಬಗ್ಗೆ ಮಾತನಾಡಿಲ್ಲ. ಹಾಗಾಗಿ, ಆ ವದಂತಿಗಳು ಇನ್ನು ಜೀವಂತವಾಗಿದೆ.