'ಪುಷ್ಪ' ಬಳಿಕ ಊದಿದ ಅಲ್ಲು ಅರ್ಜುನ್: ವಡಾ ಪಾವ್ ಎಂದ ನೆಟ್ಟಿಗರು!

ತೂಕ ಹೆಚ್ಚಿಕೊಂಡ ಅಲ್ಲು ಅರ್ಜುನ್!

ನಟ ಅಲ್ಲು ಅರ್ಜುನ್ ಇತ್ತೀಚೆಗೆ ಸಾರ್ವಜನಿಕವಾಗಿ ಕ್ಯಾಮೆರಾ ಕಣ್ಣಿಗೆ ಬಿದ್ದಿದ್ದಾರೆ. ನೀಲಿ ಬಣ್ಣದ ಟೀ ಶರ್ಟ್ ತೊಟ್ಟು ಸಿಕ್ಕಾಪಟ್ಟೆ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ. ಆದರೆ ಜೊತೆಗೆ ದಪ್ಪವಾಗಿ ಕೂಡ ಕಾಣಿಸಿಕೊಂಡಿದ್ದಾರೆ. ಸ್ಟೈಲಿಶ್ ಸ್ಟಾರ್ ಎಂದು ಕರೆಸಿಕೊಳ್ಳುವ ಅಲ್ಲು ಅರ್ಜುನ್ ಸದ್ಯ ತೂಕ ಹೆಚ್ಚಿಸಿಕೊಂಡು ಅಚ್ಚರಿ ಮೂಡಿಸಿದ್ದಾರೆ. ದಪ್ಪಾ ಆಗುವುದರ ಜೊತೆಗೆ ಗಡ್ಡ ಕೂಡ ಬಿಟ್ಟಿರುವುದರಿಂದ ಅಲ್ಲು ಅರ್ಜುನ್ ಟ್ರೋಲ್ ಆಗಿದ್ದಾರೆ.

ಅಲ್ಲು ಅರ್ಜುನ್- ವಡಾ ಪಾವ್!

ನಟ ಅಲ್ಲು ಅರ್ಜುನ್ ಹೀಗೆ ದಪ್ಪ ಆಗಿರುವುದರಿಂದ ಟ್ರೋಲ್ ಆಗುತ್ತಿದ್ದಾರೆ. ಅಲ್ಲು ಅರ್ಜುನ್ ಲುಕ್‌ಗೆ ನಾನಾ ಬಗೆಯ ಕಮೆಂಟ್‌ಗಳು ಬರ್ತಿವೆ. ಹಾಗಾಗಿ ಅಲ್ಲು ಅರ್ಜುನ್ ಈ ಲುಕ್ ಕಂಡವರು ಅವರನ್ನು ವಡಾ-ಪಾವ್ ಎನ್ನುತ್ತಿದ್ದಾರೆ. ಈ ಹಿಂದೆ ನಟ ಪ್ರಭಾಸ್ ದಪ್ಪನೆಯ ಲುಕ್ ನೋಡಿ, ಹೀಗೆ ವಡಾ ಪಾವ್ ಎಂದು ಟ್ರೋಲ್ ಮಾಡಿದ್ದರು. ಈಗ ಅಲ್ಲು ಅರ್ಜುನ್ ಸರದಿ.

ಹೊಸ ಲುಕ್ ಸೀಕ್ರೆಟ್!

ಅಷ್ಟಕ್ಕೂ ಅಲ್ಲು ಅರ್ಜುನ್ ಸಿನಿಮಾಗಾಗಿ ಮಾತ್ರ ಸ್ಟೈಲಿಶ್ ಆಗಿ ಕಾಣಿಸುವುದಿಲ್ಲ. ಬದಲಿಗೆ ಅಲ್ಲು ಅರ್ಜುನ್ ಸದಾ ಸ್ಟೈಲಿಶ್ ಆಗಿ ಫಿಟ್ ಅಂಡ್ ಫೈನ್ ಆಗಿ ಕಾಣಿಸುತ್ತಾರೆ. ಆದರೆ ಈ ರೀತಿ ದಪ್ಪ ಆಗಿದ್ದಾರೆ ಎಂದರೆ ಬಹುಶಃ ಈ ಲುಕ್ 'ಪುಷ್ಪ 2' ಚಿತ್ರಕ್ಕಾಗಿಯೇ ಇರಬಹುದು ಎಂದು ಹೇಳಲಾಗುತ್ತಿದೆ. ಯಾಕೆಂದರೆ ಪುಷ್ಪರಾಜ್ ರೀತಿ ಹಾಗೇ ಗಡ್ಡ ಬಿಟ್ಟಿದ್ದಾರೆ. ಆದರೆ ತೂಕ ಮಾತ್ರ ಹೆಚ್ಚಿಸಿಕೊಂಡಿದ್ದಾರೆ ಅಲ್ಲು ಅರ್ಜುನ್.

'ಪುಷ್ಪ' ಡಿಸೆಂಬರ್‌ನಲ್ಲಿ ರಿಲೀಸ್?

ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ 'ಪುಷ್ಪ 2'. ಈ ಚಿತ್ರದ ರಿಲೀಸ್ ಯಾವಾಗ ಎಂದು ಅಲ್ಲು ಅಭಿಮಾನಿಗಳು ಕಾಯುತ್ತಿದ್ದಾರೆ. ಸದ್ಯ ಚಿತ್ರತಂಡ 'ಪುಷ್ಪ 2' ಚಿತ್ರದ ಕೆಲಸಗಳಲ್ಲಿ ತುಂಬಾನೆ ಬ್ಯುಸಿಯಾಗಿದೆ. ಆದರೆ ಎಲ್ಲವೂ ಅಂದುಕೊಂಡಂತೆ ಆದರೆ 'ಪುಷ್ಪ 2' ಸಿನಿಮಾ ಇದೇ ವರ್ಷ ಡಿಸೆಂಬರ್‌ನಲ್ಲಿ ತೆರೆಕಾಣಲಿದೆ. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಪುಷ್ಪ ಮೊದಲ ಭಾಗ ತೆರೆಗೆ ಬಂದಿತ್ತು.