ಅನುಷ್ಕಾ ಕೈಹಿಡಿಯಲಿರುವ ಹೈದರಾಬಾದ್ ಗಂಡು

ಬೆಂಗಳೂರು ಮೂಲದ ಈ ತಾರೆ ಹೈದರಾಬಾದಿನಲ್ಲಿದ್ದುಕೊಂಡೇ ಹೆಸರು, ಹಣ, ಆಸ್ತಿಪಾಸ್ತಿ ಸಂಪಾದಿಸಿದರು. ತೆಲುಗು, ತಮಿಳು ಚಿತ್ರಗಳಲ್ಲಿ ಅಭಿನಯಿಸಿದರಾದರೂ ಕನ್ನಡದಲ್ಲಿ ಅಭಿನಯಿಸಲಿಲ್ಲ. ಮನಸ್ಸು ಮಾಡಿದ್ದರೆ ಅಭಿನಯಿಸಬಹುದಿತ್ತು. ಆದರೆ ಅದ್ಯಾಕೋ ಏನೋ ಅದು ಸಾಧ್ಯವಾಗಲಿಲ್ಲ.

ನೇರವಾಗಿ ವಿಷಯಕ್ಕೆ ಬರುವುದಾದರೆ ಈಕೆ ಒಂದಿಲ್ಲೊಂದು ಗಾಸಿಪ್ ಗೆ ಆಗಾಗ ಬಲಿಯಾಗುತ್ತಲೇ ಇದ್ದಾರೆ. ಆ ಹೀರೋ ಜೊತೆ ಹಂಗಂತೆ, ಈ ಹೀರೋ ಜೊತೆ ಹಿಂಗಂತೆ ಎಂಬ ಮಾತುಗಳಿಗೂ ಬರವಿಲ್ಲ. ಜನಪ್ರಿಯತೆಗೆ ತಕ್ಕಂತೆ ಗಾಸಿಪ್ ಗಳೂ ಹರಿದಾಡುತ್ತಿವೆ.

ಈಗ ಅನುಷ್ಕಾ ಮದುವೆಗೆ ಶೀಘ್ರದಲ್ಲೇ ಗಟ್ಟಿಮೇಳ ಎಂಬ ಸುದ್ದಿ ಇದೆ. ಮದುವೆ ಬಳಿಕ ಚಿತ್ರರಂಗಕ್ಕೂ ಗುಡ್ ಬೈ ಹೇಳುವುದರಲ್ಲಿದ್ದಾರೆ ಈ ಯೋಗಿಣಿ. ಹೈದರಾಬಾದ್ ಮೂಲಕ ಬಿಜಿನೆಸ್ ಮೆನ್ ಕೈಹಿಡಿಯಲಿದ್ದಾರಂತೆ ಅನುಷ್ಕಾ.

ಅನುಷ್ಕಾ ಶೆಟ್ಟಿ ಗ್ಯಾಲರಿ

ಈ ಹಿಂದೊಮ್ಮೆ ಅನುಷ್ಕಾ ಮದುವೆ ನಾಗಾರ್ಜುನ ಪುತ್ರ ನಾಗಚೈತ್ಯನ್ಯ ಜೊತೆ ಎಂಬ ಸುದ್ದಿ ಹಬ್ಬಿತ್ತು. ಬಳಿಕ ಸ್ವತಃ ಅನುಷ್ಕಾ ಅವರೇ ಈ ಸುದ್ದಿಯನ್ನು ಅಲ್ಲಗಳೆದಿದ್ದರು. ಈಗ ಬಂದಿರುವ ಸುದ್ದಿಯೂ ಅದೇ ರೀತಿಯದ್ದಾ ಅಥವಾ ನಿಜವಾಗಿಯೂ ಮದುವೆಯಾಗುತ್ತಿದ್ದಾರೆಯೇ? ಅನುಷ್ಕಾ ಅವರೇ ಉತ್ತರಿಸಬೇಕು.