Don't Miss!
- News Mukhtar Ansari's death: ಉತ್ತರಪ್ರದೇಶದಲ್ಲಿ ಕಿಚ್ಚು ಹಚ್ಚಿದ ಗ್ಯಾಂಗ್ಸ್ಟಾರ್, ರಾಜಕಾರಣಿ ಮುಖ್ತಾರ್ ಅನ್ಸಾರಿ ನಿಧನ
- Technology iPhone: ಆಪಲ್ ಅಂತಿಮವಾಗಿ ಐಫೋನ್ 12 ಬಳಕೆದಾರರಿಗೆ ಗುಡ್ ನ್ಯೂಸ್ ನೀಡಿಯೇ ಬಿಟ್ಟಿತು! ಏನದು?
- Automobiles Tata Nexon: ಟಾಟಾ ನೆಕ್ಸಾನ್ ಹೊಸ ರೂಪಾಂತರಗಳು ಬಿಡುಗಡೆ, ರೂ.10 ಲಕ್ಷ ಬೆಲೆ.. ಆಕರ್ಷಕ ವೈಶಿಷ್ಟ್ಯಗಳು
- Sports Riyan Parag: 'ಗಾಯದಿಂದ ಮೂರು ದಿನ ಒದ್ದಾಡಿ ಹೋಗಿದ್ದೆ': ರಿಯಾನ್ ಪರಾಗ್
- Finance ಇನ್ಮುಂದೆ ದುಬಾರಿಯಾಗಲಿದೆ ಎಸ್ಬಿಐ ಡೆಬಿಟ್, ಕ್ರೆಡಿಟ್ ಕಾರ್ಡ್ ನಿರ್ವಹಣಾ ಶುಲ್ಕ
- Lifestyle ಗುಡ್ಫ್ರೈಡೆ ಆಚರಣೆ ಹುಟ್ಟಿದ್ದು ಹೇಗೆ? ಇದರ ಮಹತ್ವವೇನು ಗೊತ್ತಾ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಿಲ್ಕಿ ಬ್ಯೂಟಿ ತಮನ್ನಾ ಮದುವೆ ಡೇಟ್ ಫಿಕ್ಸ್?
ಸಿನಿಮಾ ರಂಗದಲ್ಲಿ ಸಾಕಷ್ಟು ನಟಿ ಮಣಿಯರು ಮದುವೆಯಿಂದ ದೂರ ಉಳಿದು ಬಿಡುತ್ತಾರೆ. ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟ ಬಳಿಕ ಬೇಗ ಮದುವೆ ಎಂಬ ಬಂಧನಕ್ಕೆ ಒಳಗಾಗುವುದಿಲ್ಲ. ಈ ಸಾಲಿನಲ್ಲಿ ಹಲವು ನಟಿಮಣಿಯರು ಇದ್ದಾರೆ. ಅದರಲ್ಲಿ ತಮನ್ನಾ ಕೂಡ ಒಬ್ಬರು.
ನಟಿ ತಮನ್ನಾ ಸೌತ್ ಸಿನಿಮಾರಂಗದ ಹೆಸರಾಂತ ನಟಿ. ಮಿಲ್ಕಿ ಬ್ಯೂಟಿ ಅಂತಲೇ ಹೆಸರುವಾಸಿ. ತಮನ್ನಾ ಕಾಲ್ ಶೀಟ್ಗಾಗಿ ನಿರ್ಮಾಪಕರು, ನಿರ್ದೇಶಕರು ಸದಾ ಕಾಯುತ್ತಿರುತ್ತಾರೆ. ಬಾಹುಬಲಿ ಸಿನಿಮಾದ ಬಳಿಕ ತಮನ್ನಾ ಹೆಚ್ಚೆಚ್ಚು ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿಲ್ಲ. ಆದರೆ ತಮನ್ನಾ ಮಾಡುವ ಕೆಲವೇ ಸಿನಿಮಾಗಳು ಹಿಟ್ ಲಿಸ್ಟ್ ಸೇರಿವೆ.
ಈಗ ತಮನ್ನಾ ಸಿನಿಮಾ ಬದಲಿಗೆ ತಮ್ಮ ವೈಯಕ್ತಿಕ ವಿಚಾರವಾಗಿ ಸುದ್ದಿ ಆಗುತ್ತಿದ್ದಾರೆ. ಅದರಲ್ಲೂ ಅವರ ಮದುವೆ ವಿಚಾರ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಈ ಬಗ್ಗೆ ಸ್ವತಃ ತಮನ್ನಾ ಮಾತನಾಡಿದ್ದಾರೆ.
ಮದುವೆ ಬಗ್ಗೆ ಮಿಲ್ಕಿ ಬ್ಯೂಟಿ ಹೇಳಿದ್ದು ಹೀಗೆ!
ನಟಿ ತಮನ್ನಾ ತಮ್ಮ ಮದುವೆ ಬಗ್ಗೆ ಸಂದರ್ಶನ ಒಂದರಲ್ಲಿ ಮಾತನಾಡಿದ್ದು, ಮದುವೆ ಆಗುವ ಆಗುವ ಬಗ್ಗೆ ಸ್ಪಷ್ಟಪಡಿಸಿದ್ದಾರೆ. ಜೊತೆಗೆ ಯಾವಾಗ ಎನ್ನುವ ಬಗ್ಗೆಯೂ ತಮನ್ನಾ ಹೇಳಿಕೊಂಡಿದ್ದಾರೆ. ಇತ್ತೀಚೆಗೆ ಸಂದರ್ಶನದಲ್ಲಿ ಅವರಿಗೆ ಈ ಪ್ರಶ್ನೆ ಎದುರಾಗಿದೆ. ಇದಕ್ಕೆ ಉತ್ತರಿಸಿದ ನಟಿ, ಎರಡು ವರ್ಷ ಬಳಿಕ ಮದುವೆ ಆಗುತ್ತೇನೆ ಎಂದು ಹೇಳಿಕೊಂಡಿದ್ದಾರೆ.
ತಮನ್ನಾ ಮದುವೆಗೆ ಸಿನಿಮಾಗಳೇ ಅಡ್ಡಿ!
ಅಷ್ಟಕ್ಕೂ ನಟಿ ತಮನ್ನಾ ಎರಡು ವರ್ಷಗಳನ್ನು ಬಿಟ್ಟು ಮದುವೆ ಆಗುತ್ತೇನೆ ಎಂದು ಹೇಳಲು ಕಾರಣ ಅವರ ಸಿನಿಮಾಗಳಂತೆ. ಸದ್ಯ ಅವರು ಒಪ್ಪಿಕೊಂಡಿರುವ ಸಿನಿಮಾಗಳನ್ನು ಮಾಡಿ ಮುಗಿಸುತ್ತಾರಂತೆ. ಬಳಿಕ ಮದುವೆ ಆಗಲಿದ್ದಾರಂತೆ. ಸಿನಿಮಾಗಳನ್ನು ಮುಗಿಸಲು ತಮನ್ನಾಗೆ 2 ವರ್ಷಗಳು ಬೇಕಂತೆ. ಸದ್ಯ 'F3' ಚಿತ್ರ ರಿಲೀಸ್ಗೆ ರೆಡಿಯಾಗಿದೆ. ಅತ್ತ ಚಿರಂಜೀವಿ ಜೊತೆಗೂ 'ಭೋಲಶಂಕರ್' ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ.
ಕನ್ನಡದ ಕಬ್ಜದಲ್ಲಿ ತಮನ್ನಾ!
ಈಗ ನಟಿ ತಮನ್ನಾ ಕನ್ನಡಕ್ಕೂ ಎಂಟ್ರಿ ಕೊಡ್ತಿದ್ದಾರೆ. ಕನ್ನಡದ ಬಹುನಿರೀಕ್ಷಿತ ಸಿನಿಮಾ ಕಬ್ಜದಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದು, ಈ ಸುದ್ದಿ ಇತ್ತೀಚೆಗೆ ಹೊರ ಬಂದಿದೆ. ತಮನ್ನಾ ಎರಡು ತೆಲುಗು ಸಿನಿಮಾಗಳನ್ನು ಮುಗಿಸಿ ನಂತರ, ಕನ್ನಡಕ್ಕೆ ಬರಲಿದ್ದರೆ, ಈಗಾಗಲೇ ಕಬ್ಜ ಸಿನಿಮಾದ ಬಹುತೇಕ ಚಿತ್ರೀಕರಣ ಮುಗಿದಿದೆ. ಬಹುಶಃ ತಮನ್ನಾ ಅವರ ಭಾಗದ ಚಿತ್ರೀಕರಣ ಮುಗಿದರೆ ಇಡೀ ಸಿನಿಮಾ ಪೂರ್ಣಗೊಳ್ಳುತ್ತದೆ. ಸದ್ಯ ತಮನ್ನಾಳ ಕಬ್ಜ ಪಾತ್ರದ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿದೆ.
ತಮನ್ನಾ ಮದುವೆ ಆಗುವ ವರನ್ಯಾರು?
ಮದುವೆ ಸುದ್ದಿ ಹಬ್ಬುತ್ತಲೇ ತಮನ್ನಾ ಕೈ ಹಿಡಿಯುವ ವರನ ಬಗ್ಗೆ ಚರ್ಚೆ ಶುರುವಾಗಿದೆ. ಯಾರನ್ನು ಮದುವೆ ಆಗ್ತಾರೆ ಎಂದು ಅಭಿಮಾನಿ ಬಳಗ ಪ್ರಶ್ನೆ ಮಾಡುತ್ತಿದೆ. ಸಿನಿಮಾರಂಗದವನ್ನು ವರಿಸುತ್ತಾರಾ ಅಥವಾ ಯಾರಾದರು ಉದ್ಯಮಿಯ ಕೈ ಹಿಡಿಯುತ್ತಾರಾ ಎನ್ನುವ ಬಗ್ಗೆ ಕುತೂಹಲಗಳು ಮೂಡಿವೆ. ಇದಕ್ಕೆಲ್ಲಾ ನಟಿ ತಮ್ನನಾ ಅವರೇ ಉತ್ತರ ನೀಡಬೇಕು. ಆದರೆ ಅದು ಯಾರೆಂದು ಗೊತ್ತಾವುದು ಇನ್ನು ಎರಡು ವರ್ಷಗಳ ಬಳಿಕ.