ಮಾಲಿವುಡ್ ಹೀರೋ ಜೊತೆ ನಿತ್ಯಾ ಮೆನನ್ ಮದುವೆ ? ಆ ಹೀರೋ ನಮಗೂ ಚಿರಪರಿಚಿತ!

ನಿತ್ಯಾ ಮೆನನ್ ಕನ್ನಡತಿ

ದುಂಡು ಮಲ್ಲಿಗೆಯಂತಹ ಚೆಲುವೆ ನಿತ್ಯಾಮೆನನ್ ಓದಿ ಬೆಳೆದಿದ್ದು ಬೆಂಗಳೂರಿನಲ್ಲಿ. ನಗರದ ಮೌಂಟ್ ಕಾರ್ಮೆಲ್ ಕಾಲೇಜಿನಲ್ಲಿ ಓದಿದ ಅದೆಷ್ಟೂ ಯುವತಿಯರು ಸಿನಿಮಾ ತಾರೆಯರಾಗಿದ್ದಾರೆ, ಮಾಡೆಲ್‌ಗಳಾಗೆ ಮಿಂಚು ಹರಿಸಿದ್ದಾರೆ. ಅದೇ ಕಾಲೇಜಿನ ಸ್ಟೂಡೆಂಟ್ ನಿತ್ಯಾಗೆ ಕನ್ನಡ ಅಂದ್ರೆ, ಕನ್ನಡಿಗರು ಅಂದ್ರೆ, ಅಪಾರ ಪ್ರೀತಿ. ನಿತ್ಯಾ ಮೆನನ್‌ಗೆ ಮಲಯಾಳಂ ಓದಲು, ಬರೆಯಲು ಬರೋದಿಲ್ಲ. ನಾನು ಕನ್ನಡತಿ ಅಂತ ಹಿಂದೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು.

50ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟನೆ

ಪಂಚಭಾಷಾ ತಾರೆ ನಿತ್ಯಾ ಮೆನನ್ ಕನ್ನಡ, ತಮಿಳು, ಹಿಂದಿ, ತೆಲುಗು, ಮಲಯಾಳಂ ಸೇರಿ 50ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮೈನಾ, ಅಲಾ ಮೊದಲೈಂದಿ, ಮೆರ್‌ಸಲ್, ಉಸ್ತಾದ್ ಹೋಟೆಲ್, ಕೋಟಿಗೊಬ್ಬ-2 ಸೇರಿದಂತೆ ಹಲವು ಸೂಪರ್ ಹಿಟ್ ಸಿನಿಮಾಗಳಲ್ಲಿ ನಿತ್ಯಾ ನಟಿಸಿ ಗೆದ್ದಿದ್ದಾರೆ.

ತಮ್ಮದೇ ಯೂಟ್ಯೂಬ್ ಚಾನಲ್ ಓಪನ್

ನಿತ್ಯಾ ಅನ್‌ಫಿಲ್ಟರ್ಡ್ ಹೆಸರಿನ ಯೂಟ್ಯೂಬ್ ಚಾನಲ್ ಓಪನ್ ಮಾಡಿರೋ ನಟಿ ತಮ್ಮ ಸಿನಿಕರಿಯರ್‌ಗೆ ಸಂಬಂಧಿಸಿದ ವೀಡಿಯೋಗಳನ್ನು ಶೇರ್ ಮಾಡುತ್ತಿರುತ್ತಾರೆ. ತಮ್ಮ 12 ವರ್ಷಗಳ ಸಿನಿಜೀವನವನ್ನು ವೀಡಿಯೋಗಳ ರೂಪದಲ್ಲಿ ಅಭಿಮಾನಿಗಳಿಗೆ ತಿಳಿಸುವ ಪ್ರಯತ್ನ ಮಾಡ್ತಿದ್ದಾರೆ.

ಗಾಯಕಿಯಾಗಿಯೂ ಸಕ್ಸಸ್ ಕಂಡಿರೋ ಚೆಲುವೆ

ನಿತ್ಯಾ ಮೆನನ್​ ಒಳ್ಳೆ ಗಾಯಕಿ ಅನ್ನೋದನ್ನು ಅವರು ಹಾಡಿರುವ ವಿಡಿಯೋಗಳನ್ನು ನೋಡಿದರೆ ಹೇಳಬಹುದು. ನಿತ್ಯಾ ಹಾಡಿರುವ ವಿಡಿಯೋಗಳು ಸಖತ್​ ವೈರಲ್​ ಆಗಿದ್ದು, ನಿತ್ಯಾ ಅವರ ಸುಮಧುರ ಕಂಠಸಿರಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. 5 ಭಾಷೆಗಳಲ್ಲಿ ಬಂದ 'ಗಮನಂ' ಚಿತ್ರದಲ್ಲಿ ನಿತ್ಯಾ ಗಾಯಕಿಯಾಗಿ ನಟಿಸಿದ್ದರು.

ನಾನು ದಪ್ಪಗಿದ್ದೇನೆ ಏನಿಗಾ ಎಂದಿದ್ದ ನಿತ್ಯಾ

ಕೆಲ ದಿನಗಳ ನಿತ್ಯಾ ಮೆನನ್ ದೇಹಾಕಾರದ ಕಾರಣಕ್ಕೆ ಸಾಕಷ್ಟು ಟ್ರೋಲ್‌ಗಳನ್ನು ಎದುರಿಸಬೇಕಾಯಿತು. ತೆರೆಮೇಲೆ ನೀವು ಡುಮ್ಮಿ ಆಗಿ ಕಾಣುತ್ತಿದ್ದೀರಾ. ಸೋಮಾರಿ, ತಿಂಡಿಪೋತಿ ಅಂತೆಲ್ಲಾ ಮೂದಲಿಸಿದ್ದರು. ಇದಕ್ಕೆ ನಿತ್ಯಾ ಗಂಭೀರವಾಗಿಯೇ ಉತ್ತರ ಕೊಟ್ಟಿದ್ದರು. ಸಿನಿಮಾ ಕಲಾವಿದರು ಸೋಮಾರಿಗಳಲ್ಲ. ನಾನು ಕೂಡ ಕಷ್ಟಪಡುತ್ತಿದ್ದೇನೆ. ಹಾರ್ಮೋನ್ ಸಮಸ್ಯೆಯಿಂದ ಈ ಸಮಸ್ಯೆ ಎದುರಾಗಿದೆ. ನಿಮ್ಮ ಮಾತುಗಳು ನೋವು ಉಂಟು ಮಾಡುತ್ತದೆ ಎಂದಿದ್ದರು.