'ಬಿಗ್ ಬಾಸ್' ಮೂಲಕ ಕಿರುತೆರೆಗೆ ಎಂಟ್ರಿ ಕೊಡ್ತಾರಾ ನಟಿ ಸಮಂತಾ?

3 ಆವೃತ್ತಿಗೆ ಮೂವರು ಸ್ಟಾರ್

ತೆಲುಗಿನಲ್ಲಿ ಈಗಾಗಲೆ ಮೂರು ಆವೃತ್ತಿ ಮುಗಿದಿದೆ. ಈ ಮೂರು ಆವೃತ್ತಿಯಲ್ಲಿಯೂ ಬೇರೆ ಬೇರೆ ಸ್ಟಾರ್ಸ್ ನಡೆಸಿಕೊಟ್ಟಿದ್ದಾರೆ. ಮೊದಲ ಆವೃತ್ತಿಯನ್ನು ನಟ ಜೂ.ಎನ್ ಟಿ ಆರ್ ನಡೆಸಿಕೊಟ್ಟರೆ, ಎರಡನೇ ಆವೃತ್ತಿ ನಡೆಸಿಕೊಡುವ ಜವಾಬ್ದಾರಿ ನಾನಿ ಹೆಗಲಿಗೆ ಬಿದ್ದಿತ್ತು. ಮೂರನೆ ಆವೃತ್ತಿಯನ್ನು ಅಕ್ಕಿನೇನಿ ನಾಗಾರ್ಜುನ್ ನಡೆಸಿಕೊಟ್ಟಿದ್ದರು.

ಯಾರು ನಡೆಸಿಕೊಡಲಿದ್ದಾರೆ ಬಿಗ್ ಬಾಸ್

ತೆಲುಗು ಬಿಗ್ ಬಾಸ್ ನಾಲ್ಕನೆ ಆವೃತ್ತಿ ಯಾರು ನಡೆಸಿಕೊಡಲಿದ್ದಾರೆ ಎನ್ನುವ ಚರ್ಚೆ ನಡೆಯುತ್ತಿದ್ದಾರೆ. 4ನೇ ಆವೃತ್ತಿಯ ಜವಾಬ್ದಾರಿ ಯಾರ ವಹಿಸಿಕೊಳ್ಳಲಿದ್ದಾರೆ ಎಂದು ಸಾಕಷ್ಟು ಸ್ಟಾರ್ ನಟ ಹೆಸರು ಕೇಳಿ ಬರುತ್ತಿದೆ. ಪ್ರತೀ ಬಾರಿ ತೆಲುಗು ಬಿಗ್ ಬಾಸ್ ಹೋಸ್ಟ್ ಬಗ್ಗೆ ಒಂದಿಷ್ಟು ಗೊಂದಲ ಸೃಷ್ಟಿಯಾಗಿರುತ್ತೆ. ಈ ಬಾರಿ ಕೂಡ ಯಾರು ನಡೆಸಿಕೊಡಲಾದಿದ್ದಾರೆ ಎನ್ನುವುದು ಕುತೂಹಲ ಮೂಡಿಸಿದೆ. ಸದ್ಯ ಕೊರೊನಾ ಆತಂಕದ ವಾತಾವರಣ ಇರುವುದರಿಂದ ಬಿಗ್ ಬಾಸ್ ನಡೆಯುತ್ತಾ ಎನ್ನುವ ಅನುಮಾನದ ಜೊತೆಗೆಯೇ, ಒಂದುವೇಳೆ ನಡೆದರೆ ಯಾರು ನಡೆಸಿಕೊಡಲಿದ್ದಾರೆ ಎನ್ನುವ ಕುತೂಹಲ ಹೆಚ್ಚಿದೆ.

ಸಮಂತಾ ನಡೆಸಿಕೊಡ್ತಾರಾ ಬಿಗ್ ಬಾಸ್

ತೆಲುಗು ಬಿಗ್ ಬಾಸ್-4 ನಿರೂಪಣೆ ಮಾಡುವ ಜವಾಬ್ದಾರಿಯನ್ನು ನಟಿ ಸಮಂತಾ ವಹಿಸಿಕೊಳ್ತಾರಾ ಎನ್ನುವ ಚರ್ಚೆ ಪ್ರಾರಂಭವಾಗಿದೆ. ಕಳೆದ ಸೀಸನ್ ಸಮಂತಾ ಮಾವ ನಾಗಾರ್ಜುನ್ ನಡೆಸಿಕೊಟ್ಟಿದ್ದರು. ಈ ಬಾರಿ ಸೊಸೆ ನಡೆಸಿಕೊಡಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಮೂಲಕ ಸಮಂತಾ ಕಿರುತೆರೆಗೆ ಎಂಟ್ರಿ ಕೊಡಲಿದ್ದಾರೆ ಎನ್ನುವ ಮಾತುಗಳು ಕೇಳಿಬರುತ್ತಿವೆ. ಆದರೆ ಈ ಬಗ್ಗೆ ಸಮಂತಾ ಎಲ್ಲಿಯೂ ಮಾತನಾಡಿಲ್ಲ.

ಮಹೇಶ್ ಬಾಬು ಹೆಸರು ಕೇಳಿಬರುತ್ತಿದೆ

ಬಿಗ್ ಬಾಸ್-4 ಹೋಸ್ಟ್ ಮಾಡುವ ಸ್ಟಾರ್ ನಟ ಲಿಸ್ಟ್ ನಲ್ಲಿ ನಟ ಮಹೇಶ್ ಬಾಬು ಹೆಸರು ಕೂಡ ಇದೆ. ಕಳೆದ ಕೆಲವು ದಿನಗಳ ಹಿಂದೆ ಮಹೇಶ್ ಬಾಬು ಹೆಸರು ಜೋರಾಗಿ ಕೇಳಿಬರುತ್ತಿತ್ತು. ಬಿಗ್ ಬಾಸ್ ಮೂಲಕ ಮಹೇಶ್ ಬಾಬು ಕಿರುತೆರೆಗೆ ಎಂಟ್ರಿ ಕೊಡಲಿದ್ದಾರೆ ಎಂದು ಹೇಳಲಾಗಿತ್ತು. ಆದರೀಗ ಸಮಂತಾ ಹೆಸರು ಕೇಳಿಬರುತ್ತಿದೆ. ಆದರೆ ಯಾರು ಎನ್ನುವುದು ಇನ್ನೂ ಅಧೃತವಾಗಿಲ್ಲ.