'ಪುಷ್ಪ 2' ಬಜೆಟ್ 300 ಕೋಟಿಗೂ ಅಧಿಕ!

'ಪುಷ್ಪ 2' ಪ್ರೀ ಪ್ರೊಡಕ್ಷನ್‌ಗೆ ಒತ್ತು!

ಪುಷ್ಪ ಮೊದಲ ಭಾಗದ ಚಿತ್ರೀಕರಣದ ವೇಳೆಯೇ, 'ಪುಷ್ಪ 2'ಗೆ ಬೇಕಾದ ಕೆಲವು ಸನ್ನಿವೇಶಗಳನ್ನು ಚಿತ್ರೀಕರಿಸಲಾಗಿದೆ ಎನ್ನಲಾಗಿತ್ತು. ಆದರೆ ಪುಷ್ಪ ದೊಡ್ಡ ಮಟ್ಟದಲ್ಲಿ ಯಶಸ್ಸು ಕಂಡ ಬಳಿಕ ಅದನ್ನು ಮತ್ತೆ ಬದಲಾಯಿಸಲು ನಿರ್ದೇಶಕ ಸುಕುಮಾರ್ ಮುಂದಾಗಿದ್ದಾರೆ ಎನ್ನಲಾಗಿದೆ. ಹಾಗಾಗಿ ಚಿತ್ರದ ಪ್ರೀ ಪ್ರೊಡಕ್ಷನ್‌ಗೆ ಹೆಚ್ಚಿನ ಒತ್ತು ನೋಡಲಾಗಿದ್ದು, 'ಪುಷ್ಪ 2' ಚಿತ್ರೀಕರಣವನ್ನೂ ಇನ್ನೂ ಕೂಡ ಸಿನಿಮಾ ತಂಡ ಶುರು ಮಾಡಿಲ್ಲ.

'ಪುಷ್ಪ 2' ಬಜೆಟ್ 350 ಕೋಟಿ!

ಇನ್ನು ಪುಷ್ಪ 2 ಚಿತ್ರದ ಬಜೆಟ್ ಕೂಡ ಹೆಚ್ಚಾಗಿದೆ. ಚಿತ್ರದ ತಾಂತ್ರಿಕ ಬಳಗ ಮತ್ತು ಕಲಾವಿದರ ಬಳವೂ ಹೆಚ್ಚಾದ ಕಾರಣ ಬಜೆಟ್ ಕೂಡ ದುಪ್ಪಟ್ಟು ಆಗಿದೆ. ಸದ್ಯ ಮಾಹಿತಿಯ ಪ್ರಕಾರ ಪುಷ್ಪ 2 ಚಿತ್ರಕ್ಕೆ ಒಟ್ಟು 350 ಕೋಟಿ ರೂ. ಬಜೆಟ್ ಹಾಕಲಾಗುತ್ತಿದೆಯಂತೆ. ಹಾಗಾಗಿ ಈ ಬಾರಿ ಪುಷ್ಪ ರಾಜ್ ದೊಡ್ಡ ಪರದೆ ಮೇಲೆ ಕಮಾಲ್ ಮಾಡುವುದರಲ್ಲಿ ನೋ ಡೌಟ್.

100 ಕೋಟಿ ಪಡೆದ ಅಲ್ಲು ಅರ್ಜುನ್!

ಇನ್ನು ಪುಷ್ಪ ಚಿತ್ರಕ್ಕೂ ಮೊದಲು ನಟ ಅಲ್ಲು ಅರ್ಜುನ್ ಸಂಭಾವನೆ ಕಡಿಮೆ ಇತ್ತು. ಪುಷ್ಪ ಚಿತ್ರಕ್ಕೆ ಅವರು 45 ಕೋಟಿ ರೂ. ಸಂಭಾವನೆ ಪಡೆದುಕೊಂಡಿದ್ದಾರೆ ಎನ್ನಲಾಗಿತ್ತು. ಆದರೆ ಸಿನಿಮಾ ದೊಡ್ಡ ಮಟ್ಟದಲ್ಲಿ ಯಶಸ್ಸು ಕಂಡ ಕಾರಣ, 'ಪುಷ್ಪ 2' ಚಿತ್ರಕ್ಕೆ ಅಲ್ಲು ಅರ್ಜುನ್ 100 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ. ಇದರ ಜೊತೆಗೆ ನಿರ್ದೇಶಕ ಸುಕುಮಾರ್ ಸಂಭಾವನೆ ಕೂಡ ಹೆಚ್ಚಿದ್ದು, 40 ಕೋಟಿ ರೂ.ಗೂ ಅಧಿಕ ಸಂಭಾವನೆಯನ್ನು ಪಡೆದಿದ್ದಾರಂತೆ.

ವಿಜಯ್ ಸೇತುಪತಿ ಎಂಟ್ರಿ!

ಇನ್ನು ಚಿತ್ರದ ಪಾತ್ರವರ್ಗದಲ್ಲೂ ಸಾಕಷ್ಟು ಬದಲಾವಣೆಗಳು ನಡೆಯುತ್ತಿವೆ. ಹಾಗಾಗಿ ಪುಷ್ಪ ರಾಜ್ ಜೊತೆಗೆ ಕಾದಾಡಲು ಮತ್ತೊಬ್ಬ ವಿಲನ್ ಎಂಟ್ರಿ ಆಗಿದೆ. ನಟ ವಿಜಯ್ ಸೇತುಪತಿ ಪುಷ್ಪ 2 ಬಳಗ ಸೇರಿದ್ದಾರೆ. ಪುಷ್ಪ 2 ಚಿತ್ರಕ್ಕೆ ವಿಜಯ್ ಸೇತುಪತಿ ಪ್ರಮುಖ ವಿಲನ್ ಎನ್ನಲಾಗಿದೆ. ವಿಕ್ರಂ ಸಿನಿಮಾದಲ್ಲಿ ಆರ್ಭಟಿಸಿದ ವಿಜಯ್ ಈ ಚಿತ್ರದಲ್ಲಿ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದನ್ನು ನೋಡಬೇಕಿದೆ.