ಒಂದೇ ಒಂದು ಹಾಡಿಗೆ ಅನುಷ್ಕಾ ಶೆಟ್ಟಿ ಸಂಭಾವನೆ ಇಷ್ಟೊಂದು ಕೋಟಿನಾ.!

ದಕ್ಷಿಣ ಭಾರತದ ಯಶಸ್ವಿ ನಟಿ ಅನುಷ್ಕಾ ಶೆಟ್ಟಿ ಸದ್ಯ ತಮಿಳು ಮತ್ತು ತೆಲುಗು ಚಿತ್ರಜಗತ್ತಿನ ಮಹಾರಾಣಿ. ಇಂತಹ ನಟಿಯರು ಇತ್ತೀಚೆಗೆ ಚಿತ್ರದ ಐಟಂ ಹಾಡುಗಳಲ್ಲಿ ಹೆಜ್ಜೆ ಹಾಕುವುದು ಸಾಮಾನ್ಯವಾಗಿದೆ. ಈ ಐಟಂ ಹಾಡಿಗಾಗಿ ಇವರು ಪಡೆಯುವ ಸಂಭಾವನೆ ಮಾತ್ರ ಯಾವ ಸ್ಟಾರ್ ನಟನಿಗೂ ಕಮ್ಮಿಯಿಲ್ಲ.

ಈಗ ಅನುಷ್ಕಾ ಶೆಟ್ಟಿ ತೆಲುಗು ಚಿತ್ರವೊಂದರಲ್ಲಿ ಐಟಂ ಹಾಡಿಗೆ ಸೊಂಟ ಬಳುಕಿಸಲಿದ್ದಾಳಂತೆ. ಆದ್ರೆ, ಈ ಹಾಡಿಗಾಗಿ ಅನುಷ್ಕಾ ಕೇಳಿರುವ ಸಂಭಾವನೆ ಮೊತ್ತ ನೋಡಿ ಇಡೀ ಟಾಲಿವುಡ್ ಹಾಗೂ ಕಾಲಿವುಡ್ ಆಶ್ಚರ್ಯಗೊಂಡಿದ್ದಾರೆ.

ಹೌದು, ಅನುಷ್ಕಾ ಶೆಟ್ಟಿ ಐಟಂ ನಂಬರ್ ಗೆ ಕುಣಿಯಲು ಬರೋಬ್ಬರಿ 3.5 ಕೋಟಿ ಆಫರ್ ಮಾಡಿದ್ದಾರಂತೆ. ತೆಲುಗಿನ ಸ್ಟಾರ್ ನಟನೊಬ್ಬ ಈ ಚಿತ್ರದಲ್ಲಿ ನಾಯಕರಾಗಿದ್ದಾರಂತೆ.

'ಬಾಹುಬಲಿ' ಚಿತ್ರದ ಸೂಪರ್ ಯಶಸ್ಸಿನ ನಂತರ ಅನುಷ್ಕಾ ಶೆಟ್ಟಿಯ ಬೇಡಿಕೆ ಮತ್ತಷ್ಟು ಹೆಚ್ಚಾಗಿರುವುದು ಇದಕ್ಕೆಲ್ಲಾ ಕಾರಣ ಎನ್ನಲಾಗಿದೆ. ಸದ್ಯ, ಪ್ರಭಾಸ್ ಅಭಿನಯಿಸುತ್ತಿರುವ 'ಸಾಹೋ' ಚಿತ್ರದಲ್ಲಿ ಅನುಷ್ಕಾ ಅಭಿನಯಿಸಬೇಕಿತ್ತು. ಆದ್ರೆ, ಕಾರಣಾಂತರಗಳಿಂದ ಅನುಷ್ಕಾ ಶೆಟ್ಟಿಯನ್ನ ಈ ಚಿತ್ರದಿಂದ ಕೈಬಿಡಲಾಗಿದೆಯಂತೆ. ಹೀಗಿರುವಾಗ, ಐಟಂ ಹಾಡಿನ ವಿಷ್ಯದಲ್ಲಿ ಇಷ್ಟೊಂದು ಸುದ್ದಿ ಮಾಡುತ್ತಿರುವುದು ನಿಜಕ್ಕೂ ಅಚ್ಚರಿಯೇ ಸರಿ.