'ಕಲಿ' ಚಿತ್ರದಲ್ಲಿ ಶಿವಣ್ಣ-ಸುದೀಪ್ ಜೊತೆ 'ಪವರ್ ಸ್ಟಾರ್' ಪಂಚ್.!

ಕರುನಾಡ ಚಕ್ರವರ್ತಿ ಶಿವರಾಜ್ ಕುಮಾರ್ ಹಾಗೂ ಅಭಿನಯ ಚಕ್ರವರ್ತಿ ಸುದೀಪ್ ಜೊತೆ 'ಕಲಿ' ಚಿತ್ರದಲ್ಲಿ ಮತ್ತೊಬ್ಬರು 'ಸ್ಟಾರ್' ಇದ್ದಾರೆ. ಅದ್ಯಾರು ಅಂತ ತಿಳಿಯಲು ಮುಂದಿನ ಸ್ಲೈಡ್ ಕ್ಲಿಕ್ಕಿಸಿ....

'ಕಲಿ' ಅಡ್ಡದಿಂದ ಬಂದಿರುವ ಮಾಹಿತಿ ಪ್ರಕಾರ, ಚಿತ್ರದಲ್ಲಿ ಶಿವಣ್ಣ ಹಾಗೂ ಸುದೀಪ್ ಜೊತೆ ಪುನೀತ್ ರಾಜ್ ಕುಮಾರ್ ಕೂಡ ಇರಲಿದ್ದಾರೆ. [ಶಿವಣ್ಣ-ಸುದೀಪ್ ರವರ 'ಕಲಿ' ಚಿತ್ರದ ನಾಯಕಿ ಇವರೇನಾ?]

'ಕಲಿ' ಚಿತ್ರದಲ್ಲಿ ಶಿವಣ್ಣ ಹಾಗೂ ಸುದೀಪ್ ಪಾತ್ರಗಳಂತೆಯೇ, ಪುನೀತ್ ರಾಜ್ ಕುಮಾರ್ ರವರಿಗೂ ಪ್ರಮುಖ ಪಾತ್ರ ಇದೆ ಅಂತ ಹೇಳಲಾಗಿದೆ. ['ಕಲಿ'ಗೆ ಪೂಜೆ ಆಯ್ತು ಇನ್ನು ಶೂಟಿಂಗ್ ಹಬ್ಬ ಶುರು ಕಣ್ರೀ]

ಈಗಾಗಲೇ ನಿರ್ದೇಶಕ ಪ್ರೇಮ್ ಜೊತೆ ಪುನೀತ್ ರಾಜ್ ಕುಮಾರ್ 'ರಾಜ್, ದಿ ಶೋ ಮ್ಯಾನ್' ಸಿನಿಮಾ ಮಾಡಿದ್ದಾರೆ. ಪ್ರೇಮ್ ಮೇಲೆ ಭರವಸೆ ಇಟ್ಟು ಶಿವಣ್ಣ ಕಾಲ್ ಶೀಟ್ ನೀಡಿದಂತೆ ಅಪ್ಪು ಕೂಡ 'ಹ್ಹೂಂ' ಅಂತ ತಲೆ ಅಲ್ಲಾಡಿಸಿದ್ದಾರೆ ಎನ್ನಲಾಗಿದೆ.

ಪುನೀತ್ ರಾಜ್ ಕುಮಾರ್ ಹಾಗೂ ಸುದೀಪ್ ನಡುವೆ ಉತ್ತಮ ಅನುಬಂಧ ಇದೆ. ಅಪ್ಪು ಅಭಿನಯದ 'ಚಕ್ರವ್ಯೂಹ' ಚಿತ್ರಕ್ಕೆ ಸುದೀಪ್ ಇತ್ತೀಚೆಗಷ್ಟೇ ವಾಯ್ಸ್ ಓವರ್ ನೀಡಿ ಸದ್ದು ಮಾಡಿದ್ದರು. ಈಗ ಅಪ್ಪು-ಸುದೀಪ್ ತೆರೆ ಹಂಚಿಕೊಳ್ಳುವ ಸಮಯ ಬಂದಿದೆ. [ಚಿತ್ರಗಳು ; ಕಿಚ್ಚ ಸುದೀಪ್ - ಪುನೀತ್ ಒಂದಾಗೇಬಿಟ್ಟರು ನೋಡಿ.!]

'ಕಲಿ' ಚಿತ್ರದಲ್ಲಿ ಶಿವಣ್ಣನ ಜೊತೆ ಪುನೀತ್ ಬರಲು ಒಪ್ಪಿಕೊಂಡಿದ್ದಾರೆ. ಹೇಗಾದರೂ ಮಾಡಿ ರಾಘವೇಂದ್ರ ರಾಜ್ ಕುಮಾರ್ ರನ್ನೂ ಒಪ್ಪಿಸಿಬಿಟ್ಟರೆ, ಅಣ್ಣಾವ್ರ ಮಕ್ಕಳನ್ನ ತೆರೆ ಮೇಲೆ ಮೊದಲ ಬಾರಿಗೆ ಒಂದು ಮಾಡಿದ ಖ್ಯಾತಿ ಪ್ರೇಮ್ ಗೆ ಸಲ್ಲುತ್ತೆ.

ಶಿವಣ್ಣ, ರಾಘಣ್ಣ ಹಾಗೂ ಪುನೀತ್ ರನ್ನ ಮೊದಲು ತೆರೆ ಮೇಲೆ ಒಂದು ಮಾಡಲು ಹೊರಟವರು ಸಾಹಸ ನಿರ್ದೇಶಕ ರವಿವರ್ಮ. ಅವರ ಪ್ರಾಜೆಕ್ಟ್ ಇನ್ನೂ ಪ್ರೀ-ಪ್ರೊಡಕ್ಷನ್ ಹಂತದಲ್ಲಿದೆ. ಅದಕ್ಕೂ ಮುನ್ನ, 'ಕಲಿ' ಸೆಟ್ಟೇರಿದರೆ 'ಪ್ರಚಾರ ಪ್ರಿಯ' ಪ್ರೇಮ್ ಗೆ ಹಬ್ಬದೂಟ ಮಾಡಿದ ಹಾಗೇ ಲೆಕ್ಕ.

ನಿರ್ಮಾಪಕ ಸಿ.ಆರ್.ಮನೋಹರ್ 'ಕಲಿ' ಚಿತ್ರಕ್ಕಾಗಿ ಎಷ್ಟು ಬೇಕಾದರೂ ದುಡ್ಡು ಸುರಿಯಲು ರೆಡಿಯಿದ್ದಾರೆ. ಅದನ್ನ ಪ್ರೇಮ್ ಹೇಗೆ ಸದ್ಬಳಿಕೆ ಮಾಡಿಕೊಳ್ಳುತ್ತಾರೋ, ನೋಡ್ಬೇಕು.

'ಕಲಿ' ಚಿತ್ರದ ಬಗ್ಗೆ ಈ ಲೇಖನ ಓದಿದ ಸಮಸ್ತ ಓದುಗರಿಗೂ ಮೂರ್ಖರ ದಿನಾಚರಣೆಯ ಶುಭಾಶಯಗಳು. ನಿರ್ದೇಶಕ ಪ್ರೇಮ್ ಇನ್ನೂ 'ಕಲಿ' ಚಿತ್ರದ ಕಥೆ ಕಟ್ಟುವಲ್ಲಿ ಬಿಜಿಯಾಗಿದ್ದಾರೆ. ಹೀಗಾಗಿ ಯಾರ್ಯಾರಿಗೆ ಯಾವ ಪಾತ್ರಗಳು ಅನ್ನೋದಿನ್ನೂ ಫೈನಲ್ ಆಗಿಲ್ಲ. ಸದ್ಯಕ್ಕೆ 'ಕಲಿ' ಚಿತ್ರಕ್ಕೂ ಪುನೀತ್ ರಾಜ್ ಕುಮಾರ್ ಗೂ ಸಂಬಂಧ ಇಲ್ಲ. ಮುಂದಕ್ಕೆ 'ಗಿಮಿಕ್ ರಾಜ' ಪ್ರೇಮ್ ರಿಂದ ಆದರೂ ಆಗಬಹುದು. ಈಗಿನ ಮಟ್ಟಕ್ಕೆ 'ಏಪ್ರಿಲ್ ಫೂಲ್' ಪ್ರಯುಕ್ತ ಇದು ಕಾಲ್ಪನಿಕ ಲೇಖನ ಅಷ್ಟೆ.