Don't Miss!
- News Government Employees; ಸರ್ಕಾರಿ ನೌಕರರ ಜೀವ ವಿಮೆ ಪಾಲಿಸಿ ಅವಧಿ ಏರಿಕೆ
- Lifestyle ಬಾಯಿ ರುಚಿಗೆ ಗರಿ ಗರಿ ನಿಪ್ಪಟ್ಟು..! ಮನೆಯಲ್ಲೇ ಮಾಡಿ ಟೆಸ್ಟಿ ತಿಂಡಿ
- Automobiles Kia: ಬ್ರೇಕ್ ಇಲ್ಲದ ಟ್ರಕ್ನಂತೆ ಮುನ್ನುಗ್ಗುತ್ತಿದೆ ಕಿಯಾ: ಈಗ ಸಣ್ಣ ಪಟ್ಟಣಗಳಲ್ಲೂ ಸಿಗಲಿದೆ!
- Sports RCB vs KKR: ಯಶ್ ಮೇಲೆ 'ದಯೆ' ತೋರುತ್ತಾರಾ ರಿಂಕು ಸಿಂಗ್?; ಜಿದ್ದು ತೀರಿಸಿಕೊಳ್ತಾರಾ ಆರ್ಸಿಬಿ ವೇಗಿ?
- Technology ಪ್ರಜಾಪ್ರಭುತ್ವ ರಾಷ್ಟ್ರದಲ್ಲಿ ಡೀಪ್ಫೇಕ್ ದೊಡ್ಡ ಕಳವಳಕಾರಿ ಎಂದ ಮೋದಿ
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮರೇಂದ್ರ 'ಬಾಹುಬಲಿ' ಪ್ರಭಾಸ್ ಗೆ ಮದ್ವೆ ಅಂತೆ..!
ತೆಲುಗಿನ ಬಾಹುಬಲಿ ಖ್ಯಾತಿಯ ಯಶಸ್ವಿ ನಟ ಪ್ರಭಾಸ್ ಅವರಿಗೆ ಕಂಕಣ ಭಾಗ್ಯ ಮೂಡಿಬಂದಿದೆ. ಎಸ್ ಎಸ್ ರಾಜಮೌಳಿ ನಿರ್ದೇಶನದ 'ಬಾಹುಬಲಿ 2' ಸಿನಿಮಾ ಮುಗಿದ ನಂತರ 'ರೆಬೆಲ್' ಪ್ರಭಾಸ್ ಅವರು ಮದುವೆಯಾಗಲಿದ್ದಾರೆ.
36 ವರ್ಷದ ನಟ ಪ್ರಭಾಸ್ ಅವರು ತಮ್ಮ ಜೀವನ ಸಂಗಾತಿಯ ಆಯ್ಕೆ ಮಾಡುವ ಕೆಲಸವನ್ನು ಮನೆಯ ಹಿರಿಯರಿಗೆ ಬಿಟ್ಟುಕೊಟ್ಟಿದ್ದಾರೆ. ಅದರಂತೆ ಅವರ ಮನೆಯ ಹಿರಿಯ ಸದಸ್ಯರು ಇದೀಗ ಸರಿಯಾದ ಹುಡುಗಿಯನ್ನು ಆಯ್ಕೆ ಮಾಡಿದ್ದಾರೆ.
'ರೆಬೆಲ್' ಪ್ರಭಾಸ್ ಅವರನ್ನು ಕೈ ಹಿಡಿಯುವ ಹುಡುಗಿ ಈಗ ಬಿ.ಟೆಕ್ ಇಂಜಿನಿಯರಿಂಗ್ ವ್ಯಾಸಂಗ ಮಾಡುತ್ತಿದ್ದಾರೆ. ಮುಂದಿನ ವರ್ಷ ಅವರ ವ್ಯಾಸಂಗ ಪೂರ್ಣಗೊಳ್ಳಲಿರುವುದರಿಂದ ಮುಂದಿನ ವರ್ಷಕ್ಕೆ ಮದುವೆ ಎಂದು ನಿರ್ಧಾರ ಮಾಡಲಾಗಿದೆ.[ಹೃತಿಕ್ 'ಧೂಮ್-4'ಗೆ ವಿಲನ್ ಆಗಲಿದ್ದಾರ?, 'ಬಾಹುಬಲಿ' ಶಿವುಡು!]
ಇನ್ನು ಪ್ರಭಾಸ್ ಕೈ ಹಿಡಿಯಲಿರುವ ಹುಡುಗಿ ಪಶ್ಚಿಮ ಗೋದಾವರಿ ಜಿಲ್ಲೆಯ ಭೀಮಾವರಂನವರು. ಮುಂದಿನ ವರ್ಷ ಡಿಸೆಂಬರ್ ತಿಂಗಳಿನಲ್ಲಿ ಇವರಿಬ್ಬರ ನಿಶ್ಚಿತಾರ್ಥ ನಡೆಯಲಿದೆ ಎಂದು ಬಲ್ಲ ಮಾಹಿತಿಗಳು ಸುದ್ದಿ ಮಾಡಿವೆ.
ಇತ್ತೀಚೆಗೆ ಗುಲಾಬಿ ಬಣ್ಣದ ಸೀರೆಯುಟ್ಟ ಯುವತಿಯ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಡಿದ್ದು, ಆಕೆಯೇ ಪ್ರಭಾಸ್ ಅವರ ಭಾವಿ ಪತ್ನಿ ಎಂದು ಎಲ್ಲೆಡೆ ಸುದ್ದಿಯಾಗಿತ್ತು. ಜೊತೆಗೆ ಮಾಧ್ಯಮಗಳಲ್ಲಿಯೂ ಇದು ಬಿತ್ತರಗೊಂಡಿತ್ತು. ಇದರಿಂದ ಅವರ ಕುಟುಂಬದವರು ಕಿರಿಕಿರಿಯನ್ನು ಕೂಡ ಅನುಭವಿಸಿದ್ದಾರೆ.
ಆ ಸಂದರ್ಭದಲ್ಲಿ ನಟ ಪ್ರಭಾಸ್ ಅವರ ದೊಡ್ಡಪ್ಪ ಹಿರಿಯ ನಟ ಕೃಷ್ಣಂ ರಾಜು ಅವರು ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿ, ಸಾಮಾಜಿಕ ಜಾಲತಾಣಗಳಲ್ಲಿ ಬಿತ್ತರಗೊಂಡ ಫೋಟೋದಲ್ಲಿರುವ ಹುಡುಗಿ ನಮ್ಮ ಕುಟುಂಬದವರಿಗೆ ಬಹಳ ವರ್ಷಗಳಿಂದ ಪರಿಚಯ.
'ನಾವು ಕುಟುಂಬ ಸ್ನೇಹಿತರು. ಪ್ರಭಾಸ್ ಮದುವೆ ವಿಚಾರವಾಗಿ ನಾವ್ಯಾರು ಇದುವರೆಗೂ ಚರ್ಚಿಸಿಲ್ಲ. 'ಬಾಹುಬಲಿ 2' ಬಿಡುಗಡೆಯಾದ ನಂತರವೇ ಪ್ರಬಾಸ್ ಮದುವೆಯಾಗುವುದು. ಆತನ ಮದುವೆ ವಿಷಯವನ್ನು ನಾವೇ ಮಾಧ್ಯಮದವರಿಗೆ ತಿಳಿಸುತ್ತೇವೆ. ಇಲ್ಲದ ವದಂತಿಗಳನ್ನು ಹರಡುವುದು ಬೇಡ' ಎಂದು ಖಾರವಾಗಿ ನುಡಿದಿದ್ದರು.
ಅದೇನೇ ಇರಲಿ 'ಬಾಹುಬಲಿ' ಚಿತ್ರದ ನಂತರ ಅನೇಕ ಅಭಿಮಾನಿಗಳನ್ನು ಸಂಪಾದಿಸಿದ ನಟ ಪ್ರಭಾಸ್ ಅವರ ಮದುವೆ ಎಂದರೆ, ಅದರಲ್ಲೂ ಹುಡುಗಿಯರಿಗೆ ಸ್ವಲ್ಪ ಬೇಸರದ ಸಂಗತಿ ಆಗಿರಬಹುದು.