'99' ಚಿತ್ರದ ತ್ರಿಷಾ ಪಾತ್ರಕ್ಕೆ ಈಕೆಯೇ ನಾಯಕಿ

ಜಾನು ಆದ ಭಾವನಾ

ನಟಿ ಜಾಕಿ ಭಾವನ ಮತ್ತೆ ಕನ್ನಡಕ್ಕೆ ಬಂದಿದ್ದಾರೆ. '99' ಸಿನಿಮಾದ ನಾಯಕಿ ಯಾರು? ಎನ್ನುವ ಕುತೂಹಲ ಹೆಚ್ಚಿದ್ದು, ಈ ಪಾತ್ರಕ್ಕೆ ಭಾವನ ಆಯ್ಕೆ ಆಗಿದ್ದಾರಂತೆ. ಅಲ್ಲಿ ತ್ರಿಷಾ ನಿರ್ವಹಸಿದ್ದ ಪಾತ್ರಕ್ಕೆ, ಇಲ್ಲಿ ಭಾವನ ಮರು ಜೀವ ನೀಡಲಿದ್ದಾರೆ.

ಗಣೇಶ್ - ಭಾವನ ಜೋಡಿ

ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ಭಾವನ ಈ ಸಿನಿಮಾದ ಮೂಲಕ ಮತ್ತೆ ಒಂದಾಗುತ್ತಿದ್ದಾರೆ. ಈ ಹಿಂದೆ 'ರೋಮಿಯೋ' ಸಿನಿಮಾದಲ್ಲಿ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಇನ್ನು ಇವರಿಬ್ಬರ ಜೋಡಿ ತೆರೆ ಮೇಲೆ ಮುದ್ದಾಗಿ ಕಾಣುತ್ತಿದೆ.

'ಟಗರು' ನಂತರ

ಶಿವರಾಜ್ ಕುಮಾರ್ ಜೋಡಿಯಾಗಿ 'ಟಗರು' ಸಿನಿಮಾದಲ್ಲಿ ನಟಿಸಿದ್ದ ಭಾವನ ಅದರ ಜೊತೆಗೆ ಪ್ರಜ್ವಲ್ ದೇವರಾಜ್ ನಟನೆಯ 'ಇನ್ಸ್ ಪೆಕ್ಟರ್ ವಿಕ್ರಂ' ಚಿತ್ರದಲ್ಲಿ ಕಾಣಿಕೊಂಡಿದ್ದಾರೆ. ಈ ಸಿನಿಮಾಗಳ ನಂತರ '99' ಮೂಲಕ ಮತ್ತೆ ಕನ್ನಡ ಪ್ರೇಕ್ಷಕರ ಮುಂದೆ ಬಂದಿದ್ದಾರೆ.

ರಾಮು ನಿರ್ಮಾಣ, ಗುಬ್ಬಿ ನಿರ್ದೇಶನ

ಅಂದಹಾಗೆ, ಈ ಸಿನಿಮಾವನ್ನು ಪ್ರೀತಂ ಗುಬ್ಬಿ ನಿರ್ದೇಶನ ಮಾಡುತ್ತಿದ್ದಾರೆ. ಇದು ಗಣೇಶ್ ಮತ್ತು ಅವರ ಕಾಂಬಿನೇಶನ್ ನ ಹ್ಯಾಟ್ರಿಕ್ ಸಿನಿಮಾವಾಗಿದೆ. ರಾಮು ಈ ಸಿನಿಮಾಗೆ ಬಂಡವಾಳ ಹಾಕುತ್ತಿದ್ದು, ಅರ್ಜುನ್ ಜನ್ಯ ಸಂಗೀತ ಇರಲಿದೆ.