ಸುದೀಪ್ 'ಮಾಣಿಕ್ಯ' ಚಿತ್ರದಲ್ಲಿ ಕ್ರೇಜಿಸ್ಟಾರ್ ಕೈವಾಡ?

ಹಾಡುಗಳಲ್ಲಿ ಕ್ರೇಜಿಸ್ಟಾರ್ ಕೈವಾಡ ಇರಬಹುದೆ?

ಚಿತ್ರದಲ್ಲಿ ಹತ್ತು ಹಾಡುಗಳಿವೆ ಅಂದ್ರೆ ಇದು ಕ್ರೇಜಿಸ್ಟಾರ್ ಕೈವಾಡ ಅನ್ನೋದು ಗಾಂಧಿನಗರದ ಗುಮಾನಿ. ಇನ್ನು 10 ಹಾಡುಗಳು ಅಂದರೆ ಸಂಗೀತಪ್ರಿಯರಿಗೆ ಹಬ್ಬ ಅನ್ನೋದರಲ್ಲಿ ಅನುಮಾನವೇ ಇಲ್ಲ. ಅರ್ಜುನ್ ಜನ್ಯ ಸಂಗೀತದ 'ಮಾಣಿಕ್ಯ' ಚಿತ್ರದಲ್ಲಿ ವೆರೈಟಿ ಹಾಡುಗಳು ಚಿತ್ರಪ್ರೇಮಿಗಳ ಕಣ್ಣಿಗೆ ಕಿಚ್ಚುಹಚ್ತಾವಂತೆ.

ಎಷ್ಟು ಹಾಡುಗಳಿಗೆ ಕ್ರೇಜಿಸ್ಟಾರ್ ಸ್ಟೆಪ್ಸ್ ಹಾಕಿದ್ದಾರೋ?

ಇದರಲ್ಲಿ ಕ್ರೇಜಿಸ್ಟಾರ್ ಎಷ್ಟು ಹಾಡುಗಳಿಗೆ ಸ್ಟೆಪ್ ಹಾಕಿರಬಹುದು. ಕ್ರೇಜಿ ಸ್ಟೆಪ್ ಗಳು ಹೇಗೆ ಥ್ರಿಲ್ ಕೊಡಬಹುದು ಅಂತ ಚಿತ್ರಪ್ರೇಮಿಗಳ ಲೆಕ್ಕಾಚಾರ ಶುರುವಾಗಿದೆ. ಚಿತ್ರದ ಮೇಕಿಂಗ್ ಸ್ಟಿಲ್ಸ್ ಗಳು ನೋಡುತ್ತಿದ್ದರೆ ಅಬ್ಬಬ್ಬಾ ಅನ್ನಿಸದೆ ಇರದು.

ಹಾಡುಗಳಲ್ಲಿ ರವಿಮಾಮನನ್ನು ನೋಡೋದೆ ಮಜಾ

ಯಾಕಂದ್ರೆ ರವಿಮಾಮನನ್ನ ಅದ್ದೂರಿ ಹಾಡುಗಳಲ್ಲಿ ನೋಡೋದೇ ಒಂದು ಮಜಾ. ಇಲ್ಲೂ ದ್ರಾಕ್ಷಿ, ಹೂವು ಹಣ್ಣು ಕಾಯಿ ತಂದಿದ್ದರೂ ಆಚ್ಚರಿಯಿಲ್ಲ ಎಂಬ ಗುಸುಗುಸು ಮಾತುಗಳು ಕೇಳಿಬರುತ್ತಿವೆ.

ಫೆಬ್ರವರಿ ಕೊನೆಗೆ ಮಾಣಿಕ್ಯ ತೆರೆಗೆ

ಮಾಣಿಕ್ಯ ಚಿತ್ರ ಫೆಬ್ರವರಿ ಕೊನೆಯಲ್ಲಿ ತೆರೆಗೆ ಬರೋ ಸಾಧ್ಯತೆಗಳಿವೆ. ಕಿಚ್ಚ ಡೈರೆಕ್ಷನ್ ಅನ್ನೋ ಕಾರಣಕ್ಕೆ ಚಿತ್ರ ಹೇಗಿರ್ಬಹುದು ಅನ್ನೋ ಕ್ಯೂರಿಯಾಸಿಟಿ ಅಭಿಮಾನಿಗಳಲ್ಲಿದೆ.

ಪ್ರೇಮಲೋಕದ ಕಮಾಲ್ ಇಲ್ಲೂ ಇರುತ್ತಾ?

ಹತ್ತು ಹಾಡುಗಳು ಹೇಗೆಲ್ಲಾ ಇರ್ತವೆ, ರವಿಮಾಮನ ಪ್ರೇಮಲೋಕದ ಕಮಾಲ್ ಇರುತ್ತಾ ಅನ್ನೋ ಸಣ್ಣ ಆಸೆಯೂ ಇದೆ. ರವಿಚಂದ್ರನ್ ಚಿತ್ರಗಳಲ್ಲಿ ಹಾಡುಗಳಿಗೆ ತನ್ನದೇ ಆದಂತಹ ಮಹತ್ವ ಇರುತ್ತವೆ ಎಂಬುದು ನಿಮ್ಮ ಗಮನಕ್ಕಿರಲಿ.