ತಮಿಳು ನಟ ಅಜಿತ್ ಚಿತ್ರದ ರೀಮೇಕ್ ನಲ್ಲಿ ದರ್ಶನ್ ನಟನೆ.!

ರೀಮೇಕ್ ಚಿತ್ರಕ್ಕೆ ಜೈ ಅಂತಾರ ದರ್ಶನ್.!

'ಕುರುಕ್ಷೇತ್ರ'ದ ನಂತರ ಶೈಲಜಾ ನಾಗ್ ಮತ್ತು ಸಂದೇಶ ನಾಗರಾಜ್ ಅವರ ಚಿತ್ರಗಳಲ್ಲಿ ದರ್ಶನ್ ಅಭಿನಯಿಸಲಿದ್ದಾರೆ ಎನ್ನಲಾಗಿದೆ. ಹೀಗಿರುವಾಗ, ತಮಿಳಿನ ರೀಮೇಕ್ ಚಿತ್ರವೊಂದಕ್ಕೆ ದರ್ಶನ್ ಒಪ್ಪಿಗೆ ಸೂಚಿಸಿದ್ದಾರೆ ಎಂಬ ಹೊಸ ಸುದ್ದಿ ಚರ್ಚೆಯಾಗುತ್ತಿದೆ.

ಕನ್ನಡದಲ್ಲಿ 'ವೀರಂ'

ಅಜಿತ್ ಕುಮಾರ್ ಅಭಿನಯಿಸಿದ್ದ 'ವೀರಂ' ಚಿತ್ರದ ಕನ್ನಡ ರೀಮೇಕ್ ನಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕಾಣಿಸಿಕೊಳ್ಳಲಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ಎಂ.ಡಿ.ಶ್ರೀಧರ್ ಆಕ್ಷನ್ ಕಟ್.!

ಈ ಹಿಂದೆ ನಿರ್ಧರವಾಗಿದ್ದ ಪ್ರಕಾರ ದರ್ಶನ್ ಅವರ 50ನೇ ಚಿತ್ರವನ್ನ ನಿರ್ದೇಶನ ಮಾಡುವ ಅವಕಾಶ ಎಂ.ಡಿ.ಶ್ರೀಧರ್ ಅವರಿಗೆ ಸಿಕ್ಕಿತ್ತು. ಆದ್ರೆ, 'ಕುರುಕ್ಷೇತ್ರ'ದ ಸರ್ಪ್ರೈಸ್ ಎಂಟ್ರಿ ಮಧ್ಯೆ ಎಂ.ಡಿ.ಶ್ರೀಧರ್ ಅವರ ಚಿತ್ರ ಮುಂದೂಡಲಾಗಿತ್ತು. ಈಗ, ಎಂ.ಡಿ.ಶ್ರೀಧರ್ ಅವರು ಸೈಲಾಂಟ್ ಆಗಿ ತಮ್ಮ ಚಿತ್ರದ ಕೆಲಸ ಶುರು ಮಾಡಿದ್ದಾರೆ.

'ಪೋಕಿರಿ', 'ಬುಲ್ ಬುಲ್' ನಂತರ ಮತ್ತೊಂದು?

ಅಂದ್ಹಾಗೆ, ನಿರ್ದೇಶಕ ಎಂ.ಡಿ.ಶ್ರೀಧರ್ ಅವರು ಈಗಾಗಲೇ ದರ್ಶನ್ ಜೊತೆ 'ಪೋಕಿರಿ' ಮತ್ತು 'ಬುಲ್ ಬುಲ್' ಅಂತಹ ರೀಮೇಕ್ ಸಿನಿಮಾ ಮಾಡಿ ಗೆದ್ದಿದ್ದಾರೆ. ಈಗ ಮತ್ತೊಂದು ರೀಮೇಕ್ ಚಿತ್ರದ ಮೂಲಕ ದಾಸ ಮತ್ತು ಎಂ.ಡಿ.ಶ್ರೀಧರ್ ಜೋಡಿ ಒಂದಾಗುತ್ತಿದೆಯಂತೆ.

'ವೀರಂ' ಚಿತ್ರದ ಬಗ್ಗೆ....

2014ರಲ್ಲಿ ಬಿಡುಗಡೆಯಾಗಿದ್ದ 'ವೀರಂ' ಚಿತ್ರವನ್ನ ಶಿವ ನಿರ್ದೇಶನ ಮಾಡಿದ್ದರು. ತಮನ್ನಾ, ಸಿದ್ಧಾರ್ಥ್, ಸಂತಾನಂ ಸೇರಿದಂತೆ ಹಲವು ಯವ ನಟರು ಅಭಿನಯಿಸಿದ್ದರು. ಇದೇ ಚಿತ್ರವನ್ನ ತೆಲುಗಿನಲ್ಲಿ ಪವನ್ ಕಲ್ಯಾಣ್ ರೀಮೇಕ್ ಮಾಡಿದ್ದರು. ಈಗ ಕನ್ನಡದಲ್ಲಿ ದರ್ಶನ್ ಅವರು ಮಾಡುವ ಸಾಧ್ಯತೆ ಇದೆ.