ಈ ವರ್ಷ ರಿಲೀಸ್ ಆಗಲ್ವಾ 'ರಾಬರ್ಟ್'? ಏನಿದು ಡಿ ಬಾಸ್ ಸಿನಿಮಾ ಬಗ್ಗೆ ಹೊಸ ಸುದ್ದಿ

ಮುಂದಿನ ವರ್ಷ ರಾಬರ್ಟ್ ರಿಲೀಸ್?

ಬಹುನಿರೀಕ್ಷೆಯ ರಾಬರ್ಟ್ ಸಿನಿಮಾ ಮುಂದಿನ ವರ್ಷ ರಿಲೀಸ್ ಮಾಡಲು ಸಿನಿಮಾತಂಡ ಪ್ಲಾನ್ ಮಾಡಿದೆಯಂತೆ. ಸದ್ಯದ ಪರಿಸ್ಥಿತಿ ನೋಡಿ ಸಿನಿಮಾತಂಡ ರಾಬರ್ಟ್ ಚಿತ್ರವನ್ನು 2021ಕ್ಕೆ ರಿಲೀಸ್ ಮಾಡಲು ನಿರ್ಧರಿಸಿದೆಯಂತೆ. ಆದರೆ ಈ ಬಗ್ಗೆ ಚಿತ್ರತಂಡ ಅಧಿಕೃತ ಮಾಹಿತಿ ಬಹಿರಂಗಪಡಿಸಿಲ್ಲ.

ರಿಲೀಸ್ ಗೆ ಸಿದ್ಧವಾಗಿತ್ತು ಸಿನಿಮಾ

ಪರಿಸ್ಥಿತಿ ಸಹಜಸ್ಥಿತಿಗೆ ಮರಳಿದ್ದರೆ ಲಾಕ್ ಡೌನ್ ಬಳಿಕ ರಾಬರ್ಟ್ ಸಿನಿಮಾ ರಿಲೀಸ್ ಆಗುವುದು ಕನ್ಫರ್ಮ್ ಆಗಿತ್ತು. ಕೊನೊನಾ ಲಾಕ್ ಡೌನ್ ಮುಗಿದ ಬಳಿಕ ಸ್ಯಾಂಡಲ್ ವುಡ್ ನಲ್ಲಿ ರಿಲೀಸ್ ಆಗುವ ಸಿನಿಮಾಗಳ ಲಿಸ್ಟ್ ನಲ್ಲಿ ರಾಬರ್ಟ್ ಮೊದಲ ಸ್ಥಾನದಲ್ಲಿತ್ತು. ಆಗಸ್ಟ್ 15ಕ್ಕೆ ಸಿನಿಮಾ ಅಭಿಮಾನಿಗಳ ಮುಂದೆ ಬರಲಿದೆ ಎನ್ನು ಮಾತು ಕೇಳಿಬರುತ್ತಿತು. ಆದರೀಗ ರಾಬರ್ಟ್ ರಿಲೀಸ್ ಆಗುವುದು ಆಗಸ್ಟ್ ಕಥೆ ಇರಲಿ, ಈ ವರ್ಷವೆ ಬರಲ್ಲ ಎಂದು ಹೇಳಲಾಗುತ್ತಿದೆ.

'ರಾಬರ್ಟ್' ಹೊಸ ಪೋಸ್ಟರ್ ಜೊತೆ ರಿಲೀಸ್ ಬಗ್ಗೆ ಮಾಹಿತಿ ನೀಡಿದ ದರ್ಶನ್

ಹಾಡುಗಳು, ಮೇಕಿಂಗ್ ವಿಡಿಯೋ ರಿಲೀಸ್

ಪೋಸ್ಟರ್, ಹಾಡುಗಳು ಮತ್ತು ಮೇಕಿಂಗ್ ವಿಡಿಯೋ ಮೂಲಕ ಅಭಿಮಾನಿಗಳ ನಿರೀಕ್ಷೆಯನ್ನು ಹೆಚ್ಚಿಸುವ ಸಿನಿಮಾ. ಚಿತ್ರದ ಟೈಟಲ್ ಟ್ರ್ಯಾಕ್, ಬ್ರದರ್ ಹಾಡು ಮತ್ತು ಜೈ ಶ್ರೀರಾಮ್ ಹಾಡುಗಳು ಅಭಿಮಾನಿಗಳ ಮನಗೆದ್ದಿವೆ. ಇನ್ನೂ ಸಿನಿಮಾದ ಟ್ರೈಲರ್ ಗಾಗಿ ಅಭಿಮಾನಿಗಳು ಚಿತ್ರತಂಡವನ್ನು ಒತ್ತಾಯಿಸುತ್ತಿದ್ದರು. ಆದೆರ ಸಿನಿಮಾ ರಿಲೀಸ್ ಮುಂದಿನ ವರ್ಷಕ್ಕೆ ಹೋದರೆ ಟ್ರೈಲರ್ ರಿಲೀಸ್ ಮತ್ತಷ್ಟು ತಡವಾಗುವ ಸಾಧ್ಯತೆ ಇದೆ.

'ರಾಬರ್ಟ್' ನಾಯಕಿಯ ಗಾಯನ: ಆಶಾ ಭಟ್ ಮಧುರ ಕಂಠಕ್ಕೆ ಅಭಿಮಾನಿಗಳು ಫಿದಾ

ಚಿತ್ರದಲ್ಲಿದೆ ದೊಡ್ಡ ತಾರಬಳಗ

ರಾಬರ್ಟ್ ಸಿನಿಮಾದಲ್ಲಿ ದರ್ಶನ್ ಗೆ ನಾಯಕಿಯಾಗಿ ಆಶಾ ಭಟ್ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಸೋನಲ್ ಮಾಂತೆರೋ, ಐಶ್ವರ್ಯ ಪ್ರಸಾದ್, ವಿನೋದ್ ಪ್ರಭಾಕರ್, ಜಗಪತಿ ಬಾಬು, ರವಿ ಶಂಕರ್ ಸೇರಿದ್ದಂತೆ ದೊಡ್ಡ ತಾರಾಬಳಗವೆ ಸಿನಿಮಾದಲ್ಲಿದೆ. ಚಿತ್ರಕ್ಕೆ ಅರ್ಜನ್ ಜನ್ಯ ಸಂಗೀತ ಸಂಯೋಜನೆ ಮಾಡಿದ್ದಾರೆ.