ಹಿಟ್ ಮೇಲೆ ಹಿಟ್ ಕೊಟ್ಟ ಧನುಶ್ ಸಂಭಾವನೆ ಭಾರಿ ಏರಿಕೆ

ತ್ರಿಭಾಷೆಯಲ್ಲಿ ಹೊಸ ಸಿನಿಮಾ

ಫಿದಾ ಖ್ಯಾತಿಯ ನಿರ್ದೇಶಕ ಶೇಖರ್ ಕಮ್ಮುಲ ಜೊತೆ ಧನುಶ್ ಹೊಸ ಸಿನಿಮಾ ಆರಂಭಿಸಿದ್ದು, ಈ ಸಿನಿಮಾ ಮೂರು ಭಾಷೆಯಲ್ಲಿ ಬಿಡುಗಡೆಯಾಗಲಿದೆ. ತಮಿಳು, ತೆಲುಗು ಹಾಗೂ ಹಿಂದಿಯಲ್ಲಿ ತೆರೆಗೆ ತರಲು ನಿರ್ಧರಿಸಲಾಗಿದೆ. ಶೇಖರ್ ಕಮ್ಮುಲ ಜೊತೆ ಕೆಲಸ ಮಾಡಲು ಉತ್ಸುಕನಾಗಿದ್ದೇನೆ ಎಂದು ಖುದ್ದು ಧನುಶ್ ಟ್ವೀಟ್ ಮಾಡಿದ್ದರು.

ಡಬಲ್ ಸಂಭಾವನೆ?

ಶೇಖರ್ ಕಮ್ಮುಲ ಜೊತೆಗಿನ ತ್ರಿಭಾಷಾ ಪ್ರಾಜೆಕ್ಟ್‌ಗಾಗಿ ಧನುಶ್ ಡಬಲ್ ಸಂಭಾವನೆ ಪಡೆಯುತ್ತಿದ್ದಾರೆ ಎಂಬ ಸುದ್ದಿ ಹುಟ್ಟಿಕೊಂಡಿದೆ. ಸಾಮಾನ್ಯವಾಗಿ ಸಿನಿಮಾವೊಂದಕ್ಕೆ ಪಡೆಯುವ ಸಂಭಾವನೆಗಿಂತ ಹೆಚ್ಚು ಹಣವನ್ನು ಈ ಚಿತ್ರಕ್ಕೆ ಕೇಳಿದ್ದಾರಂತೆ. ವರದಿಗಳು ಪ್ರಕಾರ ತ್ರಿಭಾಷಾ ಚಿತ್ರಕ್ಕೆ ಧನುಶ್ 30 ಕೋಟಿ ಪಡೆಯಲಿದ್ದಾರೆ ಎಂಬ ಸುದ್ದಿ ಇದೆ.

ಧನುಶ್ ಸಂಭಾವನೆ ಎಷ್ಟಿದೆ?

ಕೊನೆಯದಾಗಿ ರಿಲೀಸ್ ಆಗಿರುವ 'ಜಗಮೇ ತಂಥೀರಮ್' ಚಿತ್ರಕ್ಕಾಗಿ ನಟ ಧನುಶ್ 15 ಕೋಟಿ ಸಂಭಾವನೆ ಪಡೆದುಕೊಂಡಿದ್ದಾರೆ. ಈ ಚಿತ್ರ 17 ಭಾಷೆ ಹಾಗೂ 190ಕ್ಕೂ ಅಧಿಕ ದೇಶಗಳಲ್ಲಿ ವೀಕ್ಷಣೆ ಕಂಡಿದೆ. ಈ ಹಿಂದಿನ ಸಿನಿಮಾಗಳಿಗೆ 10-15 ಕೋಟಿ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ.

ಸಾಯಿ ಪಲ್ಲವಿ ನಾಯಕಿ?

ಮೂರು ಭಾಷೆಯಲ್ಲಿ ತಯಾರಾಗಲಿರುವ ಈ ಚಿತ್ರದಲ್ಲಿ ಸಾಯಿ ಪಲ್ಲವಿ ನಾಯಕಿಯಾಗಿ ನಟಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ. ಈ ಬಗ್ಗೆ ಅಧಿಕೃತವಾಗಿ ಪ್ರಕಟವಾಗಿಲ್ಲ. ಶೇಖರ್ ಕಮ್ಮುಲ ಪ್ರಸ್ತುತ, ನಾಗಚೈತನ್ಯ ಮತ್ತು ಸಾಯಿ ಪಲ್ಲವಿ ನಟಿಸಿರುವ 'ಲವ್ ಸ್ಟೋರಿ' ಸಿನಿಮಾ ನಿರ್ದೇಶಿಸಿದ್ದಾರೆ. ಈ ಚಿತ್ರ ಬಿಡುಗಡೆಯಾಗಬೇಕಿದೆ.