2 ತಿಂಗಳಲ್ಲಿ ಹಸೆಮಣೆ ಏರುತ್ತಾರಾ ಪ್ರಭಾಸ್? ಡಾರ್ಲಿಂಗ್ ಮದುವೆ ಸುದ್ದಿ ಲೀಕ್ ಮಾಡಿದ ಚರಣ್!

ರೆಬೆಲ್ ಟಾಕ್ ಶೋ

'ಅನ್‌ಸ್ಟಾಪಬಲ್' ಶೋ ಸೂಪರ್ ಹಿಟ್ ಆಗಿತ್ತು. ಬಾಲಯ್ಯ ತಮ್ಮದೇ ಸ್ಟೈಲ್‌ನಲ್ಲಿ ಅತಿಥಿಗಳನ್ನು ಮಾತನಾಡಿಸಿ ಚಮಕ್ ಕೊಟ್ಟು ಸಾಕಷ್ಟು ಇಂಟ್ರೆಸ್ಟಿಂಗ್ ಸಂಗತಿಗಳನ್ನು ಹೊರ ತೆಗೆಯುತ್ತಿದ್ದರು. ಫಸ್ಟ್ ಸೀಸನ್ ಹಿಟ್ ನಂತರ ಸೆಕೆಂಡ್ ಸೀಸನ್ ಶುರುವಾಗಿದೆ. ಈಗಾಗಲೇ 4 ಎಪಿಸೋಡ್ ಕಂಪ್ಲೀಟ್ ಆಗಿದ್ದು, 5ನೇ ಎಪಿಸೋಡ್‌ನಲ್ಲಿ ಪ್ರಭಾಸ್ ಸ್ಪೆಷಲ್ ಅಟ್ರಾಕ್ಷನ್ ಆಗಿದ್ದಾರೆ. ಶೋನಲ್ಲಿ ಯಂಗ್ ರೆಬಲ್ ಸ್ಟಾರ್ ಲುಕ್, ಸ್ಟೈಲ್ ನೋಡಿ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಸಣ್ಣ ಪ್ರೋಮೊ ಝಲಕ್ ಕೂಡ ರಿವೀಲ್ ಆಗಿದೆ.

2 ತಿಂಗಳಲ್ಲಿ ಪ್ರಭಾಸ್ ಮದುವೆ

ಸದ್ಯ 'ಅನ್‌ಸ್ಟಾಪಬಲ್' -2 ಪ್ರಭಾಸ್ ಎಪಿಸೋಡ್ ಪ್ರೋಮೊ ರಿಲೀಸ್ ಆಗಿದೆ. ಕೆಲವೊಮ್ಮೆ ಶೋನಲ್ಲಿ ಅತಿಥಿಗಳ ಆತ್ಮೀಯರಿಗೆ ಫೋನ್ ಮಾಡಿ ಬಾಲಯ್ಯ ಮಾತನಾಡುತ್ತಾರೆ. ಅದೇ ರೀತಿ ಪ್ರಭಾಸ್ ಎಪಿಸೋಡ್‌ನಲ್ಲಿ ನಟ ರಾಮ್‌ಚರಣ್‌ಗೆ ಕಾಲ್ ಮಾಡಿದ್ದಾರೆ. ಈ ವೇಳೆ ಪ್ರಭಾಸ್ ಸೀಕ್ರೆಟ್ ಹೇಳುವಂತೆ ಚರಣ್ ಬಳಿ ಬಾಲಯ್ಯ ಕೇಳಿದ್ದು, ಇನ್ನೆರಡು ತಿಂಗಳಲ್ಲಿ ಪ್ರಭಾಸ್ ಮದುವೆ ಎಂದು ರಾಮ್‌ಚರಣ್ ಹೇಳಿದ್ದಾರೆ ಎನ್ನಲಾಗ್ತಿದೆ. ಅದಕ್ಕೆ ಪ್ರೋಮೊದಲ್ಲಿ "ಏನ್ ಹೇಳ್ತಿದ್ದಿಯಾ ಡಾರ್ಲಿಂಗ್?" ಪ್ರಭಾಸ್ ಕೇಳಿರುವುದನ್ನು ನೋಡಬಹುದು ಎನ್ನುತ್ತಿದ್ದಾರೆ. ಇದು ಎಷ್ಟು ನಿಜ ಎನ್ನುವುದು ಶೀಘ್ರದಲ್ಲೇ ಗೊತ್ತಾಗಲಿದೆ.

ಡಾರ್ಲಿಂಗ್ ಮದುವೆ ಯಾವಾಗ?

ಪ್ರಭಾಸ್ ಮದುವೆ ಯಾವಾಗ? ಎಂದು ಕೇಳಿ ಕೇಳಿ ಅಭಿಮಾನಿಗಳು ಕೇಳಿ ಕೇಳಿ ಸುಸ್ತಾಗಿದ್ದಾರೆ. ಈ ಹಿಂದೆ ಅನುಷ್ಕಾ ಶೆಟ್ಟಿ ಜೊತೆ ಪ್ರಭಾಸ್ ಹೆಸರು ತಳುಕು ಹಾಕಿಕೊಂಡಿತ್ತು. ಇಬ್ಬರು ಮದುವೆ ಆಗುತ್ತಾರೆ ಎನ್ನಲಾಗಿತ್ತು. ಆದರೆ ಅದು ನಿಜವಾಗಲಿಲ್ಲ. ಇತ್ತೀಚೆಗೆ ನಟಿ ಕೃತಿ ಸನೂನ್ ಜೊತೆ ಡಾರ್ಲಿಂಗ್ ಡೇಟ್ ಮಾಡುತ್ತಿದ್ಧಾರೆ ಎನ್ನುವ ಗಾಳಿಸುದ್ದಿ ಹರಿದಾಡಿತ್ತು. ಈ ಹಿಂದೆ ಬಾಹುಬಲಿ- 2 ರಿಲೀಸ್ ನಂತರ ಮದುವೆ ಎಂದು ಪ್ರಭಾಸ್ ಹೇಳಿದ್ದರು. ಆದರೆ ಬಾಹುಲಿ-2 ಬಂದೋಗಿ 5 ವರ್ಷ ಕಳೆದರೂ ಮದುವೆ ಬಗ್ಗೆ ಸುಳಿವು ಸಿಗುತ್ತಿಲ್ಲ.

ದೊಡ್ಡ ದೊಡ್ಡ ಚಿತ್ರಗಳಲ್ಲಿ ನಟನೆ

ಇದೇ ಶೋನಲ್ಲಿ ಪ್ರಭಾಸ್ ಮುಂದಿನ ವರ್ಷ ಮದುವೆ ಆಗುತ್ತಾನೆ ಎಂದು ಗೋಪಿಚಂದ್ ಹೇಳಿದ್ದಾರಂತೆ. 'ಬಾಹುಬಲಿ' ಸರಣಿ ಸಿನಿಮಾಗಳಿಂದ ಪ್ರಭಾಸ್ ಪ್ಯಾನ್ ಇಂಡಿಯಾ ಸ್ಟಾರ್ ಪಟ್ಟಕ್ಕೇರಿದ್ದರು. ಆ ನಂತರ ಡಾರ್ಲಿಂಗ್ ಬರೀ ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲೇ ನಟಿಸುತ್ತಿದ್ದಾರೆ. ಸಾಹೋ, ರಾಧೇಶ್ಯಾಮ್ ನಂತರ ಈಗ 'ಸಲಾರ್', 'ಆದಿಪುರುಷ್', ಪ್ರಾಜೆಕ್ಟ್- K ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅಭಿಮಾನಿಗಳಿಗೆ ಯಾವಾಗ ಮದುವೆ ಸುದ್ದಿ ಕೊಡುತ್ತಾರೋ ಕಾದು ನೋಡಬೇಕು.