ದುಬೈನಲ್ಲಿದೆ ಅಪ್ಪು ನೆಚ್ಚಿನ ಲ್ಯಾಂಬೋರ್ಗಿನಿ ಕಾರು: ಈಗ ಯಾರು ಬಳಸುತ್ತಿದ್ದಾರೆ?

ಅಪ್ಪು ಪತ್ನಿಗೆ ಲ್ಯಾಂಬೋರ್ಗಿನಿ ಗಿಫ್ಟ್!

ನಟ ಪುನೀತ್ ರಾಜ್‌ಕುಮಾರ್ ಮನೆಗೆ ಈ ಲ್ಯಾಂಬೋರ್ಗಿನಿ ಬಂದಿದ್ದು 2019ರಲ್ಲಿ. ಈ ಕಾರನ್ನು ಪುನೀತ್ ರಾಜ್‌ಕುಮಾರ್ ತಮಗಾಗಿ ತೆಗೆದುಕೊಂಡಿದ್ದಲ್ಲ. ಬದಲಿಗೆ ತಮ್ಮ ಪತ್ನಿ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಅವರಿಗೆ ಉಡುಗೊರೆಯಾಗಿ ಕೊಟ್ಟಿದ್ದರು. ಅದರಲ್ಲೂ ಈ ಕಾರನ್ನು ಮಹಿಳಾ ದಿನಾಚರಣೆಯ ಅಂಗವಾಗಿ ಅಪ್ಪು, ಅಶ್ವಿನಿ ಅವರಿಗೆ ಗಿಫ್ಟ್ ಮಾಡಿದ್ದರು.

ಅಪ್ಪು ಇಷ್ಟದ ಕಾರು!

ಈ ನೀಲಿ ಬಣ್ಣ ಲ್ಯಾಂಬೋರ್ಗಿನಿ ಕಾರಿನ ಬೆಲೆ ಸುಮಾರು 4 ಕೋಟಿ ರೂ. ಈ ಕಾರನ್ನು ಅಪ್ಪು ಪತ್ನಿಗಾಗಿ ಕೊಟ್ಟಿದ್ದರು. ಆದರೆ ಇದನ್ನು ಹೆಚ್ಚಾಗಿ ಅಪ್ಪು ಬಳಕೆ ಮಾಡುತ್ತಿದ್ದರು. ಈ ಕಾರಿನಲ್ಲಿ ರೈಡ್ ಹೋಗುವುದು ಎಂದರೆ ಅಪ್ಪುಗೆ ಅಚ್ಚು ಮೆಚ್ಚು. ಸ್ಯಾಂಡಲ್‌ವುಡ್‌ನಲ್ಲಿ ಪುನೀತ್ ರಾಜ್‌ಕುಮಾರ್ ಸೇರಿದಂತೆ ಕೆಲವರ ಬಳಿ ಮಾತ್ರವೇ ಈ ಕಾರು ಇದೆ.

ದುಬೈಗೆ ಹೋಯ್ತು ಅಪ್ಪು ಲ್ಯಾಂಬೋರ್ಗಿನಿ!

ಪುನೀತ್ ರಾಜ್‌ಕುಮಾರ್ ನಿಧನದ ಬಳಿಕ ಲ್ಯಾಂಬೋರ್ಗಿನಿ ಕಾರನ್ನು ಯಾರು ಬಳಕೆ ಮಾಡುತ್ತಿರಲಿಲ್ಲವಂತೆ. ಈಗ ಈ ಕಾರು ಪುನೀತ್ ರಾಜ್‌ಕುಮಾರ್ ನಿವಾಸದಲ್ಲಿ ಇಲ್ಲ. ದುಬೈನಲ್ಲಿ ಇದೆ ಎನ್ನಲಾಗಿದೆ. ಈ ಕಾರನ್ನು ಪುನೀತ್ ಧರ್ಮಪತ್ನಿ ಅಶ್ವಿನಿ ಅವರ ಸೋದರನ ಬಳಿ ಇದೆ ಎನ್ನಲಾಗಿದೆ. ಅಪ್ಪು ಬಳಿಕ ಅಶ್ವಿನಿ ಅವರು ಕೂಡ ಈ ಕಾರನ್ನು ಬಳಸುತ್ತಿಲ್ಲ.

ಅಪ್ಪುಗೆ ಬೈಕ್, ಕಾರ್ ಕ್ರೇಜ್!

ಅಂದಹಾಗೆ, ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್‌ಗೆ ಕಾರ್ ಕ್ರೇಜ್ ಬಾಲ್ಯದಿಂದನೂ ಇತ್ತು. ಅಪ್ಪು ಸಾಕಷ್ಟು ಐಶಾರಾಮಿ ಕಾರುಗಳ ಒಡೆಯನಾಗಿದ್ದರು. ಅವರ ಬಳಿ ಆಡಿ, ರೇಂಜ್ ರೋವರ್ ಸೇರಿದಂತೆ ಅನೇಕ ಕಾರುಗಳಿದ್ದವು. ಅಷ್ಟೆಯಲ್ಲ ದುಬಾರಿ ಬೈಕ್‌ಗಳು ಸಹ ಪುನೀತ್ ಬಳಿ ಇದ್ದವು. ಈ ಲಿಸ್ಟ್‌ಗೆ ಲ್ಯಾಂಬೋರ್ಗಿನಿ ಕೂಡ ಸೇರಿಕೊಂಡಿತ್ತು.