Don't Miss!
- Automobiles ಜನಪ್ರಿಯ ಕಂಪನಿಗಳಿಂದ ಮುಂಬರುವ ಪುಟ್ಟ ಕಾರುಗಳಿವು.. ಇವೇ ಮಿಡಲ್ ಕ್ಲಾಸ್ ಜನರ ಫೆವರೇಟ್ ಆಗುವುದು ಪಕ್ಕಾ!
- Sports IPL 2024: ಐಪಿಎಲ್ನಲ್ಲಿ ವಿಶಿಷ್ಟ ದಾಖಲೆ ಬರೆದ ಜಯದೇವ್ ಉನಾದ್ಕಟ್; ಈ ಸಾಧನೆ ಮಾಡಿದ ಮೊದಲ ಭಾರತೀಯ
- Technology iPhones: ಬೇಕಿತ್ತಾ ಇದೆಲ್ಲ? ನಕಲಿ ಐಫೋನ್ ಮೂಲಕ ಆಪಲ್ಗೆ ಪಂಗನಾಮ ಹಾಕಿದವನಿಗೆ ಜೈಲೂಟ
- News Priyank Kharge Life Threat: ಎನ್ಕೌಂಟರ್ ಮಾಡುವುದಾಗಿ ಪ್ರಿಯಾಂಕ್ ಖರ್ಗೆಗೆ ಜೀವ ಬೆದರಿಕೆ!
- Lifestyle ಮದ್ಯದ ಅಮಲಲ್ಲಿ ತೇಲಾಡುತ್ತಿದ್ದ ಶಿಕ್ಷಕನಿಗೆ ಮಕ್ಕಳಿಂದಲೇ ಚಪ್ಪಲಿ ಏಟು..!
- Finance 2.3 ಲಕ್ಷ ರೂಪಾಯಿಗೆ 9 ನಿಂಬೆಹಣ್ಣು ಹರಾಜು, ಏನಿದರ ವಿಶೇಷತೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೊರೊನಾಗೆ ಬೆದರಿದ ಅನುಷ್ಕಾ ಶೆಟ್ಟಿ: ಹೊಸ ಸಿನಿಮಾ ಡೇಟ್ ಕೊಡಲು ಹಿಂದೇಟು, ನಿರ್ಮಾಪಕ ಕಂಗಾಲು
ಕರ್ನಾಟಕ ಕರಾವಳಿ ಬ್ಯೂಟಿ ಅನುಷ್ಕಾ ಶೆಟ್ಟಿ ಟಾಲಿವುಡ್ನ ನಂಬರ್ 1 ನಟಿ. ತೆಲುಗು ಚಿತ್ರರಂಗದಲ್ಲಿ ತನ್ನದೇ ಆದ ಸ್ಥಾನವನ್ನು ನಿರ್ಮಿಸಿಕೊಂಡಿರುವ ಈ ನಟಿ ಬಹು ಬೇಡಿಕೆಯ ನಟಿ. 40ನೇ ವಯಸ್ಸಿಗೆ ಕಾಲಿಟ್ಟರೂ ಅನುಷ್ಕಾ ಶೆಟ್ಟಿಗೆ ಡಿಮ್ಯಾಂಡ್ ಮಾತ್ರ ಕಡಿಮೆ ಆಗಿಲ್ಲ. ಟಾಲಿವುಡ್ ನಿರ್ಮಾಪಕರು ಬಾಹುಬಲಿ ನಟಿಗಾಗಿ ಕ್ಯೂ ನಿಲ್ಲುತ್ತಿದ್ದಾರೆ. ಆದರೆ ಟಾಲಿವುಡ್ ಸ್ವೀಟಿನೇ ಯಾಕೋ ಸಿನಿಮಾ ಮಾಡುವುದಕ್ಕೆ ಮನಸ್ಸು ಮಾಡುತ್ತಿಲ್ಲ. ಈಗ ಒಪ್ಪಿಕೊಂಡಿರೋ ಸಿನಿಮಾ ಡೇಟ್ ಕೊಡುತ್ತಿಲ್ಲ ಅಂತ ಅನ್ನೊ ಸುದ್ದಿ ಟಾಲಿವುಡ್ ಗಲ್ಲಿ ಗಲ್ಲಿಯಲ್ಲೂ ಹರಿದಾಡುತ್ತಿದೆ.
Recommended Video
ಟಾಲಿವುಡ್ನ ಮೋಸ್ಟ್ ಸಕ್ಸಸ್ಫುಲ್ ನಟಿ ಅನುಷ್ಕಾ ಶೆಟ್ಟಿ. ಆದರೆ, ಬಾಹುಬಲಿ ತೆರೆಕಂಡ ದಿನದಿಂದ ಇವರ ಸಿನಿಮಾಗಳು ಹೆಚ್ಚಾಗಿ ಸೆಟ್ಟೇರುತ್ತಿಲ್ಲ. ಇದಕ್ಕೆ ಕೊರೊನಾ ಕಾರಣವೂ ಇರಬಹುದು. ಆದರೆ, ಕಳೆದ ಐದು ವರ್ಷಗಳಲ್ಲಿ ಅನುಷ್ಕಾ ಶೆಟ್ಟಿ ನಟಿಸಿದ್ದು ಬರೀ ಎರಡು ಸಿನಿಮಾಗಳಲ್ಲಿ ಮಾತ್ರ. ಮತ್ತೆ ಯಾವಾಗ ಸ್ವೀಟಿ ಸಿನಿಮಾ ನೋಡುತ್ತೇವೋ ಅಂತ ಕಾದು ಕೂತಿರುವ ತನ್ನ ಅಭಿಮಾನಿಗಳಿಗೆ ಮತ್ತೆ ನಿರಾಸೆ ಮಾಡಿದ್ದಾರೆ ಅನ್ನುವ ಮಾತುಗಳು ಕೇಳಿ ಬರುತ್ತಿವೆ. ಅಸಲಿಗೆ ಅನುಷ್ಕಾ ಶೆಟ್ಟಿ ಮ್ಯಾಟರ್ ಏನು? ಅಂತ ತಿಳಿಯುವುದಕ್ಕೆ ಮುಂದೆ ಓದಿ.
ಅನುಷ್ಕಾ ಕೊರೊನಾ ಭಯ
ಅನುಷ್ಕಾ ಶೆಟ್ಟಿಯನ್ನು ಕೊರೊನಾ ಇನ್ನಿಲ್ಲದಂತೆ ಕಾಡುತ್ತಿದೆಯಂತೆ. ಆಂಧ್ರದಲ್ಲಿ ಕೊರೊನಾ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗುತ್ತಿದ್ದಂತೆ ಟಾಲಿವುಡ್ ಸ್ವೀಟಿ ಫುಲ್ ಸೈಲೆಂಟ್ ಆಗಿದ್ದಾರಂತೆ. ಸಿನಿಮಾನೂ ಮಾಡಲ್ಲ. ಡೇಟು ಕೊಡಲ್ಲ ಅಂತ ಪಟ್ಟು ಹಿಡಿದು ಕೂತಿದ್ದಾರಂತೆ. ಇಂತಹದೊಂದು ಸುದ್ದಿ ಟಾಲಿವುಡ್ನ ಗಲ್ಲಿ ಗಲ್ಲಿಗಳಲ್ಲಿ ಹರಿದಾಡಲು ಶುರುವಾಗಿದೆ. ಅಷ್ಟಕ್ಕೂ ಅದ್ಯಾವ ಸಿನಿಮಾಗೆ ಅನುಷ್ಕಾ ಶೆಟ್ಟಿ ಡೇಟ್ ಕೊಡುತ್ತಿಲ್ಲಾ ಅಂತಿರಾ? ಅದು 'ಸಾಹೋ' ಸಿನಿಮಾ ನಿರ್ಮಿಸಿದ್ದ ಯುವಿ ಕ್ರಿಯೇಷನ್.
ಅನುಷ್ಕಾ ಶೆಟ್ಟಿ ಡೇಟ್ ಕೊಡುತ್ತಿಲ್ಲ
ಸ್ವೀಟಿ ಅನುಷ್ಕಾ ಯುವಿ ಕ್ರಿಯೇಷನ್ ನಿರ್ಮಾಣ ಮಾಡುತ್ತಿರುವ ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದರು. 'ಜಾತಿರತ್ನಲು' ಸಿನಿಮಾದ ನಾಯಕ ನಟ ನವೀನ್ ಪೊಲಿಶೆಟ್ಟಿ ಆ ಚಿತ್ರದ ನಾಯಕ ನಟ. ಈ ಸಿನಿಮಾ ಇಷ್ಟೊತ್ತಿಗಾಗಲೇ ಸೆಟ್ಟೇರಬೇಕಿತ್ತು. ಆದರೆ, ಕಾರಣಾಂತರಗಳಿಂದ ಸಿನಿಮಾ ಇನ್ನೇ ಟೇಕ್ ಆಫ್ ಆಗಿಲ್ಲ. ಇನ್ನೇನು ಸಿನಿಮಾ ಶೂಟಿಂಗ್ ಮಾಡಬೇಕು ಅನ್ನುವಾಗಲೇ ಕೊರೊನಾ ಸೋಂಕಿತರ ಸಂಖ್ಯೆ ಮತ್ತೆ ಹೆಚ್ಚಾಗುತ್ತಿದೆ. ಆದರೂ, ಸಿನಿಮಾ ಶೂಟಿಂಗ್ ಶುರು ಮಾಡೇ ಬಿಡೋಣ ಅಂತ ನಿರ್ಧಾರ ಮಾಡಿದ್ದಾರಂತೆ. ಆದರೆ, ಅನುಷ್ಕಾ ಶೆಟ್ಟಿ ರೆಡಿ ಇಲ್ವಂತೆ.
ಕೊರೊನಾವನ್ನು ಗಂಭೀರವಾಗಿ ಪರಿಗಣಿಸಿದ ಸ್ವೀಟಿ
ಅನುಷ್ಕಾ ಶೆಟ್ಟಿ ನಿರ್ಮಾಪಕರಿಗೆ ಡೇಟ್ ಕೊಡದೆ ಇರಲು ಕಾರಣ ಇದೆನೇ. ಒಂದು ಕಡೆ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದೆ. ಇನ್ನೊಂದ್ಕಡೆ ಓಮಿಕ್ರಾನ್. ಇವೆರಡನ್ನೂ ಅನುಷ್ಕಾ ಗಂಭೀರವಾಗಿ ಪರಿಗಣಿಸಿದ್ದಾರೆ. ಕೊರೊನಾ ಮೂರನೇ ಅಲೆ ತೊಲಗುವವರೆಗೂ ಸಿನಿಮಾಗೆ ಡೇಟ್ ಕೊಡುವುದಿಲ್ಲವೆಂದು ನಿರ್ಧಾರ ಮಾಡಿದ್ದಾರಂತೆ. ಅದು ನಿರ್ಮಾಪಕರಿಗೆ ದೊಡ್ಡ ತಲೆ ನೋವಾಗಿದ್ಯಂತೆ. ಸಿನಿಮಾ ಶೂಟಿಂಗ್ ಶುರು ಮಾಡೋಣ ಅಂದ್ರೆ, ಅನುಷ್ಕಾ ಶೆಟ್ಟಿನೇ ಒಪ್ಪುತ್ತಿಲ್ಲ ಅಂತ ತಲೆ ಮೇಲೆ ಕೈ ಹೊತ್ತು ಕೂತಿದ್ದಾರಂತೆ.
'ಅರುಂಧತಿ' ಸಿನಿಮಾಗೆ 13
'ಅರುಂಧತಿ' ಅನುಷ್ಕಾ ಶೆಟ್ಟಿಗೆ ಹೊಸ ಇಮೇಜ್ ಕೊಟ್ಟ ಸಿನಿಮಾ. ಅನುಷ್ಕಾ ವೃತ್ತಿ ಬದುಕಿಗೆ ಸ್ಟಾರ್ ಗಿರಿ ಕೊಟ್ಟಿದ್ದು ಇದೇ ಸಿನಿಮಾ. ಇದೇ ಸಿನಿಮಾವೀಗ 13 ವರ್ಷಗಳನ್ನು ಪೂರೈಸಿದೆ. ಹೀಗಾಗಿ ಈ ಯಶಸ್ಸಿಗೆ ಕಾರಣರಾದ ಪ್ರತಿಯೊಬ್ಬರಿಗೂ ಅನುಷ್ಕಾ ಶೆಟ್ಟಿ ಧನ್ಯವಾದಗಳನ್ನು ಅರ್ಪಿಸಿದ್ದಾರೆ. ತಮ್ಮ ಗೆಲುವಿಗೆ ಕಾರಣರಾದವನ್ನು ನೆನಪಿಸಿಕೊಂಡಿದ್ದಾರೆ. ಅಂದ ಹಾಗೆ 2009 ಜನವರಿ 16ರಂದು ಈ ಸಿನಿಮಾ ಬಿಡುಗಡೆಯಾಗಿತ್ತು.