twitter
    For Quick Alerts
    ALLOW NOTIFICATIONS  
    For Daily Alerts

    ಒಂದಾಗುತ್ತಿದ್ದಾರೆ ಟಾಲಿವುಡ್-ಬಾಲಿವುಡ್ ಸೂಪರ್ ಸ್ಟಾರ್ಸ್: ಪ್ರಭಾಸ್ ಜೊತೆ ಹೃತಿಕ್ ರೋಷನ್!

    By ಫಿಲ್ಮಿಬೀಟ್ ಡೆಸ್ಕ್
    |

    ಪ್ಯಾನ್ ಇಂಡಿಯಾ ಸಿನಿಮಾಗಳ ಅಬ್ಬರ ಶುರುವಾದ ಬಳಿಕ ದಕ್ಷಿಣ ಭಾರತ ಚಿತ್ರರಂಗ, ಬಾಲಿವುಡ್ ಎಂಬ ಪ್ರತ್ಯೇಕತೆ ಅಳಿಸಿ ಹೋಗಿದೆ. ಈಗೇನಿದ್ದರೂ 'ಭಾರತೀಯ ಚಿತ್ರರಂಗ' ಎಂಬ ಏಕಮಂತ್ರ ಚಾಲ್ತಿಯಲ್ಲಿದೆ.

    ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಬಾಲಿವುಡ್‌ನ ನಟರು, ಬಾಲಿವುಡ್ ಸಿನಿಮಾಗಳಲ್ಲಿ ದಕ್ಷಿಣದ ನಟರು ನಟಿಸುತ್ತಿರುವುದು ಇತ್ತೀಚೆಗೆ ಹೆಚ್ಚಾಗುತ್ತಿದೆ. ಸಂಜಯ್ ದತ್, 'ಕೆಜಿಎಫ್ 2' ನಲ್ಲಿ ವಿಲನ್ ಆಗಿ, ಆಲಿಯಾ ಭಟ್ 'RRR' ನಲ್ಲಿ ನಾಯಕಿಯಾಗಿ, ಇಲ್ಲಿನ ರಶ್ಮಿಕಾ ಮಂದಣ್ಣ, ಸಮಂತಾ ಬಾಲಿವುಡ್ ಸಿನಿಮಾಗಳ ನಾಯಕಿಯಾಗಿ ನಟಿಸಿದ್ದಾರೆ. ಆದರೆ ಎರಡೂ ಚಿತ್ರರಂಗದ ದೊಡ್ಡ ಸ್ಟಾರ್‌ ನಟರು ಒಟ್ಟಿಗೆ ಸಮಾನ ಸ್ಕ್ರೀನ್ ಸ್ಪೇಸ್ ಹಂಚಿಕೊಂಡಿರುವ ಸಿನಿಮಾ ಈವರೆಗೆ ಬಂದಿಲ್ಲ.

    ಆದರೆ ಇದೀಗ ಅಂಥಹದ್ದೊಂದು ಸಾಹಸಕ್ಕೆ ಬಾಲಿವುಡ್‌ನ ಸಾಹಸ ಸಿನಿಮಾಗಳ ನಿರ್ದೇಶಕ ಸಿದ್ಧಾರ್ಥ್ ಆನಂದ್ ಮುಂದಾಗಿದ್ದಾರೆ. ದಕ್ಷಿಣದ ಸ್ಟಾರ್ ನಟ ಹಾಗೂ ಬಾಲಿವುಡ್ ಸ್ಟಾರ್ ನಟರನ್ನು ಒಟ್ಟಿಗೆ ಸೇರಿಸಿ ಸಿನಿಮಾ ಮಾಡಲು ನೀಲಿ ನಕ್ಷೆ ತಯಾರಿಸಿದ್ದಾರೆ.

    ಒಂದಾಗಲಿದ್ದಾರೆ ಹೃತಿಕ್ ರೋಷನ್-ಪ್ರಭಾಸ್

    ಒಂದಾಗಲಿದ್ದಾರೆ ಹೃತಿಕ್ ರೋಷನ್-ಪ್ರಭಾಸ್

    'ವಾರ್', 'ಪಠಾಣ್', 'ಬ್ಯಾಂಗ್ ಬ್ಯಾಂಗ್', 'ಬಚ್ನಾ ಏ ಹಸೀನೋ', 'ಅಂಜಾನಾ ಅಂಜಾನಿ', 'ಸಲಾಂ ನಮಸ್ತೆ', 'ತಾ ರಾ ರಂ ಪಂ' ಇನ್ನಿತರೆ ಸಿನಿಮಾಗಳನ್ನು ನಿರ್ದೇಶಿಸಿರುವ ಸಿದ್ಧಾರ್ಥ್ ಆನಂದ್ ಭರ್ಜರಿ ಆಕ್ಷನ್ ಸಿನಿಮಾ ಒಂದಕ್ಕಾಗಿ ಕತೆಯೊಂದನ್ನು ತಯಾರು ಮಾಡಿಟ್ಟುಕೊಂಡಿದ್ದು ಬಾಲಿವುಡ್ ಸ್ಟಾರ್ ನಟ ಹೃತಿಕ್ ರೋಷನ್ ಹಾಗೂ ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಅವರನ್ನು ಒಟ್ಟಿಗೆ ತೆರೆ ಮೇಲೆ ತರಲು ಸಕಲ ಸಜ್ಜಾಗಿದ್ದಾರೆ.

    ದಕ್ಷಿಣದ ನಿರ್ಮಾಣ ಸಂಸ್ಥೆಯಿಂದ ನಿರ್ಮಾಣ

    ದಕ್ಷಿಣದ ನಿರ್ಮಾಣ ಸಂಸ್ಥೆಯಿಂದ ನಿರ್ಮಾಣ

    ವಿಶೇಷವೆಂದರೆ ಈ ಮೆಗಾ ಪ್ರಾಜೆಕ್ಟ್ ಅನ್ನು ದಕ್ಷಿಣದ ಜನಪ್ರಿಯ ಸಿನಿಮಾ ನಿರ್ಮಾಣ ಸಂಸ್ಥೆ ಮೈತ್ರಿ ಮೂವಿ ಮೇಕರ್ಸ್ ನಿರ್ಮಾಣ ಮಾಡುತ್ತಿದ್ದು, ಟಾಕ್ ಶೋ ಒಂದರಲ್ಲಿ ತಾವು ಶಾರುಖ್ ಖಾನ್‌ರ ನಿರ್ದೇಶಕರೊಟ್ಟಿಗೆ ಭರ್ಜರಿ ಆಕ್ಷನ್ ಹಿಂದಿ ಸಿನಿಮಾ ಒಂದಕ್ಕಾಗಿ ಒಪ್ಪಂದ ಮಾಡಿಕೊಂಡಿದ್ದೀವಿ ಎಂದು ಹೇಳಿದ್ದಾರೆ. ಇದೇ ಸಿನಿಮಾದಲ್ಲಿ ನಟ ಪ್ರಭಾಸ್ ಸಹ ಇರಲಿದ್ದಾರೆ ಎಂಬ ಸುದ್ದಿ ಜೋರಾಗಿಯೇ ಹರಿದಾಡುತ್ತಿದೆ.

    ಆಕ್ಷನ್ ಸಿನಿಮಾಗಳ ನಿರ್ದೇಶಕ ಸಿದ್ಧಾರ್ಥ್ ಆನಂದ್

    ಆಕ್ಷನ್ ಸಿನಿಮಾಗಳ ನಿರ್ದೇಶಕ ಸಿದ್ಧಾರ್ಥ್ ಆನಂದ್

    ಭಾರಿ ಬಜೆಟ್ ಆಕ್ಷನ್ ಸಿನಿಮಾಗಳನ್ನು ನಿರ್ದೇಶನ ಮಾಡುವಲ್ಲಿ ಸಿದ್ಧಾರ್ಥ್ ಎತ್ತಿದ ಕೈ. ಈಗಾಗಲೇ ಹೃತಿಕ್ ರೋಷನ್ ನಟನೆಯ 'ಬ್ಯಾಂಗ್-ಬ್ಯಾಂಗ್', ಹೃತಿಕ್-ಟೈಗರ್ ಶ್ರಾಫ್ ನಟನೆಯ 'ವಾರ್' ಸಿನಿಮಾಗಳನ್ನು ಸಿದ್ಧಾರ್ಥ್ ನಿರ್ದೇಶಿಸಿದ್ದಾರೆ. ಇದೀಗ ಹೃತಿಕ್‌ ಗಾಗಿಯೇ 'ಫೈಟರ್' ಹೆಸರಿನ ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ. ಆ ಸಿನಿಮಾದ ಬಳಿಕ ಪ್ರಭಾಸ್-ಹೃತಿಕ್‌ರ ಹೊಸ ಸಿನಿಮಾ ಸೆಟ್ಟೇರುವ ಸಾಧ್ಯತೆ ಇದೆ.

    ಬಹಳ ಬ್ಯುಸಿಯಾಗಿರುವ ನಟ ಪ್ರಭಾಸ್

    ಬಹಳ ಬ್ಯುಸಿಯಾಗಿರುವ ನಟ ಪ್ರಭಾಸ್

    ಇನ್ನು ಪ್ರಭಾಸ್ ಅತ್ಯಂತ ಬ್ಯುಸಿ ನಟರಾಗಿದ್ದು, ಪ್ರಭಾಸ್ ನಟಿಸಿರುವ 'ಆದಿಪುರುಷ್' ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ಅದರ ಬೆನ್ನಲ್ಲೆ ಪ್ರಶಾಂತ್ ನೀಲ್ ನಿರ್ದೇಶನದ 'ಸಲಾರ್' ಸಿನಿಮಾ ಸಹ ಬಿಡುಗಡೆ ಆಗಲಿದೆ. ಅದರ ಬಳಿಕ ನಾಗ್ ಅಶ್ವಿನ್ ನಿರ್ದೇಶನದ ಇನ್ನೂ ಹೆಸರಿಡದ ಸಿನಿಮಾ ಬಿಡುಗಡೆ ಆಗಲಿದೆ. ಇವುಗಳ ಜೊತೆಗೆ ಮಾರುತಿ ನಿರ್ದೇಶನದ ಸಿನಿಮಾ ಒಂದನ್ನು ಪ್ರಭಾಸ್ ಒಪ್ಪಿಕೊಂಡಿದ್ದಾರೆ. ಇವೆಲ್ಲ ಸಿನಿಮಾಗಳ ಬಳಿಕವಷ್ಟೆ ಪ್ರಭಾಸ್ ಹಾಗೂ ಹೃತಿಕ್ ರೋಷನ್ ಸಿನಿಮಾ ಸೆಟ್ಟೇರಲಿದೆ.

    English summary
    Bollywood star Hrithik Roshan and Prabhas joining hands for a Hindi action movie. mythri movie makers will produce the movie.
    Wednesday, January 25, 2023, 16:28
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X