Don't Miss!
- Sports ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್
- News Heavy Rain: ಭಾರೀ ಗಾಳಿ, ಮಳೆಗೆ ಧರೆಗುರುಳಿದ ಮರಗಳು, ವಿದ್ಯುತ್ ಕಂಬಗಳು: ಸಿಡಿಲು ಬಡಿದು 25 ಮೇಕೆಗಳ ಸಾವು
- Technology ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು?
- Lifestyle ಹೊಟ್ಟೆಯೇ ಇಲ್ಲದೆ ಬದುಕಿದ್ದ ನತಾಶಾ ದಿಡ್ಡಿ ನಿಧನ...! ಈಕೆ ಯಾರು ಗೊತ್ತಾ?
- Finance ಸುಗಮ, ಸುರಕ್ಷಿತ ಸಂಚಾರಕ್ಕಾಗಿ ವಿಶೇಷ ಅಭಿಯಾನ ಆರಂಭಿಸಿದ ಬೆಂಗಳೂರು ಸಂಚಾರಿ ಪೊಲೀಸ್
- Automobiles ಹಲವು ಆಯ್ಕೆಗಳಲ್ಲಿ ಸಿಗಲಿದೆ 5 ಡೋರ್ ಥಾರ್: ಸುದ್ದಿ ತಿಳಿದು ನಿಟ್ಟುಸಿರು ಬಿಟ್ಟ ಮಹೀಂದ್ರಾ ಫ್ಯಾನ್ಸ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
21 ವರ್ಷಗಳ ಬಳಿಕ 'ಅಮೃತ ವರ್ಷಿಣಿ' ಭಾಗ-2 ಬಂದರೆ ಅಚ್ಚರಿ ಪಡಬೇಡಿ.!
1997 ರಲ್ಲಿ ಬಿಡುಗಡೆ ಆದ ಸೂಪರ್ ಹಿಟ್ ಸಿನಿಮಾ 'ಅಮೃತ ವರ್ಷಿಣಿ'. ದಿನೇಶ್ ಬಾಬು ನಿರ್ದೇಶನದ 'ಅಮೃತ ವರ್ಷಿಣಿ' ಹೆಸರು ಕೇಳಿದ ಕೂಡಲೆ ಥಟ್ ಅಂತ ನೆನಪಾಗುವುದು 'ತುಂತುರು...', 'ಭಲೇ ಭಲೇ ಚಂದದ ಚೆಂದುಳ್ಳಿ ಹೆಣ್ಣು ನೀನು...' ಹಾಡುಗಳು.
ದೇವ ಸಂಗೀತ ಸಂಯೋಜಿಸಿದ 'ಅಮೃತ ವರ್ಷಿಣಿ' ಹಾಡುಗಳು ಇಂದಿಗೂ ಜನರ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿದಿವೆ. ಹಾಗೇ, ರಮೇಶ್ ಅರವಿಂದ್ ವೃತ್ತಿ ಬದುಕಿಗೂ ದೊಡ್ಡ ತಿರುವು ಕೊಟ್ಟ 'ಅಮೃತ ವರ್ಷಿಣಿ' ರಾಜ್ಯ ಪ್ರಶಸ್ತಿ ಹಾಗೂ ಫಿಲ್ಮ್ ಫೇರ್ ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ.
ತ್ಯಾಗರಾಜ ಅಂತಲೇ ಕರೆಯಿಸಿಕೊಳ್ಳುತ್ತಿದ್ದ ರಮೇಶ್ ಅರವಿಂದ್ ನೆಗೆಟಿವ್ ಶೇಡ್ ನಲ್ಲಿ ಕಾಣಿಸಿಕೊಂಡಿದ್ದು ಇದೇ ಸಿನಿಮಾದಲ್ಲಿ. ತೆಲುಗು, ತಮಿಳು ಹಾಗೂ ಮಲಯಾಳಂ ಭಾಷೆಗೆ ಡಬ್ ಆಗಿ ಬ್ಲಾಕ್ ಬಸ್ಟರ್ ಆಗಿದ್ದ 'ಅಮೃತ ವರ್ಷಿಣಿ' ಸಿನಿಮಾ ಇದೀಗ ಸ್ಯಾಂಡಲ್ ವುಡ್ ನಲ್ಲಿ 21 ವರ್ಷಗಳ ಬಳಿಕ ಸದ್ದು ಮಾಡುತ್ತಿದೆ.
'ಇನ್ಸ್ ಪೆಕ್ಟರ್ ವಿಕ್ರಂ' ಚಿತ್ರದಲ್ಲಿ ಖಳನಾಯಕ ಯಾರು ಗೊತ್ತಾ.? ಆಶ್ಚರ್ಯ ಪಡ್ತೀರಾ.!
'ಅಮೃತ ವರ್ಷಿಣಿ' ಸಿನಿಮಾದ 'ಭಾಗ-2' ತೆರೆಗೆ ತರಲು ತೆರೆಮರೆಯಲ್ಲಿ ಪ್ರಯತ್ನ ನಡೆಯುತ್ತಿದೆ ಎನ್ನಲಾಗಿದೆ. ಹಾಗ್ನೋಡಿದ್ರೆ, ಸ್ಯಾಂಡಲ್ ವುಡ್ ಗೆ ಸೀಕ್ವೆಲ್ ಗಳು ಹೊಸದೇನಲ್ಲ. 'ಆಪ್ತಮಿತ್ರ' - 'ಆಪ್ತ ರಕ್ಷಕ', 'ಉಪೇಂದ್ರ' - 'ಉಪ್ಪಿ 2', 'ದಂಡುಪಾಳ್ಯ' ಸರಣಿಗಳೆಲ್ಲಾ ಸೀಕ್ವೆಲ್ ಗಳೇ. ಇದೀಗ 'ಅಮೃತ ವರ್ಷಿಣಿ' ಚಿತ್ರಕ್ಕೂ ಸೀಕ್ವೆಲ್ ಮಾಡುವ ತಯಾರಿ ಆಗುತ್ತಿದೆಯಂತೆ.
ಅಂದ್ಹಾಗೆ, 'ಅಮೃತ ವರ್ಷಿಣಿ' ಭಾಗ-2 ಮಾಡ್ತಿರೋರು ಯಾರು.? ದಿನೇಶ್ ಬಾಬು ಕಡೆಯಿಂದಲೇ ಪ್ರಯತ್ನ ನಡೆಯುತ್ತಿದ್ಯಾ.? ಇಲ್ಲೂ ರಮೇಶ್ ಅರವಿಂದ್ ಇರ್ತಾರಾ.? ಅಂತ ನೀವು ಪ್ರಶ್ನೆ ಕೇಳಿದರೆ, ಅದಕ್ಕೆ ನಮ್ಮ ಬಳಿ ಉತ್ತರ ಇಲ್ಲ. ಯಾಕಂದ್ರೆ, 'ಅಮೃತ ವರ್ಷಿಣಿ' ಸೀಕ್ವೆಲ್ ಮಾಡುತ್ತಿರುವವರ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯ ಆಗಿಲ್ಲ. ಲಭ್ಯವಾದ ಕೂಡಲೆ ನಿಮಗೆ ತಿಳಿಸ್ತೀವಿ.
ಅಂದ್ಹಾಗೆ, 'ಅಮೃತ ವರ್ಷಿಣಿ' ಸೀಕ್ವೆಲ್ ಬಂದರೆ ನೀವು ನೋಡ್ತೀರಾ.? ನಿಮ್ಮ ಅಭಿಪ್ರಾಯವನ್ನ ನಮಗೆ ತಿಳಿಸಿ, ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ.