ತ್ರಿವಿಕ್ರಮ್ 'ಅ' ಸೆಂಟಿಮೆಂಟ್: ಮಹೇಶ್ ಬಾಬು ಚಿತ್ರಕ್ಕೆ ಟೈಟಲ್ ಸಿಕ್ಕೇಬಿಡ್ತಾ ?

ವಿಭಿನ್ನ ಟೈಟಲ್‌ ಮೇಲೆ ತ್ರಿವಿಕ್ರಮ್ ಕಣ್ಣು

ಈ ಹಿಂದೆ ಮಹೇಶ್ ಬಾಬು 'ಅರ್ಜುನ್' ಎನ್ನುವ ಸಿನಿಮಾದಲ್ಲೂ ನಟಿಸಿದ್ದರು. ಇನ್ನು 'ಅತ್ತಾರಿಂಟಿಕಿ ದಾರೇದಿ', 'ಅರವಿಂದ ಸಮೇತ ವೀರ ರಾಘವ' ಹಾಗೂ 'ಅಲಾ ವೈಕುಂಠಪುರಂಲೊ' ಹೀಗೆ ವಿಭಿನ್ನ ಟೈಟಲ್‌ಗಳಲ್ಲಿ ಸಿನಿಮಾಗಳನ್ನು ತ್ರಿವಿಕ್ರಮ್ ಕಟ್ಟಿಕೊಟ್ಟಿದ್ದರು. ಇದೀಗ ಮಹೇಶ್ ಬಾಬು ಚಿತ್ರಕ್ಕೆ 'ಅಯೋಧ್ಯಲೋ ಅರ್ಜುನುಡು' ಎನ್ನುವ ಟೈಟಲ್ ಪರಿಶೀಲಿಸುತ್ತಿದ್ದಾರೆ ಎನ್ನಲಾಗ್ತಿದೆ.

ತ್ರಿವಿಕ್ರಮ್ ಶ್ರೀನಿವಾಸ್ 'ಅ' ಸೆಂಟಿಮೆಂಟ್

ಇನ್ನು ತ್ರಿವಿಕ್ರಮ್ ತಮ್ಮ ಸಿನಿಮಾಗಳಿಗೆ 'ಅ' ಸೆಂಟಿಮೆಂಟ್ ಫಾಲೋ ಮಾಡ್ತಿದ್ದಾರೆ. 'ಅತ್ತಾರಿಂಟಿಕಿ ದಾರೇದಿ', 'ಅ ಆ', 'ಅರವಿಂದ ಸಮೇತ', 'ಅಲಾ ವೈಕುಂಠಪುರಂಲೊ' ಎಲ್ಲವೂ 'ಅ' ಅಕ್ಷರದಿಂದಲೇ ಶುರುವಾಗಿತ್ತು. ಹಾಗಾಗಿ 'ಅಯೋಧ್ಯಲೋ ಅರ್ಜುನುಡು' ಎನ್ನುವ ಟೈಟಲ್‌ ಬಗ್ಗೆ ನಿರ್ದೇಶಕರು ಹೆಚ್ಚು ಒಲವು ತೋರಿಸಿದ್ದಾರೆ ಅನ್ನುವ ಮಾತುಗಳು ಕೇಳಿಬರ್ತಿದೆ. ಇನ್ನು ಅಭಿಮಾನಿಗಳು ಈ ಟೈಟಲ್ ಕೇಳಿ ಥ್ರಿಲ್ಲಾಗಿದ್ದು, ಇದೇ ಟೈಟಲ್ ಇದ್ದರೆ ಸಿನಿಮಾ ಸೂಪರ್ ಹಿಟ್ ಗ್ಯಾರೆಂಟಿ ಎನ್ನುತ್ತಿದ್ದಾರೆ.

ಪ್ರಿನ್ಸ್- ತ್ರಿವಿಕ್ರಮ್ ಹ್ಯಾಟ್ರಿಕ್ ಸಿನಿಮಾ

ಮಹೇಶ್ ಬಾಬು ಹಾಗೂ ತ್ರಿವಿಕ್ರಮ್ ಕಾಂಬಿನೇಷನ್‌ನಲ್ಲಿ ಬಂದಿದ್ದ 'ಅತಡು' ಸಿನಿಮಾ ಬ್ಲಾಕ್‌ಬಸ್ಟರ್ ಹಿಟ್ ಆಗಿತ್ತು. ನಂತರ 'ಖಲೇಜಾ' ಚಿತ್ರದಲ್ಲಿ ಇಬ್ಬರು ಒಟ್ಟಿಗೆ ಕೆಲಸ ಮಾಡಿದ್ದರು. ಈ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಸೋತರು ಭಾರೀ ಮೆಚ್ಚುಗೆ ಗಳಿಸಿತ್ತು. 'ಸರ್ಕಾರುವಾರಿ ಪಾಟ' ಟಾಲಿವುಡ್ ಪ್ರಿನ್ಸ್ ಈ ಚಿತ್ರದಲ್ಲಿ ನಟಿಸ್ತಿದ್ದಾರೆ. ಇನ್ನು 'ಅಲಾ ವೈಕುಂಠಪುರಂಲೊ' ಸೂಪರ್ ಹಿಟ್ ನಂತರ ತ್ರಿವಿಕ್ರಮ್ ಈ ಪ್ರಾಜೆಕ್ಟ್ ಕೈಗೆತ್ತಿಕೊಂಡಿದ್ದಾರೆ.

ಏಪ್ರಿಲ್ 28ಕ್ಕೆ ಸಿನಿಮಾ ರಿಲೀಸ್

ಇನ್ನು ಹೆಸರಿಡದ ಈ ಚಿತ್ರದಲ್ಲಿ ಪೂಜಾ ಹೆಗ್ಡೆ ನಾಯಕಿಯಾಗಿ ನಟಿಸ್ತಿದ್ದಾರೆ. ಚಿತ್ರಕ್ಕಾಗಿ ಮಹೇಶ್ ಹಾಗೂ ತ್ರಿವಿಕ್ರಮ್ ಭಾರೀ ಮೊತ್ತದ ಸಂಭಾವನೆ ಪಡೆದುಕೊಂಡಿದ್ದಾರೆ. ಮುಂದಿನ ವರ್ಷ ಸಮ್ಮರ್ ಸ್ಪೆಷಲ್ಲಾಗಿ ಏಪ್ರಿಲ್ 28ಕ್ಕೆ SSMB28 ಸಿನಿಮಾ ರಿಲೀಸ್ ಮಾಡುವುದಾಗಿ ಈಗಾಗಲೇ ಟೀಂ ಘೋಷಿಸಿದೆ.