ದರ್ಶನ್ 56ನೇ ಸಿನಿಮಾ ಟೈಟಲ್ 'ಕಾಟೇರ': ಸ್ಯಾಂಡಲ್‌ವುಡ್‌ನಲ್ಲಿ ಹೀಗೊಂದು ಸುದ್ದಿ!

ದರ್ಶನ್ ಚಿತ್ರದ ಟೈಟಲ್ 'ಕಾಟೇರ'?

ನಟ ದರ್ಶನ್ ಅವರ 'D56' ಚಿತ್ರದ ಟೈಟಲ್ ಬಗ್ಗೆ ಸುದ್ದಿ ಹರಿದಾಡುತ್ತಿದೆ. ಈ ಚಿತ್ರದ ಟೈಟಲ್ ಇದೇ ಎಂದು ಗಾಂಧಿನಗರದಲ್ಲಿ ಗುಮಾನಿ ಎತ್ತಿದ್ದೆ. ದರ್ಶನ್ ಅವರ ಮುಂದಿನ ಚಿತ್ರದ ಟೈಟಲ್ 'ಕಾಟೇರ' ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಸಿನಿಮಾ ತಂಡ ಮಾತ್ರ ಯಾವುದೇ ರೀತಿಯಲ್ಲಿ ಅಧಿಕೃತ ಮಾಹಿತಿಯನ್ನು ಬಿಟ್ಟು ಕೊಟ್ಟಿಲ್ಲ.

ದರ್ಶನ್ 56ನೇ ಸಿನಿಮಾದ ಟೈಟಲ್ ಏನು? ಮೂರರಲ್ಲಿ ಯಾವುದು ಫೈನಲ್ ?

'ಕಾಟೇರ' ಫೈನಲ್ ಆಗುತ್ತಾ?

'D56' ಚಿತ್ರಕ್ಕಾಗಿ ನಿರ್ದೇಶಕ ತರುಣ್ ಸುಧೀರ್ ಮುಂದೆ ಮೂರು ಟೈಟಲ್‌ಗಳಿದ್ದವು. 'ಗಧೆ', 'ಕಾಟೇರ' ಮತ್ತು 'ಚೌಡಯ್ಯ'. ಈ ಮೂರು ಟೈಟಲ್‌ಗಳು ರೇಸ್‌ನಲ್ಲಿ ಇರುವ ಬಗ್ಗೆ ಈ ಹಿಂದೆಯೇ ಸುದ್ದಿ ಹಬ್ಬಿತ್ತು. ಇವುಗಳಲ್ಲಿ ಯಾವುದು ಫೈನಲ್ ಆಗುತ್ತೆ ಎಂದು ಅಭಿಮಾನಿಗಳು ಕಾಯುತ್ತಿದ್ದರು. ಇದಕ್ಕೆ ಉತ್ತರ ಸಿಕ್ಕಿದೆ 'ಕಾಟೇರ' ಟೈಟಲ್ ಬಹುತೇಕ ಅಂತಿಮವಾಗಿದೆಯಂತೆ.

'D56' ತರುಣ್ ಸುಧೀರ್ ನಿರ್ದೇಶನ!

'ರಾಬರ್ಟ್' ಬಳಿಕ ದರ್ಶನ್ ಹಾಗೂ ತರುಣ್ ಸುಧೀರ್ ಕಾಂಬಿನೇಷನ್‌ನಲ್ಲಿ ಮತ್ತೊಂದು ಸಿನಿಮಾ ಇದು. ನಟ ದರ್ಶನ್ ಬರ್ತ್‌ಡೇ 56ನೇ ಸಿನಿಮಾ ಘೋಷಣೆಯಾಗಿದೆ. ಈ ಟೈಟಲ್ ಬಗ್ಗೆ ರಾಕ್‌ಲೈನ್ ವೆಂಕಟೇಶ್, ತರುಣ್ ಸುಧೀರ್ ಹಾಗೂ ದರ್ಶನ್ ಈ ಮೂವರು ಅಧಿಕೃತವಾಗಿ ಟೈಟಲ್ ಬಗ್ಗೆ ಹೇಳಿಕೊಂಡಿಲ್ಲ. ಆದರೆ ಬಹುತೇಕ ಇದೇ ಕನ್ಫರ್ಮ್ ಎನ್ನಲಾಗುತ್ತಿದೆ.

'D56' ಮೇಲೆ ಹೆಚ್ಚಿನ ನಿರೀಕ್ಷೆ!

ರಾಕ್‌ಲೈನ್ ವೆಂಕಟೇಶ್, ತರುಣ್ ಸುಧೀರ್ ಹಾಗೂ ದರ್ಶನ್ ಕಾಂಬಿನೇಷನ್ ಸಿನಿಮಾ ಮೇಲೆ ನಿರೀಕ್ಷೆ ಹೆಚ್ಚಿಸಿದೆ. ದರ್ಶನ್ ಹಾಗೂ ತರುಣ್ ಜೋಡಿಯ ಮೊದಲ ಸಿನಿಮಾವೇ 100 ಕೋಟಿ ರೂ. ಕಲೆ ಹಾಕಿತ್ತು. ಹೀಗಾಗಿ ಎರಡನೇ ಸಿನಿಮಾ ಮೇಲೆ ನಿರೀಕ್ಷೆ ಹೆಚ್ಚಿದೆ. ಈಗ 'ಕ್ರಾಂತಿ' ಸಿನಿಮಾದಲ್ಲಿ ದರ್ಶನ್ ಬ್ಯುಸಿಯಾಗಿದ್ದಾರೆ. ಹಾಗಾಗಿ ಈ ಚಿತ್ರದ ಬಳಿಕ, ದರ್ಶನ್ 56ನೇ ಸಿನಿಮಾದ ಶೂಟಿಂಗ್ ಶುರುವಾಗಲಿದೆ.