Sai Pallavi: ಚಿತ್ರರಂಗ ತೊರೆದರೇ 'ಪ್ರೇಮಂ' ಸುಂದರಿ ಸಾಯಿ ಪಲ್ಲವಿ!

ಚಿತ್ರರಂಗ ತೊರೆದರೇ ಸಾಯಿ ಪಲ್ಲವಿ?

ನಟಿ ಸಾಯಿ ಪಲ್ಲವಿ ಸದ್ಯ ಯಾವುದೇ ಸಿನಿಮಾಕ್ಕೆ ಸಹಿ ಮಾಡುತ್ತಿಲ್ಲ ಎನ್ನುವ ಸುದ್ದಿ ತೆಲುಗು ಮತ್ತು ಮಲಯಾಳಂ ಚಿತ್ರರಂಗದಲ್ಲಿ ಹಬ್ಬಿದೆ. ಇದಕ್ಕೆ ಕಾರಣ ಸ್ವತಃ ಸಾಯಿ ಪಲ್ಲವಿ. 'ಶ್ಯಾಮ ಸಿಂಗ ರಾಯ್' ಸಿನಿಮಾದ ಬಳಿಕ ಸಾಯಿ ಪಲ್ಲವಿ ಯಾವುದೆ ಸಿನಿಮಾ ಒಪ್ಪಿಕೊಳ್ಳುತ್ತಾ ಇಲ್ಲವಂತೆ. ಹಾಗಾಗಿ ಸಾಯಿ ಪಲ್ಲವಿ ಸಿನಿಮಾರಂಗವನ್ನು ತೊರೆಯುವ ಯೋಚನೆ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಈ ಸುದ್ದಿ ನಿಜವೇ ಆದರೆ ಆಕೆಯ ಅಭಿಮಾನಿಗಳಿಗೆ ಬೇರ ಆಗುವುದು ಖಚಿತ.

ಸಿನಿಮಾ ತಿರಸ್ಕರಿಸುತ್ತಿರುವ ನಟಿ!

ನಟಿ ಸಾಯಿ ಪಲ್ಲವಿ ಹೇಳಿ, ಕೇಳಿ ಬೇಡಿಕೆ ಇರುವ ನಟಿ. ಅದರಲ್ಲೂ 'ಶ್ಯಾಮ ಸಿಂಗ ರಾಯ್' ಸಿನಿಮಾ ಹಿಟ್ ಆದ ಚಿತ್ರ. ಹಾಗಾಗಿ ಆಕೆಗೆ ಈ ಚಿತ್ರದ ಬಳಿಕ ಒಂದಷ್ಟು ಚಿತ್ರಗಳ ಆಫರ್ ಬಂದಿವೆಯಂತೆ. ಆದರೆ ಸಾಯಿ ಪಲ್ಲವಿ ಮಾತ್ರ ಸಿನಿಮಾಗಳಿಗೆ ಸಹಿ ಹಾಕದೆ. ಆ ಚಿತ್ರಗಳನ್ನು ತಿರಸ್ಕರಿಸಿದ್ದಾರಂತೆ. ಹಾಗಾಗಿ ಸಾಯಿ ಪಲ್ಲವಿ ಇನ್ನು ಮುಂದೆ ಸಿನಿಮಾ ಮಾಡುವುದಿಲ್ಲ ಎನ್ನುವ ಗುಸು ಗುಸು ಹಬ್ಬಿದೆ.

ಸಾಯಿ ಪಲ್ಲವಿ ಮೌನಕ್ಕೆ ಕಾರಣವೇನು?

ನಟಿ ಸಾಯಿ ಯಾಕೆ ಸಿನಿಮಾಗಳನ್ನು ಒಪ್ಪುತ್ತಿಲ್ಲ ಎನ್ನುವ ಬಗ್ಗೆ ಕುತೂಹಲ ಹೆಚ್ಚಾಗಿದೆ. ಈ ಹಿಂದೆ ಆಕೆ ರಶ್ಮಿಕಾ ಮಂದಣ್ಣ ಮತ್ತು ಶರ್ವಾನಂದ್ ಅಭಿನಯದ 'ಆಡವಾಳ್ಳು ಮೀಕು ಜೋಹಾರ್ಲು' ಚಿತ್ರದ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದರು. ಬಳಿಕ ಯಾವುದೇ ಕಾರ್ಯಕ್ರಮ, ಸಿನಿಮಾಗಳಲ್ಲಿ ಕಾಣಿಸಿಕೊಂಡಿಲ್ಲ. ಸಾಯಿ ಪಲ್ಲವಿ ಚಿತ್ರರಂಗದಿಂದ ಬ್ರೇಕ್ ತೆಗೆದುಕೊಳ್ಳಲು ಮುಂದಾಗಿದ್ದಾರಾ? ಅಥವಾ ಆಕೆಯ ನೆಚ್ಚಿನ ಕಥೆಗಳು ಸಿಗುತ್ತಿಲ್ಲವಾ ಎನ್ನುವ ಗೊಂದಲ ಚಿತ್ರರಂಗದಲ್ಲಿ ಸೃಷ್ಟಿ ಆಗಿದೆ. ಇದಕ್ಕೆಲ್ಲಾ ನಟಿ ಸಾಯಿ ಪಲ್ಲವಿ ಉತ್ತರ ನೀಡಬೇಕು.

'ಪ್ರೇಮಂ' ಚಿತ್ರದಿಂದ ಜರ್ನಿ ಶುರು ಮಾಡಿದ ಸಾಯಿ ಪಲ್ಲವಿ!

ನಟಿ ಸಾಯಿ ಪಲ್ಲವಿ ನಾಯಕಿಯಾಗಿ 'ಪ್ರೇಮಂ' ಚಿತ್ರದ ಮೂಲಕ ತಮ್ಮ ಸಿನಿಮಾ ಜರ್ನಿಯನ್ನು ಶುರು ಮಾಡಿದ್ದಾರೆ. ಬಳಿಕ ಸಾಯಿ ಪಲ್ಲವಿ ತಮಿಳು ಮತ್ತು ತೆಲುಗು ಚಿತ್ರಗಳಲ್ಲಿ ಸಾಕಷ್ಟು ಖ್ಯಾತಿ ಪಡೆದರು. ಸಾಯಿ ಪಲ್ಲವಿ ತಮ್ಮ ಡ್ಯಾನ್ಸ್‌ನಿಂದಲೇ ಹೆಚ್ಚು ಫೇಮಸ್. ತಮಿಳಿನಲ್ಲಿ ರೌಡಿ ಬೇಬಿ ಆದರೆ, ತೆಲುಗಿನಲ್ಲಿ ಫಿದಾ ಚಿತ್ರದ ಡ್ಯಾನ್ಸ್ ಮೂಲಕ ಗುರುತಿಸಿಕೊಂಡಿದ್ದಾರೆ. ಸದ್ಯ ಈಕೆ ಅಭಿನಯದ 'ವಿರಾಟ ಪರ್ವಂ' ಚಿತ್ರ ರಿಲೀಸ್ ಆಗಬೇಕಿದೆ. ಈ ಬಗ್ಗೆ ನಟಿ ಸಾಯಿ ಪಲ್ಲವಿ ಸ್ಪಷ್ಟನೆ ಕೊಡಬೇಕು ಅಥವಾ ಮುಂದಿನ ಚಿತ್ರವನ್ನು ಪ್ರಕಟ ಮಾಡಬೇಕು.