Don't Miss!
- Sports ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು?
- News karnataka Rain: ಬೆಂಗಳೂರಿನಲ್ಲಿ ಏ.23ರವರೆಗೆ ಮಳೆ- ಬೆಳಗಾವಿ ಮಂದಿಗೆ ಕುಂದಾ ಕೊಟ್ಟ ವರುಣ ಧಾರವಾಡ ಮಂದಿಗಿಂದು ಪೇಡಾ ಕೊಡ್ತಾನಾ?
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಸರ್ಕಾರು ವಾರಿ ಪಾಟ' ಹಿಂದಿಯಲ್ಲಿ ರಿಲೀಸ್ ಆಗ್ತಿಲ್ಲ: ಅದಕ್ಕೆ ಕಾರಣ ರಾಜಮೌಳಿ?
ಟಾಲಿವುಡ್ ಸೂಪರ್ಸ್ಟಾರ್ ಮಹೇಶ್ ಬಾಬು 'ಸಿನಿಮಾ ಸರ್ಕಾರು ವಾರಿ ಪಾಟ' ನಾಳೆ (ಮೇ 12) ವಿಶ್ವದಾದ್ಯಂತ ಬಿಡುಗಡೆಯಾಗುತ್ತಿದೆ. ಶೂಟಿಂಗ್ ಆರಂಭ ಆದಲ್ಲಿಂದ 'ಸರ್ಕಾರು ವಾರಿ ಪಾಟ' ಬಗ್ಗೆ ಕ್ರೇಜ್ ಹೆಚ್ಚಾಗಿದೆ. ಅದರಲ್ಲೂ ಟೀಸರ್, ಟ್ರೈಲರ್ ರಿಲೀಸ್ ಆದ್ಮೇಲಂತೂ ಸಿನಿಮಾ ಬಗ್ಗೆ ಪ್ರೇಕ್ಷಕರಲ್ಲಿ ಆಸಕ್ತಿ ಮತ್ತಷ್ಟು ಹೆಚ್ಚಾಗಿದೆ.
ಈ ಮಧ್ಯೆ ಸೂಪರ್ಸ್ಟಾರ್ ಸಿನಿಮಾಗಳೆಲ್ಲಾ ಹಿಂದಿ ಭಾಷೆಗೆ ಡಬ್ ಆಗುತ್ತಿದ್ದು, 'ಸರ್ಕಾರು ವಾರಿ ಪಾಟ' ಮಾತ್ರ ರಿಲೀಸ್ ಆಗುತ್ತಿಲ್ಲ. ಈ ಬಗ್ಗೆ ಮಹೇಶ್ ಬಾಬು ಅಭಿಮಾನಿಗಳಿಗೆ ನಿರಾಸೆಯಾಗಿತ್ತು. ಅಷ್ಟಕ್ಕೂ 'ಸರ್ಕಾರು ವಾರಿ ಪಾಟ' ಸಿನಿಮಾ ಹಿಂದಿಗ್ಯಾಕೆ ಡಬ್ ಆಗುತ್ತಿಲ್ಲ? ಹಿಂದಿ ವಿತರಕರೇ ಬಂದು ಕೇಳಿದರೂ, ಯಾಕೆ ರೈಟ್ಸ್ ಕೊಟ್ಟಿಲ್ಲ? ಅನ್ನೋ ಗೊಂದಲಕ್ಕೆ ಕೊನೆಗೂ ಉತ್ತರ ಸಿಕ್ಕಿದೆ. ಅದಕ್ಕೆ ಕಾರಣ ರಾಜಮೌಳಿ ಅಂತೆ.
ಹಿಂದಿಯಲ್ಲಿ ರಿಲೀಸ್ ಆಗುತ್ತಿಲ್ಲ 'ಸರ್ಕಾರು ವಾರಿ ಪಾಟ'
ಆರಂಭದಲ್ಲಿ ಮಹೇಶ್ ಬಾಬು ಸಿನಿಮಾ 'ಸರ್ಕಾರು ವಾರಿ ಪಾಟ' ಹಿಂದಿ ಡಬ್ ಆಗಬೇಕು ಅಂತ ನಿರ್ಧಾರ ಮಾಡಲಾಗಿತ್ತು. ತೆಲುಗು ವರ್ಷನ್ ರಿಲೀಸ್ ಮಾಡುವಾಗಳೇ ಹಿಂದಿ ಅವತರಣಿಕೆಯನ್ನೂ ಬಿಡುಗಡೆ ಮಾಡಬೇಕು ಎಂದು ತೀರ್ಮಾನ ಮಾಡಲಾಗಿತ್ತು. ಆದರೆ, ಕೊನೆಯ ಕ್ಷಣದಲ್ಲಿ ಈ ನಿರ್ಧಾರದಿಂದ ಹಿಂದೆ ಸರಿಯಾಗಿದೆ.
ಮಹೇಶ್ ಬಾಬು ಸಿನಿಮಾವನ್ನು ಹಿಂದಿಯಲ್ಲಿ ಬಿಡುಗಡೆ ಮಾಡಲು ಬಾಲಿವುಡ್ ವಿತರಕರು ತುದಿಗಾಲಲ್ಲಿ ನಿಂತಿದ್ದಾರೆ. ಒಂದು ಸಮಯದಲ್ಲಿ ಸಿನಿಮಾ ಕೆಲವು ಭಾಗವನ್ನು ಹಿಂದಿಗೆ ಡಬ್ ಕೂಡ ಮಾಡಲಾಗಿತ್ತಂತೆ. ಇದನ್ನು ಸಿನಿಮಾ ನಿರ್ಮಾಪಕರೂ ಕೂಡ ಪರಿಶೀಲನೆ ಮಾಡಿದ್ದರು. ಆದರೆ, ಹಿಂದಿ ವಿತರಕರು ಕೂಡ ಹಿಂದಿಯಲ್ಲಿ 'ಸರ್ಕಾರು ವಾರಿ ಪಾಟ' ಸಿನಿಮಾ ಬಿಡುಗಡೆ ಮಾಡಲು ಮುಂದೆ ಬಂದಿದ್ದರು. ದಿಢೀರನೇ ಈ ಪ್ಲ್ಯಾನ್ನಿಂದ ಹಿಂದೆ ಸರಿಯಲಾಗಿದೆ.
ಹಿಂದಿ ಡಬ್ ಮಾಡದಿರಲು ಕಾರಣ ರಾಜಮೌಳಿ
ಟಾಲಿವುಡ್ ಮೂಲಗಳ ಪ್ರಕಾರ, 'ಸರ್ಕಾರು ವಾರಿ ಪಾಟ' ಹಿಂದಿಯಲ್ಲಿ ರಿಲೀಸ್ ಆಗದೆ ಇರಲು ಕಾರಣ ಎಸ್ ಎಸ್ ರಾಜಮೌಳಿ ಅಂತೆ. ಹೌದು, ಸ್ವತ: ರಾಜಮೌಳಿ 'ಸರ್ಕಾರು ವಾರಿ ಪಾಟ' ಸಿನಿಮಾವನ್ನು ಹಿಂದಿಯಲ್ಲಿ ಬಿಡುಗಡೆ ಮಾಡುವುದನ್ನು ನಿಲ್ಲಿಸುವಂತೆ ಮಹೇಶ್ ಬಾಬುಗೆ ಹೇಳಿದ್ದರಂತೆ. ಮಹೇಶ್ ಬಾಬುರನ್ನು ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಲಾಂಚ್ ಮಾಡುವುದೇ ಇದಕ್ಕೆ ಕಾರಣ.
'ಸರ್ಕಾರು ವಾರಿ ಪಾಟ' ಸಿನಿಮಾ ಹಿಂದಿ ಏರಿಯಾಗಳಲ್ಲಿ ಕ್ರೇಜ್ ಕಮ್ಮಿಯಿದೆ. ಈ ಕಾರಣಕ್ಕೆ ಸಿನಿಮಾವನ್ನು ಹಿಂದಿಯಲ್ಲಿ ಬಿಡುಗಡೆ ಮಾಡದೆ ಇರುವಂತೆ ಕೇಳಿಕೊಂಡಿದ್ದರಂತೆ. ಇದರಿಂದ ಇಬ್ಬರ ಸಿನಿಮಾಗೆ ತೊಂದರೆಯಾಗುತ್ತೆ. ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಮಹೇಶ್ ಬಾಬುರನ್ನು ಲಾಂಚ್ ಮಾಡಲು ಹಿನ್ನೆಡೆಯಾಗುತ್ತೆ ಎಂದು ಹೇಳಿದ್ದರಂತೆ. ಈ ಕಾರಣಕ್ಕೆ ಹಿಂದಿ ಡಬ್ ಮಾಡುವ ಐಡಿಯಾವನ್ನು ನಿಲ್ಲಿಸುವಂತೆ ಮಹೇಶ್ ಬಾಬು ನಿರ್ಮಾಪಕರಿಗೆ ಹೇಳಿದ್ದರು ಎನ್ನಲಾಗಿದೆ.