ಮತ್ತೆ ನಿರ್ದೇಶನದತ್ತ ಗೋಲ್ಡನ್ ಸ್ಟಾರ್‌ ಗಣೇಶ್ ಚಿತ್ತ

'ಬುಗುರಿ' ಚಿತ್ರದ ಮೂಲಕ ಬೆಳ್ಳಿತೆರೆಯಲ್ಲಿ 25 ರನ್ ಬಾರಿಸಿ ಗೋಲ್ಡನ್ ಸ್ಟಾರ್ ಗಣೇಶ್ ಸಿಲ್ವರ್ ಜ್ಯುಬಿಲಿ ಸೆಲೆಬ್ರೇಟ್ ಮಾಡಿದ್ದಾರೆ. ಕೈಯಲ್ಲಿನ್ನೂ 'ZOOಮ್', 'ಸ್ಟೈಲ್ ಕಿಂಗ್', 'ಪಟಾಕಿ' ಮತ್ತು 'ಮುಂಗಾರು ಮಳೆ-2' ಚಿತ್ರಗಳಿವೆ.

ನಟನೆಯಲ್ಲಿ ಬಿಜಿಯಾಗಿದ್ದರೂ, ಗಣೇಶ್ ಗೆ ನಿರ್ದೇಶನ ಮಾಡುವ ಮನಸ್ಸಾಗಿದೆ. ಉತ್ತಮ ಸ್ಕ್ರಿಪ್ಟ್ ಹುಡುಕಾಟದಲ್ಲಿರುವ ಗಣೇಶ್, ತಮ್ಮದೇ ಬ್ಯಾನರ್ ನಲ್ಲಿ ಚಿತ್ರ ನಿರ್ದೇಶಿಸುವ ತವಕದಲ್ಲಿದ್ದಾರೆ. [ಗಣೇಶ್ 'ಬುಗುರಿ' ಆಟ ನೋಡಿ ವಿಮರ್ಶಕರು ಏನಂದ್ರು?]

ಹಾಗ್ನೋಡಿದರೆ, ಗಣೇಶ್ ಡೈರೆಕ್ಟರ್ ಕ್ಯಾಪ್ ತೊಟ್ಟು ಬರೋಬ್ಬರಿ 5 ವರ್ಷಗಳಾಗಿವೆ. 'ಕೂಲ್...ಸಖತ್ ಹಾಟ್ ಮಗಾ' ಚಿತ್ರದ ನಂತರ ನಟನೆಯಲ್ಲೇ ಗಣೇಶ್ ತೊಡಗಿಕೊಂಡಿದ್ದರು. [ಚಿನ್ನದ ಹುಡುಗ ಗಣೇಶ್ ಅದೃಷ್ಟವಂತ.! ಯಾಕೆ ಗೊತ್ತಾ?]

ಇದೀಗ ಲಾಂಗ್ ಗ್ಯಾಪ್ ನಂತರ ಉತ್ತಮ ಚಿತ್ರ ನಿರ್ದೇಶಿಸಬೇಕು ಅನ್ನುವ ಆಸೆ ಅವರಿಗಿದೆ. ಆದರೆ, ಅದು ಈಡೇರೋಕೆ ಕನಿಷ್ಟ ಅಂದರೂ ಒಂದು ವರ್ಷ ಬೇಕು. ಈಗಿನ ಎಲ್ಲಾ ಕಮಿಟ್ಮೆಂಟ್ಸ್ ಮುಗಿದ ಬಳಿಕವಷ್ಟೆ ಗಣೇಶ್ ಆಕ್ಷನ್ ಕಟ್ ಹೇಳೋಕೆ ಸಾಧ್ಯ.