'ರಾಜಕುಮಾರ' ತೆಲುಗು ರೀಮೇಕ್ ಗೆ ಯಾರು ನಾಯಕ, ನಿರ್ದೇಶಕ.?

ಟಾಲಿವುಡ್ ಗೆ 'ರಾಜಕುಮಾರ'

ಮೂಲಗಳ ಪ್ರಕಾರ ಪುನೀತ್ ರಾಜ್ ಕುಮಾರ್ ಅಭಿನಯದ 'ರಾಜಕುಮಾರ' ಚಿತ್ರ ಟಾಲಿವುಡ್ ಗೆ ಕಾಲಿಡಲಿದೆಯಂತೆ. ಅರ್ಥಾಥ್ 'ರಾಜಕುಮಾರ' ತೆಲುಗಿಗೆ ರೀಮೇಕ್ ಆಗಲಿದೆಯಂತೆ.

ಮಾತುಕತೆಗಾಗಿ ಹೈದರಾಬಾದ್ ಗೆ ಹೋಗಿದ್ದರು...!

'ರಾಜಕುಮಾರ' ಚಿತ್ರದ ತೆಲುಗು ರೀಮೇಕ್ ಬಗ್ಗೆ ಚರ್ಚಿಸಲು ನಿರ್ದೇಶಕ ಸಂತೋಷ್ ಮತ್ತು ನಿರ್ಮಾಪಕ ಕಾರ್ತಿಕ್ ಗೌಡ ಅವರು ಹೈದರಾಬಾದ್ ಗೆ ಹೋಗಿದ್ದರಂತೆ.

ರೀಮೇಕ್ ಗೆ ಸಖತ್ ಡಿಮ್ಯಾಂಡ್!

ಅಂದ್ಹಾಗೆ, 'ರಾಜಕುಮಾರ' ಚಿತ್ರದ ರೀಮೇಕ್ ಗೆ ಟಾಲಿವುಡ್ ನಲ್ಲಿ ದೊಡ್ಡ ಮಟ್ಟದ ಬೇಡಿಕೆಯಿದೆಯಂತೆ. ಆದ್ರೆ, ನಿರ್ಮಾಪಕರು ರೀಮೇಕ್ ರೈಟ್ಸ್ ಸೇಲ್ ಮಾಡದಿರಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.

'ರಾಜಕುಮಾರ'ನ ಜೊತೆ 'ಹೊಂಬಾಳೆ' ಜರ್ನಿ

ಯಾಕಂದ್ರೆ, 'ರಾಜಕುಮಾರ' ಚಿತ್ರದ ರೀಮೇಕ್ ನ್ನ ಹೊಂಬಾಳೆ ಫಿಲ್ಮ್ಸ್ ಬ್ಯಾನರ್ ನಡಿಯಲ್ಲಿ ತಾವೇ ನಿರ್ಮಾಣ ಮಾಡಲು ನಿರ್ಮಾಪಕ ಕಾರ್ತಿಕ್ ಗೌಡ ಯೋಚಿಸಿದ್ದಾರಂತೆ. ಈ ಮೂಲಕ ಕನ್ನಡದ ನಿರ್ಮಾಪಕ ಟಾಲಿವುಡ್ ಗೆ ಲಗ್ಗೆಯಿಡಲು ಸಜ್ಜಾಗುತ್ತಿದ್ದಾರೆ.

ಡೈರೆಕ್ಟರ್ ಯಾರು?

ಇನ್ನು ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣ ಮಾಡಲಿರುವ ಈ ಚಿತ್ರಕ್ಕೆ ಮೂಲ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಅವರೇ ಆಕ್ಷನ್ ಕಟ್ ಹೇಳಲು ಚಿಂತಿಸಿದ್ದಾರಂತೆ.

'ರಾಜಕುಮಾರ' ಯಾರಾಗಲಿದ್ದಾರೆ?

ಕನ್ನಡದಲ್ಲಿ ಪುನೀತ್ ರಾಜ್ ಕುಮಾರ್ ನಿರ್ವಹಿಸಿದ್ದ ಪಾತ್ರವನ್ನ ಈಗ ತೆಲುಗಿನಲ್ಲಿ ಯಾರು ಮಾಡುತ್ತಾರೆ ಎಂಬ ಪ್ರಶ್ನೆ, ಕುತೂಹಲ ಕಾಡತ್ತಿದೆ.

ರಾಜಮೌಳಿ ಭೇಟಿ ಯಾಕೆ?

'ರಾಜಕುಮಾರ' ಚಿತ್ರದ ರೀಮೇಕ್ ಗೂ ಬಾಹುಬಲಿ ನಿರ್ದೇಶಕ ರಾಜಮೌಳಿ ಭೇಟಿಗೂ ಏನ್ ಸಂಬಂಧ ಎಂದು ನೋಡಿದ್ರೆ, ರಾಜಮೌಳಿ ಅವರನ್ನ ಭೇಟಿ ಮಾಡಿದ್ದು, ಕೇವಲ ಯೋಗಕ್ಷೇಮ ವಿಚಾರಿಸಿವುದಕ್ಕೆ ಮಾತ್ರ ಎನ್ನಲಾಗಿದೆ.

ಶತದಿನದತ್ತ 'ರಾಜಕುಮಾರ' ಹೆಜ್ಜೆ

ಸ್ಯಾಂಡಲ್ ವುಡ್ ಬಾಕ್ಸ್ ಆಫೀಸ್ ನಲ್ಲಿ ದಾಖಲೆಗಳನ್ನ ಪುಡಿ ಮಾಡಿ ಮುನ್ನಗ್ಗುತ್ತಿರುವ 'ರಾಜಕುಮಾರ' 100ನೇ ದಿನದ ಸನಿಹದಲ್ಲಿದೆ. ಪುನೀತ್ ರಾಜ್ ಕುಮಾರ್, ಪ್ರಿಯಾ ಆನಂದ್, ಶರತ್ ಕುಮಾರ್, ಸಾಧುಕೋಕಿಲಾ, ಚಿಕ್ಕಣ್ಣ, ದತ್ತಣ್ಣ, ರಂಗಾಯಣ ರಘು, ಅಚ್ಯುತ್ ಕುಮಾರ್ ಸೇರಿದಂತೆ ಹಲವರು ಚಿತ್ರದಲ್ಲಿ ಅಭಿನಯಸಿದ್ದಾರೆ.