ವಿಜಯ್ ಮತ್ತು ಯಶ್ ಅಭಿಮಾನಿಗಳಿಗೆ ಹುಚ್ಚೆಬ್ಬಿಸುವ ಸುದ್ದಿ!

ಮಾಸ್ಟರ್ ಜೊತೆ ಕೆಜಿಎಫ್!

ಸದ್ಯ ಸೌತ್ ಇಂಡಿಯಾದಲ್ಲಿ ಸದ್ದು ಮಾಡುತ್ತಿರುವ ಸುದ್ದಿ ಏನಪ್ಪಾ ಅಂದ್ರೆ ವಿಜಯ್ ನಟನೆಯ ಮಾಸ್ಟರ್ ಸಿನಿಮಾ ಪ್ರದರ್ಶನದ ವೇಳೆ ಕೆಜಿಎಫ್ ಚಾಪ್ಟರ್ 2 ಟೀಸರ್ ಟೆಲಿಕಾಸ್ಟ್ ಆಗಲಿದೆಯಂತೆ. ದಕ್ಷಿಣ ಭಾರತದ ಖ್ಯಾತ ಚಿತ್ರ ವಿಶ್ಲೇಷಕ ರಮೇಶ್ ಬಾಲ ಈ ಸುದ್ದಿಯನ್ನು ಟ್ವಿಟ್ಟರ್‌ನಲ್ಲಿ ಹಾಕಿಕೊಂಡಿದ್ದಾರೆ. ಇಂತಹ ಘಟನೆಗಳು ಬಹಳ ಅಪರೂಪ. ಇದು ನಿಜವೇ ಆದರೆ ಈ ಇಬ್ಬರು ಫ್ಯಾನ್ಸ್‌ಗೂ ಇದು ಖುಷಿ ಕೊಡಲಿದೆ.

ಜನವರಿ 8ಕ್ಕೆ ಕೆಜಿಎಫ್ ಟೀಸರ್

ಜನವರಿ 8 ರಂದು ರಾಕಿಂಗ್ ಸ್ಟಾರ್ ಯಶ್ ಅವರ ಹುಟ್ಟುಹಬ್ಬ. ಬರ್ತಡೇ ಪ್ರಯುಕ್ತ ಕೆಜಿಎಫ್ ಚಾಪ್ಟರ್ 2 ಸಿನಿಮಾದ ಟೀಸರ್ ಬಿಡುಗಡೆ ಮಾಡಲು ಚಿತ್ರತಂಡ ಯೋಜಿಸಿದೆ. ಒಂದು ವಾರಕ್ಕೂ ಮುಂಚಯೇ ಟೀಸರ್ ಬಿಡುಗಡೆಯಾದರೂ, ಮಾಸ್ಟರ್ ಪ್ರದರ್ಶನ ಬ್ರೇಕ್ ವೇಳೆ ಕೆಜಿಎಫ್ ಟೀಸರ್ ಪ್ರದರ್ಶನ ಕಾಣಲಿದೆ ಎನ್ನುವುದು ಸಂಭ್ರಮಿಸುವ ವಿಚಾರವೇ.

ಕೆಜಿಎಫ್ ಟೀಸರ್‌ಗೂ ಮೊದಲೇ ಕುತೂಹಲ ಹೆಚ್ಚಿಸಿದ ಪ್ರಶಾಂತ್ ನೀಲ್

ಎರಡು ಚಿತ್ರಗಳಿಗೂ ಇದು ಅನುಕೂಲ

ಮಾಸ್ಟರ್ ಮತ್ತು ಕೆಜಿಎಫ್ ಎರಡು ಸಿನಿಮಾಗಳು ಪ್ಯಾನ್ ಇಂಡಿಯಾ ಬಿಡುಗಡೆಯಾಗಲಿದೆ. ಎರಡು ಚಿತ್ರಗಳಿಗೂ ಇದು ಅನುಕೂಲವಾಗಲಿದೆ. ಪ್ರಚಾರದಲ್ಲಿ ಎರಡು ಚಿತ್ರಗಳು ಒಳ್ಳೆಯ ಮಾಸ್ಟರ್ ಪ್ಲಾನ್ ಮಾಡಿದೆ ಎಂಬ ಅಭಿಪ್ರಾಯವೂ ಕೇಳಿ ಬರ್ತಿದೆ.

ವಿಜಯ್-ವಿಜಯ್ ಸೇತುಪತಿ

ಮಾಸ್ಟರ್ ಚಿತ್ರದಲ್ಲಿ ವಿಜಯ್ ಮತ್ತು ವಿಜಯ್ ಸೇತುಪತಿ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ಮಾಳವಿಕಾ ಮೋಹನ್ ನಾಯಕಿಯಾಗಿದ್ದಾರೆ. ಲೋಕೇಶ್ ಕನಕರಾಜ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದು, ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ ಈ ಚಿತ್ರ ದಾಖಲೆ ನಿರ್ಮಿಸಲಿದೆ ಎಂಬ ನಿರೀಕ್ಷೆ ಇದೆ.