ಕೆಜಿಎಫ್ ಚಾಪ್ಟರ್ 2 ರಿಲೀಸ್ ದಿನಾಂಕ ಪಕ್ಕಾ, ಇದೇನಾ ಅಧಿಕೃತ ಡೇಟ್?

ಮೇ ಕೊನೆಯಲ್ಲಿ ಕೆಜಿಎಫ್ ರಿಲೀಸ್?

'ತೆಲುಗು 360.ಕಾಮ್' ಎಂಬ ವೆಬ್‌ಸೈಟ್ ವರದಿ ಮಾಡಿರುವ ಪ್ರಕಾರ, ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಮೇ ಕೊನೆಯ ವಾರದಲ್ಲಿ ತೆರೆಗೆ ಬರಲಿದೆಯಂತೆ. ಮೇ 30ಕ್ಕೆ ವರ್ಲ್ಡ್ ವೈಡ್ ಚಾಪ್ಟರ್ 2 ಬಿಡುಗಡೆಯಾಗಲಿದೆ ಎಂದು ಸುದ್ದಿ ವರದಿ ಮಾಡಿದೆ.

ವಿತರಕರ ಜೊತೆ ಚರ್ಚೆ ಆಗಿದೆ!

ಕೆಜಿಎಫ್ ಚಾಪ್ಟರ್ 2 ಸಿನಿಮಾ ರಿಲೀಸ್ ಬಗ್ಗೆ ಆಂಧ್ರ ಮತ್ತು ತೆಲಂಗಾಣ ವಿತರಕರಿಗೆ ಮಾಹಿತಿ ರವಾನೆಯಾಗಿದೆ ಎನ್ನಲಾಗಿದೆ. ತೆಲುಗಿನಲ್ಲಿ ಕೆಜಿಎಫ್ ಚಿತ್ರವನ್ನು ಸಾಯಿ ಕೋರ್ರಪತಿ ರಿಲೀಸ್ ಮಾಡಲಿದ್ದು, ಈ ಸಂಬಂಧ ಎಲ್ಲ ಸೆಂಟರ್‌ನ ವಿತರಕರ ಜೊತೆ ಚರ್ಚೆ ನಡೆಸಿದ್ದಾರಂತೆ.

ಭಾರಿ ಬೆಲೆಗೆ ತೆಲುಗು ರೈಟ್ಸ್ ಮಾರಾಟ!

ತೆಲುಗಿನ ಮಾಧ್ಯಮಗಳು ವರದಿ ಮಾಡಿರುವಂತೆ ಕೆಜಿಎಫ್ ಸಿನಿಮಾದ ತೆಲುಗು ವರ್ಷನ್ ವಿತರಣೆ ಹಕ್ಕು ಸುಮಾರು 60 ಕೋಟಿ ಬೆಲೆಗೆ ಮಾರಾಟವಾಗಿದೆಯಂತೆ. ಮೊದಲ ಚಾಪ್ಟರ್ ಗೆ ಹೋಲಿಸಿಕೊಂಡರೆ ಎರಡನೇ ಚಾಪ್ಟರ್ ಮೇಲೆ ತೆಲುಗು ರಾಜ್ಯಗಳಲ್ಲಿ ಹೆಚ್ಚು ಇರೀಕ್ಷೆ ಇದೆ.

ಚಾಪ್ಟರ್ 1ಕ್ಕೆ 5 ಕೋಟಿ ನೀಡಲಾಗಿತ್ತು

ಕೆಜಿಎಫ್ ಚಾಪ್ಟರ್ 1 ಸಿನಿಮಾ ಬಿಡುಗಡೆಯಾದಾಗ ತೆಲುಗಿನಲ್ಲಿ ಕೇವಲ 5 ಕೋಟಿ ಖರೀದಿ ಮಾಡಿದ್ದರು. ಮೊದಲ ಭಾಗದ ಸಕ್ಸಸ್ ಹಾಗೂ ಎರಡನೇ ಭಾಗದ ನಿರೀಕ್ಷೆ ನೋಡಿದ್ಮೇಲೆ 60 ಕೋಟಿಯಷ್ಟು ಬೇಡಿಕೆ ಹೆಚ್ಚಿರುವುದು ನಿಜಕ್ಕೂ ಅಚ್ಚರಿ ಬೆಳವಣಿಗೆ.

ಶೂಟಿಂಗ್ ಕಂಪ್ಲೀಟ್

ಕೆಜಿಎಫ್ ಚಿತ್ರದ ಶೂಟಿಂಗ್ ಬಹುತೇಕ ಮುಕ್ತಾಯವಾಗಿದೆ. ಯಶ್, ಸಂಜಯ್ ದತ್ ಅವರ ಭಾಗ ಚಿತ್ರೀಕರಣ ಬಹಳ ರೋಚಕವಾಗಿ ಮೂಡಿ ಬಂದಿದೆ ಎನ್ನಲಾಗಿದೆ. ಕ್ಲೈಮ್ಯಾಕ್ಸ್ ದೃಶ್ಯವೊಂದಕ್ಕೆ ಸುಮಾರು 12 ಕೋಟಿ ಖರ್ಚು ಮಾಡಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ.