ಪಾಕಿಸ್ತಾನದಲ್ಲಿ ಕೆಜಿಎಫ್ ಅಬ್ಬರ: ಮೊದಲ ಮೂರು ದಿನದಲ್ಲಿ ಕೆಜಿಎಫ್ ಗಳಿಸಿದ್ದೆಷ್ಟು?

ಮೊದಲ ದಿನ ಕೆಜಿಎಫ್ ಗಳಿಸಿದ್ದೆಷ್ಟು?

ಹಿಂದಿ ಭಾಷೆಯಲ್ಲಿ ಡಬ್ ಆಗಿದ್ದ ಕೆಜಿಎಫ್ ಸಿನಿಮಾ ಕಳೆದ ವಾರ ಪಾಕಿಸ್ತಾನದ ಲಾಹೋರ್, ಇಸ್ಲಮಾಬಾದ್ ನ ಹಲವು ಥಿಯೇಟರ್ ಗಳಲ್ಲಿ ತೆರೆಕಂಡಿದೆ. ಸದ್ಯದ ಮಾಹಿತಿ ಪ್ರಕಾರ, ಕೆಜಿಎಫ್ ಸಿನಿಮಾ ಮೊದಲ ದಿನ ಪಾಕಿಸ್ತಾನದಲ್ಲಿ 81 ಲಕ್ಷ ಗಳಿಸಿದೆ ಎನ್ನಲಾಗಿದೆ.

ಮೊದಲ ಮೂರು ದಿನಕ್ಕೆ ದಾಖಲೆ.!

ಮೊದಲ ದಿನ 81 ಲಕ್ಷ ಗಳಿಸಿದ್ದ ಕೆಜಿಎಫ್ ಸಿನಿಮಾ ಎರಡನೇ ದಿನ 1.06 ಕೋಟಿ ಹಾಗೂ ಮೂರನೇ ದಿನ 1.45 ಕೋಟಿ ಗಳಿಕೆ ಕಂಡಿದೆ. ಒಟ್ಟಾರೆ ಮೊದಲ ಮೂರು ದಿನಕ್ಕೆ 2.75 ರಿಂದ 3 ಕೋಟಿ ಬಾಚಿಕೊಂಡಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಪಾಕ್ ದೇಶದಲ್ಲಿ ಮೊದಲ ಕನ್ನಡ ಸಿನಿಮಾ

ಇಲ್ಲಿಯವರೆಗೂ ಪಾಕಿಸ್ತಾನದಲ್ಲಿ ಯಾವುದೇ ಕನ್ನಡ ಸಿನಿಮಾ ತೆರೆಕಂಡಿಲ್ಲ. ಇದೇ ಮೊದಲ ಸಲ ಕನ್ನಡ ಚಿತ್ರವೊಂದು ಪಾಕ್ ನಾಡಿನಲ್ಲಿ ಪ್ರದರ್ಶನವಾಗುವ ಮೂಲಕ ಹೊಸ ಬದಲಾವಣೆ ತಂದಿದೆ. ಕನ್ನಡ ಸಿನಿಮಾವೊಂದು ಪರರಾಜ್ಯಗಳಲ್ಲಿ ಮಾತ್ರವಲ್ಲ ಈಗ ಪಾಕಿಸ್ತಾನದಲ್ಲೂ ಅಬ್ಬರಿಸುತ್ತಿರುವುದು ವಿಶೇಷ.

ಹಿಂದಿ ಗಳಿಕೆ ಎಷ್ಟು?

ಒಟ್ಟಾರೆ ಕಲೆಕ್ಷನ್ ನಲ್ಲಿ 200 ಕೋಟಿ ಕ್ಲಬ್ ಸೇರಿರುವ ಕೆಜಿಎಫ್ ಸಿನಿಮಾ, ಹಿಂದಿ ವರ್ಷನ್ ನಲ್ಲಿ 42 ಕೋಟಿ ಗಳಿಸಿದೆ. ಮೊದಲ ವಾರ 21.45 ಕೋಟಿ, ಎರಡನೇ ವಾರ 11.25 ಕೋಟಿ, ಮೂರನೇ ವಾರ 7.44 ಕೋಟಿ ಹಾಗೂ ನಾಲ್ಕನೇ ವಾರ 1.61 ಕೋಟಿ ಗಳಿಕೆ ಕಂಡಿದೆ.