'ಬಿಗ್ ಬಾಸ್' ಸೀಸನ್ 3 - ಸುದೀಪ್ 20 ಕೋಟಿ ಡೀಲ್.!?

ಮುಂದಿನ ಐದು 'ಬಿಗ್ ಬಾಸ್' ಸೀಸನ್ ಕಲರ್ಸ್ ನಲ್ಲಿ!

'ಬಿಗ್ ಬಾಸ್' ಕಾರ್ಯಕ್ರಮದ ಮುಂದಿನ ಐದು ವರ್ಷಗಳ ಪ್ರಸಾರ ಹಕ್ಕುಗಳನ್ನ ಅತಿ ಹೆಚ್ಚು ಮೊತ್ತಕ್ಕೆ ಕಲರ್ಸ್ ಕನ್ನಡ ವಾಹಿನಿ ಪಡೆದುಕೊಂಡಿದೆ. [ಶುರುವಾಗಲಿದೆ 'ಬಿಗ್ ಬಾಸ್' ಕನ್ನಡ ಸೀಸನ್ 3]

ಇನ್ನೈದು ವರ್ಷ ಸುದೀಪ್ 'ಬಿಗ್ ಬಾಸ್'

ಕಿಚ್ಚ ಸುದೀಪ್ ಅಂದ್ರೆ 'ಬಿಗ್ ಬಾಸ್'. 'ಬಿಗ್ ಬಾಸ್' ಅಂದ್ರೆ ಕಿಚ್ಚ ಸುದೀಪ್ ಅನ್ನುವ ಸಕ್ಸಸ್ ಫಾರ್ಮುಲಾ ಕಲರ್ಸ್ ಕನ್ನಡ ವಾಹಿನಿಗೆ ಮನದಟ್ಟಾಗಿದೆ. ಬಿಗ್ ಬಾಸ್ ಮೂಲಕ ಜನಪ್ರಿಯತೆಯ ಉತ್ತುಂಗಕ್ಕೆ ಏರಿರುವ ಸುದೀಪ್ ರನ್ನೇ ಮತ್ತೆ ನಿರೂಪಣೆ ಮಾಡುವಂತೆ ಒಪ್ಪಿಸುವಲ್ಲಿ ಕಲರ್ಸ್ ಕನ್ನಡ ವಾಹಿನಿ ಯಶಸ್ವಿಯಾಗಿದೆ. [ಈಬಾರಿ ಬಿಗ್ಬಾಸ್ ಮಾಡೋದು ಕೂಡ ತಮಾಷೇನೆ ಅಲ್ಲ!]

ಕಿಚ್ಚ ಸುದೀಪ್ ಗೆ 20+ ಕೋಟಿ ಡೀಲ್.!

ಮೂಲಗಳ ಪ್ರಕಾರ, ಕಲರ್ಸ್ ಕನ್ನಡ ವಾಹಿನಿ ಕಿಚ್ಚ ಸುದೀಪ್ ಜೊತೆಗೆ 20+ ಕೋಟಿ ಡೀಲ್ ಮಾಡಿಕೊಂಡಿದೆ. ಮುಂದಿನ 5 'ಬಿಗ್ ಬಾಸ್' ಸೀಸನ್ ಗಳಿಗೆ ಸುದೀಪ್ ರನ್ನ ಈಗಲೇ ಬುಕ್ ಮಾಡಿಕೊಂಡಿದೆ. ಅದಕ್ಕೆ ಬರೋಬ್ಬರಿ 20 ಕೋಟಿಗೂ ಹೆಚ್ಚು ಹಣವನ್ನ ಕಲರ್ಸ್ ಕನ್ನಡ ವಾಹಿನಿ ಸುದೀಪ್ ಗೆ ನೀಡಿದೆ.

ಇನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ 'ಬಿಗ್ ಬಾಸ್' ಮನೆ

ಕಳೆದ ಎರಡು ಕನ್ನಡ 'ಬಿಗ್ ಬಾಸ್' ಸೀಸನ್ ಗಳು ಲೋನಾವಾಲದಲ್ಲಿ ನಡೆದಿತ್ತು. ಆದ್ರೆ ಈ ಬಾರಿ ಬೆಂಗಳೂರು ಸಮೀಪದ ಬಿಡದಿಯಲ್ಲಿ ನಡೆಯಲಿದೆ. 'ಬಿಗ್ ಬಾಸ್' ಸೀಸನ್ 3 ಗಾಗಿ ಬಿಡದಿಯಲ್ಲಿರುವ ಇನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ 'ಬಿಗ್ ಬಾಸ್' ಮನೆಯ ಸ್ಪೆಷಲ್ ಸೆಟ್ ಮತ್ತು ಸ್ಟೇಜ್ ನಿರ್ಮಾಣವಾಗುತ್ತಿದೆ.

'ಬಿಗ್ ಬಾಸ್'ನಲ್ಲಿ ಯಾರ್ಯಾರು ಇರಲಿದ್ದಾರೆ?

'ಬಿಗ್ ಬಾಸ್' ಸ್ಪರ್ಧಿಗಳ ಆಯ್ಕೆ ಪ್ರಕ್ರಿಯೆ ಇನ್ನೂ ನಡೆಯುತ್ತಿದೆ. ಕಲರ್ಸ್ ಕನ್ನಡ ವಾಹಿನಿ ಮೂಲಗಳ ಪ್ರಕಾರ ಹುಚ್ಚ ವೆಂಕಟ್, ಮೈತ್ರಿಯಾ ಗೌಡ, 'ವಜ್ರಕಾಯ' ನಟಿ ಶುಭ್ರ ಐಯ್ಯಪ್ಪ, ಕಾರುಣ್ಯ ರಾಮ್ ಹೆಸರು ಆಯ್ಕೆ ಪಟ್ಟಿಯಲ್ಲಿವೆ. ಇವರುಗಳಲ್ಲಿ ಯಾರು ಅಂತಿಮ ಅಂತ ಇನ್ನೂ ನಿರ್ಧಾರವಾಗಿಲ್ಲ. ['ಬಿಗ್ ಬಾಸ್' ಸ್ಪರ್ಧಿಯಾಗಲಿದ್ದಾರೆ 'ಹುಚ್ಚ ವೆಂಕಟ್'] (ಮಾಹಿತಿ ಕೃಪೆ-ಚಿತ್ರಲೋಕ)