ಹೀರೋಯಿನ್ ಫ್ರೆಂಡ್ ಜೊತೆ ಕ್ರಿಕೆಟಿಗ ರಾಹುಲ್ ಡೇಟಿಂಗ್: ಯಾರು ಆ ಸ್ನೇಹಿತೆ?

ಆಲಿಯಾ ಭಟ್ ಸ್ನೇಹಿತೆ ಜೊತೆ ರಾಹುಲ್

ಬಾಲಿವುಡ್ ನಟಿ ಆಲಿಯಾ ಭಟ್ ಅವರ ಆಪ್ತ ಗೆಳತಿಯೊಬ್ಬರ ಜೊತೆ ರಾಹುಲ್ ಡೇಟ್ ಮಾಡುತ್ತಿರಬಹುದು ಎಂಬ ಗುಸುಗುಸು ಈಗ ಹುಟ್ಟಿಕೊಂಡಿದೆ. ಅದಕ್ಕೆ ಕಾರಣ, ಇತ್ತೀಚಿಗಷ್ಟೆ ಆ ಯುವತಿ ರಾಹುಲ್ ಜೊತೆಗಿರುವ ಫೋಟೋವನ್ನ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವುದು.

ಯಾರು ಆಲಿಯಾ ಸ್ನೇಹಿತೆ?

ಆಲಿಯಾ ಭಟ್ ಅವರ ಆಪ್ತ ಗೆಳತಿ ಆಕಾಂಕ್ಷ ರಂಜನ್ ಕಪೂರ್. ಮೂಲತಃ ಮಾಡೆಲ್ ಆಗಿರುವ ಆಕಾಂಕ್ಷ ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಗಮನ ಸೆಳೆದಿದ್ದಾರೆ. ಈಗ ಕ್ರಿಕೆಟರ್ ರಾಹುಲ್ ಜೊತೆ ಡೇಟಿಂಗ್ ನಲ್ಲಿದ್ದಾರೆ ಎಂಬ ಕಾರಣಕ್ಕೆ ಸುದ್ದಿಯಲ್ಲಿದ್ದಾರೆ. ಮತ್ತೊಂದೆಡೆ ಬಾಲಿವುಡ್ ಗೆ ಪ್ರವೇಶ ಮಾಡುವ ತಯಾರಿ ನಡೆಸಿದ್ದಾರೆ.

ನನ್ನ ವೈಯಕ್ತಿಕ ವಿಷ್ಯಗಳು ವೈಯಕ್ತಿಕವಾಗಿಯೇ ಇದೆ

ಲವ್, ಡೇಟಿಂಗ್ ವಿಚಾರಕ್ಕೆ ಸಂಬಂಧಪಟ್ಟಂತೆ ಬಾಂಬೆ ಟೈಮ್ಸ್ ಪತ್ರಿಕೆಗೆ ಪ್ರತಿಕ್ರಿಯೆ ನೀಡಿರುವ ಕೆಎಲ್ ರಾಹುಲ್ ''ನನ್ನ ಖಾಸಗಿ ಜೀವನವನ್ನ ಪರ್ಸನಲ್ ಆಗಿಯೇ ಇಟ್ಟುಕೊಂಡಿದ್ದೇನೆ. ನಾನು ಈಗ ಕ್ರಿಕೆಟ್ ಗೆ ಮಾತ್ರ ಕಮಿಟ್ ಆಗಿದ್ದೇನೆ'' ಎಂದು ಹೇಳಿದ್ದಾರೆ.

ಸದ್ಯಕ್ಕೆ ನಾನು ಸಿಂಗಲ್

'ನೀವು ಸಿಂಗಲ್' ಎಂದು ಕೇಳಿರುವ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿರುವ ರಾಹುಲ್, ''ಸದ್ಯಕ್ಕೆ ಅದು ನನಗೂ ಗೊತ್ತಿಲ್ಲ. ಅದರ ಬಗ್ಗೆ ನಾನು ಖಚಿತಪಡಿಸಿಕೊಂಡು ನಿಮಗೆ ತಿಳಿಸುತ್ತೇನೆ'' ಎಂದು ಅಡ್ಡಗೋಡೆ ಮೇಲೆ ದೀಪ ಇಟ್ಟಿದ್ದಾರೆ.