ಸಲಾರ್ ಚಿತ್ರಕ್ಕಾಗಿ ಶ್ರುತಿ ಹಾಸನ್‌ಗೆ ಇಷ್ಟು ದೊಡ್ಡ ಸಂಭಾವನೆ ಕೊಡಲಾಗುತ್ತಿದೆಯಾ?

'ಸಲಾರ್' ಚಿತ್ರಕ್ಕೆ ಶ್ರುತಿ ಪಡೆದ ಸಂಭಾವನೆ ಎಷ್ಟು?

ಹೊಂಬಾಳೆ ಫಿಲಂಸ್ ನಿರ್ಮಾಣದಲ್ಲಿ ತಯಾರಾಗುತ್ತಿರುವ ಮೆಗಾ ಸಿನಿಮಾ 'ಸಲಾರ್' ಚಿತ್ರಕ್ಕೆ ಶ್ರುತಿ ಹಾಸನ್ ನಾಯಕಿಯಾಗಿದ್ದಾರೆ. ಶ್ರುತಿ ಹುಟ್ಟುಹಬ್ಬದ ಪ್ರಯುಕ್ತ ಸಲಾರ್ ಚಿತ್ರತಂಡ ಈ ಸುದ್ದಿಯನ್ನು ಪ್ರಕಟಿಸಿದೆ. ಪ್ರಭಾಸ್ ಚಿತ್ರಕ್ಕೆ ಶ್ರುತಿ ಹೀರೋಯಿನ್ ಎಂದು ಪ್ರಕಟವಾದ ಬೆನ್ನಲ್ಲೆ ಅವರ ಸಂಭಾವನೆ ವಿಚಾರವೂ ಹೆಚ್ಚು ಚರ್ಚೆಯಾಗುತ್ತಿದೆ. ಸದ್ಯದ ಮಾಹಿತಿ ಪ್ರಕಾರ ಶ್ರುತಿ ಸಲಾರ್ ಚಿತ್ರಕ್ಕೆ 1 ಕೋಟಿ ಸಂಭಾವನೆ ಪಡೆದುಕೊಂಡಿದ್ದಾರೆ ಎನ್ನಲಾಗಿದೆ.

ಅತಿ ಹೆಚ್ಚು ಸಂಭಾವನೆ ಎನ್ನಲಾಗಿದೆ?

ಶ್ರುತಿ ವೃತ್ತಿ ಜೀವನದಲ್ಲಿ ಸಲಾರ್ ಚಿತ್ರಕ್ಕೆ ಪಡೆದ ಸಂಭಾವನೆಯೇ ದೊಡ್ಡದು ಎನ್ನಲಾಗುತ್ತಿದೆ. ಇದುವರೆಗು ಶ್ರುತಿ ಹಾಸನ್ ಯಾವ ಚಿತ್ರಕ್ಕೂ ಒಂದು ಕೋಟಿಗೆ ಮೀರಿ ಸಂಭಾವನೆ ಪಡೆದಿರಲಿಲ್ಲ ಎಂದು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯಾಗುತ್ತಿದೆ. ಆದ್ರೆ, ಶ್ರುತಿ ಹಾಸನ್ ಅವರ ಅಭಿಮಾನಿಗಳು ಇದನ್ನು ನಿರಾಕರಿಸುತ್ತಿದ್ದಾರೆ. ಶ್ರುತಿ ಸಂಭಾವನೆ ಇದಕ್ಕಿಂತ ಹೆಚ್ಚಿದೆ. ಇಂಡಸ್ಟ್ರಿಗೆ ಬಂದಿರುವ ಹೊಸಬರೇ ಒಂದು ಕೋಟಿ ಪಡೆಯುತ್ತಾರೆ ಎಂದು ಹೇಳುತ್ತಿದ್ದಾರೆ.

ಚಿತ್ರೀಕರಣಕ್ಕೆ ಸಜ್ಜಾದ ಸಲಾರ್

ಜನವರಿ 29 ರಿಂದಲೇ ಸಲಾರ್ ಚಿತ್ರೀಕರಣ ಪ್ರಾರಂಭಿಸಲು ಯೋಜಿಸಲಾಗಿದೆಯಂತೆ. ಆರಂಭದಲ್ಲಿ ಆಕ್ಷನ್ ದೃಶ್ಯಗಳನ್ನು ಶೂಟ್ ಮಾಡಲು ಸಿದ್ಧತೆ ನಡೆದಿದೆ. ಸಲಾರ್ ಚಿತ್ರದಲ್ಲಿ ಬರೋಬ್ಬರಿ ಆರು ಆಕ್ಷನ್ ದೃಶ್ಯಗಳಿದ್ದು, ದುಬಾರಿಯಾಗಿ ಚಿತ್ರೀಕರಿಸಲು ಸಿದ್ಧತೆ ಮಾಡಿಕೊಳ್ಳಲಾಗಿದೆ. ಇನ್ನುಳಿದಂತೆ

'ಕ್ರ್ಯಾಕ್' ಹಿಟ್ ಆಯ್ತು

ರವಿತೇಜ ನಟನೆಯ ಕ್ರ್ಯಾಕ್ ಸಿನಿಮಾದಲ್ಲಿ ಶ್ರುತಿ ಹಾಸನ್ ನಾಯಕಿಯಾಗಿ ನಟಿಸಿದ್ದಾರೆ. ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಈ ಸಿನಿಮಾ ರಿಲೀಸ್ ಆಗಿತ್ತು. ಬಹಳ ದಿನಗಳ ನಂತರ ರವಿತೇಜ ಚಿತ್ರ ದೊಡ್ಡ ಮಟ್ಟದಲ್ಲಿ ಸಕ್ಸಸ್ ಕಂಡಿದೆ. ಶ್ರುತಿ ಹಾಸನ್‌ಗೂ ಈ ಗೆಲುವು ಖುಷಿ ತಂದಿದೆ.