ಒಂದೇ ಚಿತ್ರದಲ್ಲಿ 'ಕಿಂಗ್' ನಾಗಾರ್ಜುನ ಮತ್ತು ಮಗ ಅಖಿಲ್!

ಅನಿಲ್ ರವಿಪುಡಿ ಚಿತ್ರದಲ್ಲಿ ಅಪ್ಪ-ಮಗ

ಮಹೇಶ್ ಬಾಬು ನಟನೆಯ ಸರಿಲೇರು ನೀಕೆವ್ವರು ಚಿತ್ರ ನಿರ್ದೇಶನ ಮಾಡಿದ್ದ ಅನಿಲ್ ರವಿಪುಡಿ, ಈಗ ಮಲ್ಟಿಸ್ಟಾರ್ ಸಿನಿಮಾ ಮಾಡಲು ಮುಂದಾಗಿದ್ದು, ಈ ಚಿತ್ರದಲ್ಲಿ ನಾಗಾರ್ಜುನ ಮತ್ತು ಅಖಿಲ್ ಅವರನ್ನು ಒಟ್ಟಿಗೆ ತೆರೆಮೇಲೆ ತರಲು ಯೋಜಿಸಿದ್ದಾರೆ.

ಎಫ್-3 ಎಂದು ಸುದ್ದಿ!

'ಸರಿಲೇರು ನೀಕೆವ್ವರು' ಚಿತ್ರಕ್ಕೂ ಮುಂಚೆ ಅನಿಲ್ ರವಿಪುಡಿ 'ಎಫ್-2' ಸಿನಿಮಾ ಮಾಡಿದ್ದರು. ವರುಣ್ ತೇಜ ಮತ್ತು ವೆಂಕಟೇಶ್ ನಾಯಕರಾಗಿದ್ದ ಈ ಚಿತ್ರದಲ್ಲಿ ತಮನ್ನಾ, ಮೆಹ್ರಿನ್ ನಾಯಕಿಯಾಗಿದ್ದರು. ಇದೀಗ, ಅನಿಲ್ ಮುಂದಿನ ಚಿತ್ರವನ್ನು ಎಫ್-3 ಎಂದು ಹೇಳಲಾಗುತ್ತಿದೆ. ಇದರಲ್ಲಿ ನಾಗಾರ್ಜುನ ಮತ್ತು ಅಖಿಲ್ ಬಣ್ಣ ಹಚ್ಚುವ ಸಾಧ್ಯತೆ ಇದೆ.

ಡಿಸೆಂಬರ್‌ಗೆ ಆರಂಭಿಸುವ ಚಿಂತನೆ

ಅನಿಲ್ ರವಿಪುಡಿ ತಮ್ಮ ಮುಂದಿನ ಚಿತ್ರವನ್ನು ಡಿಸೆಂಬರ್‌ನಲ್ಲಿ ಆರಂಭಿಸಲು ತೀರ್ಮಾನಿಸಿದ್ದಾರೆ ಎನ್ನಲಾಗಿದೆ. ಈಗಾಗಲೇ ಈ ಚಿತ್ರದ ಪೂರ್ವ ತಯಾರಿ ನಡೆಸಿದ್ದು, ಅಧಿಕೃತವಾಗಿ ಘೋಷಣೆ ಮಾಡಬೇಕಿದೆ.

ಬ್ರಹ್ಮಾಸ್ತ್ರದಲ್ಲಿ ನಾಗಾರ್ಜುನ!

ವೈಲ್ಡ್ ಡಾಗ್ ಚಿತ್ರೀಕರಣ ಮುಗಿಸಿರುವ ನಾಗಾರ್ಜುನ, ಹಿಂದಿಯ 'ಬ್ರಹ್ಮಾಸ್ತ್ರ' ಸಿನಿಮಾದಲ್ಲಿ ಅತಿಥಿ ಪಾತ್ರ ಮಾಡುತ್ತಿದ್ದಾರೆ. ಮತ್ತೊಂದೆಡೆ ಭಾಸ್ಕರ್ ರಾವ್ ನಿರ್ದೇಶನದ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ ಸಿನಿಮಾ ರಿಲೀಸ್‌ಗೆ ರೆಡಿಯಾಗಿದೆ.