ಮತ್ತೆ ಒಂದಾಗಲಿದ್ದಾರಾ ಹಳೆ ಜೋಡಿ ನಯನತಾರಾ-ಪ್ರಭುದೇವ!?

2017 ರಲ್ಲಿ ನಿಂತುಹೋಗಿದ್ದ ಸಿನಿಮಾ

2017 ರಲ್ಲಿ 'ಕರಪ್ಪು ರಾಜಾ ವೆಲ್ಲೈ ರಾಣಿ' ಎಂಬ ಸಿನಿಮಾವನ್ನು ಪ್ರಭುದೇವಾ ನಿರ್ದೇಶಿಸಿದ್ದರು, ಅದರಲ್ಲಿ ಸೂರ್ಯ ಮತ್ತು ಕಾರ್ತಿ ಪ್ರಮುಖ ಪಾತ್ರದಲ್ಲಿದ್ದರು. ಆದರೆ ಈ ಸಿನಿಮಾ ಮುಂದುವರೆಯಲಿಲ್ಲ. ಆದರೆ ಈಗ ಮತ್ತೆ ಆ ಸಿನಿಮಾವನ್ನು ಮುಂದುವರೆಸಲಾಗುತ್ತಿದೆಯಂತೆ. ಇದರಲ್ಲಿ ನಯನತಾರಾ ನಾಯಕಿ ಆಗಲಿದ್ದಾರೆ ಎನ್ನಲಾಗುತ್ತಿದೆ.

ಸ್ಪಷ್ಟಪಡಿಸಿದ ನಿರ್ಮಾಪಕ ಇಶಾರಿ ಗಣೇಶ್

'ಕರಪ್ಪು ರಾಜಾ ವೆಲ್ಲೈ ರಾಣಿ' ಸಿನಿಮಾದ ನಿರ್ಮಾಪಕ ಇಶಾರಿ ಗಣೇಶ್ ಈ ಬಗ್ಗೆ ಮಾತನಾಡಿದ್ದು, 'ಕರಪ್ಪು ರಾಜಾ ವೆಲ್ಲೈ ರಾಣಿ' ಸಿನಿಮಾವನ್ನು ಮುಂದವರೆಸುವುದು ನಿಜ ಆದರೆ ಸಂಪೂರ್ಣ ಹೊಸ ತಂಡದೊಂದಿಗೆ ಸಿನಿಮಾ ಮುಂದುವರೆಸುತ್ತೇನೆ ಎಂದಿದ್ದಾರೆ.

ಹಳೆ ಜೋಡಿ ಒಟ್ಟಿಗೆ ಸೇರಲಾರರು

ಆ ಮೂಲಕ ಹಳೆ ಜೋಡಿ ನಯನತಾರಾ ಮತ್ತು ಪ್ರಭುದೇವಾ ಒಟ್ಟಿಗೆ ಕೆಲಸ ಮಾಡುತ್ತಾರೆ ಎಂಬ ಗಾಳಿಸುದ್ದಿಗೆ ಬ್ರೇಕ್ ಬಿದ್ದಿದೆ. ಬ್ರೇಕ್ ಅಪ್ ಆದ ಮೇಲೆ ಈ ಇಬ್ಬರೂ ಒಟ್ಟಿಗೆ ಒಂದೇ ಪ್ರಾಜೆಕ್ಟ್‌ನಲ್ಲಿ ಕಾಣಿಸಿಕೊಂಡಿಲ್ಲ.

ವಿಘ್ನೇಶ್ ಶಿವನ್ ಜೊತೆ ಮದುವೆ

ಪ್ರಭುದೇವಾ ಜೊತೆ ಬ್ರೇಕ್ ಅಪ್ ಆದ ನಂತರ ನಯನತಾರಾ, ನಿರ್ದೇಶಕ ವಿಘ್ನೇಶ್ ಶಿವನ್ ಸಖ್ಯ ಬೆಳೆಸಿದ್ದು, ಈ ಜೊಡಿ ಸದ್ಯದಲ್ಲಿಯೇ ದೇವಸ್ಥಾನದಲ್ಲಿ ಮದುವೆ ಸಹ ಆಗಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.